عايز اسقط موتور 2400 او 3200 ارجو النصيحة
السلام عليكم انا جبت حديثا 156 موديل 2004 facelift بحالة نادرة و اللي قبلي كان بيصونها ممتاز و كل 3500 كم بيرمي الزيت و الفلتر و بيسخنها كويس الصبح يعني من الآخر و احد بيفهم المهم الموتور 10 على 10 هو 1600 Twin spark with direct injection
انا كنت سمعت ان فيه عربية الفا 147 في مصر اتطورت ل3200 سي سي و انا كمان كنت بافكر اطور عربيتي للستاندارد بتاع الGTA بموتوره ال3200 و عفشته و طنابير فرامله و كدة و معروض علي ترقية كاملة بموتور مش عامل كتير (20-30 الف كم) و عفشة جديدة و كله كله بحوالي 45 الف جنيه بالتركيب
او 2500 V6 برضه بعفشته بحوالي 20 الف جنيه
و فيه كمان 2000 سي سي برضه شبه جديد بحوالي 6500 جنيه و اعتقد ميزة الالفين سي سي انه مش محتاج اي تغييرات.
سؤالي هل الموضوع يستاهل علما ان موتور ال1600 سحبه رائع وخصوصا على النقلة التانية و التالثة .
و السؤال الاهم هل فيه اي تغييرات في فلتر الزيت و السيور في العربيات دي او اي قطع غيار تانية يعني هل حاعاني من عدم توافر قطع الغيار؟ انا فاهم ان الموتور اللي كان التوكيل منزله في مصر كان ال1600 بس.
وهل الاسعار دي كويسة؟ علما ان العربية الGTA برة مصر لسة ماسكة اسعار عالية قوي في البيع. وهي عربية وهمية تسارع من 0 ل 100 في 6.4 ثانية و 250 حصان و 250 كم في الساعة.
و الا هل افضل الواحد يركب تيربو تشارجر كيت على ال1600؟
