برجلة و حرق بنزين و ترتيلة في الماتور

السلام عليكم

السيارة جين تو 2010

المشكلة

ترتيلة و برجلة في السيارة و بتاكل بنزين جاممممممد جدااااا و صوت الماتور عالي و مخنوق و السحب ضايع و الشكمان بيتفتف هوا بدون لون كدة

كل ده ظهر بعد ماغيرت السيور و الفلاتر و البوچيهات و عملت الصيانة

نظفت البوابة بالاسبراي و غيرت البوچيهات تانى و لسة زى ما هى

ودتها عند حد بيكشف بالكمبيوتر قالي عيب تقسيمة الكاتينة خلي الميكانيكى يقسم تانى و اعمل حسابك لازم تغيير بوچيهات تانى

هل ده صح ؟؟و سير الكاتينة ممكن يعمل كدة ؟ و اغير بوچيهات تانى ؟
ولو مش كدة يبقي ايه ؟

ايوة ده التقسيمة مخالفة

يعنى اغير البوچيهات كمان ولا ايه
و هل ايه طريقة معينة في التقسيم

انا كنت حطيت منظف مع التفويلة جبته ب 35 جنيه ده ممكن يكون اثر علي حاجة مثلا؟؟

و سير الدينامو عندى بيصرخ علطول تقريبا و بيعلي اكتر مع التكيبف

ده ايه ؟؟ شداد ؟

علي الطمبورة بتاعت الكامة اللي بيتشد عليها سير الكاتينة فيها اسهم بحيث تتظبط التقسيمة عليها وهو بيركب السير .. لازم ترجعله طبعاً ياباشا وتخليه يظبطها

وسير الدينامو لو بيصرخ يبقي عيب من اتنين يااما مش مشدود كويس يااما عايز يتغير لو بقاله فترة متغيرش

حاجات كتييير ,رشاشات او موبينه او سلك او طرمبه او موديول