زي كل موسم ... افلام العيد كلها رقاصات و بلطجيه

افلام العيد ده

"شد اجزاء" بتاع السبكي و البرشامجي محمد رمضان

قال ايه اكشن و فيه رقاصات ... ازاي مش فاهم؟؟؟

"ولاد رزق" انا مش فاهم ازاي احمد عز يعمل فيلم زي ده ؟؟؟

اللي خلاني اتفرج علي اعلانات الافلام دي اني توسمت خير في المنتجين و الرقابه الفنيه و قلت هيبقي في افلام نضيفه السنه دي

المشكله ان في ناس بتبقي هتموت و تخش سينما في العيد فيقوموا داخلين الافلام دي

مش هنتكلم طبعا عن عربجيه الحنطور و البرشامجيه و الشمامين اللي بيستنوا الافلام دي بفارغ الصبر

انا اتمني من الجميع بناقص من دخول السينما في العيد و نقاطع الافلام المقرفه دي

معتقدش ان في حد بيهتم بمتابعة الأفلام دي فضلا عن دخول السينمات المشبوهة دي غير الإخوة السبارسجية والعربجية فمتشغلش بالك

لو كلامك صحيح يبقي الاخوه السبارسجيه و العربجيه هما الفئه الاكبر في البلد

حضرتك مشوفتش الطوابير علي الافلام ده بيبقي عامل ازاي ؟؟؟

الشباب الصغير
ثانوي
عددهم كبير مش قليل

لو كلامك صحيح يبقي الاخوه السبارسجيه و العربجيه هما الفئه الاكبر في البلد

حضرتك مشوفتش الطوابير علي الافلام دي بيبقي عامل ازاي ؟؟؟

اقتباس:

---

المشاركة الأصلية كتبت بواسطة باسم يوسف

لو كلامك صحيح يبقي الاخوه السبارسجيه و العربجيه هما الفئه الاكبر في البلد

حضرتك مشوفتش الطوابير علي الافلام دي بيبقي عامل ازاي ؟؟؟

---

أمال انت كنت فاكر إيه :E_braces[1]:

الافلام دى بتتعمل لزيادة الجهل فى المجتمع مش اكتر والكلام ده من زمان لما كنت باسمع افلام عادل امام زمان كانت اغلبها بتطلع المسلم الملتزم اللى المفروض انه بيتشبه بخير خلق الله
على انه ارهابى او فلاتى او سئ الخلق ولا حول ولا قوة الا بالله
تقدر تقول نسوا الله فانساهم انفسهم الحمد لله الذى عافنى مما ابتلا به كثير من خلقه

فى دولة يتحكم فيها السبكى فى الذوق العام و يشكل أخلاق المجتمع توقع أن يأتى يوم من الأيام يتربع فيه النجم السينمائى فحل مصر الأول (أحمد التباع ) على عرش النجومية فى مصر بعد إنتحار عمرو دياب بسبب الغيرة من سعيد الهوا

الطريف إن رئيس الدولة نفسة بينادى فى كل حفلات الإفطار بضرورة تجديد الخطاب الدينى ( معرفش يعنى إيه) و الإهتمام بالتعليم و الأخلاق و القيم فى الوقت الذى يسمح نظامه بنزول هذه الأفلام و عرض البرامج المنحطة

هههههه انا اخر مرة دخلت سينما كان من 15 سنة تقريبا" :tire: :dumb:

اقتباس:

---

المشاركة الأصلية كتبت بواسطة أبو آسر

معتقدش ان في حد بيهتم بمتابعة الأفلام دي فضلا عن دخول السينمات المشبوهة دي غير الإخوة السبارسجية والعربجية فمتشغلش بالك

---

يعني ايه سبارسجية ؟!

اذاااا كااااان مسلسلات رمضان كلها عري ورقص هنتكلم علي افلام عيد.

ياراجل كبر مخك.

العيب مش عالبيمثل او اللي بينتج. العيب اللي سمح بالعرض واللي بيتفرج.

اقتباس:

---

المشاركة الأصلية كتبت بواسطة eng.mark

يعني ايه سبارسجية ؟!

---

سبارسجية جاية من كلمة سبارس وهو عقب السيجارة ومعناها عيال شمامين بيلموا اعقاب السجاير اللي الناس بترميها علشان يطفحوها

اقتباس:

---

المشاركة الأصلية كتبت بواسطة أبو آسر

سبارسجية جاية من كلمة سبارس وهو عقب السيجارة ومعناها عيال شمامين بيلموا اعقاب السجاير اللي الناس بترميها علشان يطفحوها

---

شكراً للتوضيح :)

السبكى كتر خيره جزار بتاع لحم وبيفرجنا على لحم