هوا abs بيشتغل مع دوسه الفرامل الجامده ولا مع الدوسه العاديه ولا لازم ادوس جامد اوي للاخر
عرض للطباعة
هوا abs بيشتغل مع دوسه الفرامل الجامده ولا مع الدوسه العاديه ولا لازم ادوس جامد اوي للاخر
ال abs شغال علي طول وده اللي انا ملاحظه و انا سايق و انت بتفرمل العجل بيستجيب لحركة الدريكسيون عادي مش بيفضل مكمل لأدام, كمان مكتوب في الكتالوج انك لما بتدوس جامد عليها بتحس ان في صوت تخبيط تحت ناحية الدواسة و ده مؤشر ان النظام شغال سليم
بص يا سيدي .... ال اي بي اس مبيشتغلش الا لو الفرملة وصلت لدرجة ان العجل يكلبش والعربية تبدأ تزحف .....
الكلام ده بيحصل امتي؟؟؟؟ غالبا لو بتفرمل في رملة او سطح رطب ...
وقتها ال اي بي اس بيدخل علشان يديك القدرة علي المناورة لسببين ....
الاول و المحوري انك هتتزحلق فهتفضل حبة علي ما تقف فبيديك القدرة انك تحود و تفادي بدل ما تلبس في حاجة بعيدة ..
التاني انك تخرج من سبب الزفلطة اللي انت فيها
لما ال اي بي اس بيشتغل بيقف بعد فترة زمنية او لما توصل العربية للثبات .....
مينفعش ال اي بي اس يشتغل من اي لمسة لانه هيسبب طول المسافة للتوقف علي الفاضي
لما يشتغل الاي بي اس مينفعش تخف رجلك من الفرامل بالعكس لازم تفعص البدال للاخر "متتخضش و تشيل رجلك من الاحساس الغريب"
لما الطرق تبقي فيها ريجة " بسبب ركن المية علي الاسفلت " و الاسفلت يبقي محزز و تيجي تدوس فرامل جامد ممكن الاي بي اس يشتغل لانه بيحس كان العربية علي رملة نتيجة عدم تساوي الاسفلت