إشاعة عند كل المعارض والموزعين

السلام عليكم جميعا...
عندي استفسار بسيط بقالي فترة بدور علي عربيه فرينج ٨٥ الف ومالقيتش قدامي غير:
لانوس
فيرنا
لوجان
ايمجراند
انفي
Byd
واخيرا سينوفا
وبعد البحث والفحص مالقيتش اللوجان اول او تاني فئة واللي عندة مزود اوفر برايس ٥ الاف جنيه والبي واي دي تقفيلها ماعجبنيش خالص دا طبعا غير التوكيل اللي سمعته وخدمة مابعد البيع زي الزفت والفيرنا والانوس ضيقين جدا دا غير الشكل اللي عفي عليه الزمن وانحصرت اختياراتي بين الايمجراند والانفي والسينوفا وبالاخص الايمحراند والانفي......الاتنين واسعين وكماليات معقولة والسعر فالمتناول بس كل المعارض فاسكندرية تقريبا مافيهاش انفي وكلهم بيقولوا ان ابو الفتوح حايسيب التوكيل وكلام من ده ومافيش غير عند معرض واحد فسيدي بشر ومزود الفين جنيه علي السعر.طالب منكم المشورة والرأي اجيب ايمجراند ولا انفي مع اني ميال للانفي بس الاشاعات دي قلقاني وهل الايمجراند يعتمد عليها فعلا لاني مش بفكر ابيع قريب.

كعربية ....؟؟؟؟ انا ميال للانفي مع ان شكل الامجراند احلي بالنسبة ليا ....

كسوق و توكيلات و ضمان و كده ..... السوق امجراند ...... مش عايز وكلا ... كفاية انها تاكسي....

اقتباس:

---

المشاركة الأصلية كتبت بواسطة mohamed_prog

السلام عليكم جميعا...
عندي استفسار بسيط بقالي فترة بدور علي عربيه فرينج ٨٥ الف ومالقيتش قدامي غير:
لانوس
فيرنا
لوجان
ايمجراند
انفي
byd
واخيرا سينوفا
وبعد البحث والفحص مالقيتش اللوجان اول او تاني فئة واللي عندة مزود اوفر برايس ٥ الاف جنيه والبي واي دي تقفيلها ماعجبنيش خالص دا طبعا غير التوكيل اللي سمعته وخدمة مابعد البيع زي الزفت والفيرنا والانوس ضيقين جدا دا غير الشكل اللي عفي عليه الزمن وانحصرت اختياراتي بين الايمجراند والانفي والسينوفا وبالاخص الايمحراند والانفي......الاتنين واسعين وكماليات معقولة والسعر فالمتناول بس كل المعارض فاسكندرية تقريبا مافيهاش انفي وكلهم بيقولوا ان ابو الفتوح حايسيب التوكيل وكلام من ده ومافيش غير عند معرض واحد فسيدي بشر ومزود الفين جنيه علي السعر.طالب منكم المشورة والرأي اجيب ايمجراند ولا انفي مع اني ميال للانفي بس الاشاعات دي قلقاني وهل الايمجراند يعتمد عليها فعلا لاني مش بفكر ابيع قريب.

---

باشا
تعليق بسيط بس
خدمة الصيانة للرينو من افضل الخدمات فى مصر عن تجربة
انا كنت بروح الميكانيكيون العرب منتهى الذوق و الاحترام و الشغل الصح
بس الكلام دا من اول 2010 لغاية 13

ابو الفتوح مش هيسيب التوكيل ولا حاجه ولكنه زى غالبيه رجال الاعمال الحاليين بيحاول يشتغل في اضيق الحدود ولدرجه تصفيه بعض العماله وقطع الغيار ممكن تيجى بالطلب .... يمكن يكون عنده حق .... انا كنت في المركز الرئيسى من اسبوع اللى هو بطريق القاهره - الاسكندريه وده كانت العربيات بتوصل لرقم 60 و70 في اليوم للاصلاح ولابد من الاتصال مسبقا وحجز دور لليوم والاسراع صباحا لحجز دور في ترتيب الوصول .... لما ذهبت الملره ده مفيش حجز وجه بعدى 3 عربيات يعنى باجمالى اليوم كله كان 4 عربيات ؟؟؟؟؟؟؟؟؟؟؟؟؟؟؟؟؟؟ ومركز طويل عريض .... يعنى متخافش والدنيا هتمشى للافضل إن شاء الله .

عن تجربة البي واي دي عربية حمارة شغل وبتستحمل السفر والجري وقطع غيارها متوفرة في كل مكان
حتى لو التوكيل تعبان مراكز الصيانة في كل مكان
(أناعن نفسي حتى الآن متابع مع التوكيل ولم أجد إلا الإحترام والمعاملة الجيدة )
ونصيحة بلاش الجيلي

اقتباس:

---

المشاركة الأصلية كتبت بواسطة hamo81

عن تجربة البي واي دي عربية حمارة شغل وبتستحمل السفر والجري وقطع غيارها متوفرة في كل مكان
حتى لو التوكيل تعبان مراكز الصيانة في كل مكان
(أناعن نفسي حتى الآن متابع مع التوكيل ولم أجد إلا الإحترام والمعاملة الجيدة )
ونصيحة بلاش الجيلي

---

لية بلاش الجيلي ماهي شغالة زي الحمار بقالها سنة وزي الفل جري وتكييف وصلابة وللعلم معايا جايبها لمراتي وانا معايا الانترا md 2014 بس بصراحة عاجباني الجيلي ممكن تكون ضيقة بالاخص في الامام علشان انا 180 لكن الباقي جميل تانك كبير وشنطة كبيرة مش هابالغ لو قلت اكبر من الالنترا وكنبة بتساع 3 مرتاحين بمخادع للكل واستهلاك بنزين معقول جدا ومناسب جدا جدا لسعرها ....الخامات بالتاكيد اقل جودة لكن مقابل السعر كويس جدا علي الاقل افضل من النيسان الصني ام 130 الف

الانفى سعر اعادة البيع بتاعها ضايع بكل ما تعنيه الكلمة
نصيحة لو هاتجيبها ( و انا ما انصحكش بيها ) هاتها مستعمله

حضرتك مقولتش ليه إستبعدت السينوفا مع إنى اللى أنا سامعه إن موتورها ميتسوبيشى و فتيس يابانى, هل حضرتك شوفتها على الطبيعة و لقيت تقفيلها سيىء أو إيه السبب اللى خلاك تستبعدها؟؟؟؟

اقتباس:

---

المشاركة الأصلية كتبت بواسطة M.Gomaa

حضرتك مقولتش ليه إستبعدت السينوفا مع إنى اللى أنا سامعه إن موتورها ميتسوبيشى و فتيس يابانى, هل حضرتك شوفتها على الطبيعة و لقيت تقفيلها سيىء أو إيه السبب اللى خلاك تستبعدها؟؟؟؟

---

كلام حضرتك تمام انا شوفت السينوفا الهاتش باك وشكلا جميلة موضوعا جيدة التقفيل نقدر نقول علية جيد جدا وموجودة عند نور الدين فاسكندرية والموتور فعلا ميتسوبيشي سواء ١٣٠٠ او ال ١٥٠٠ بس اللي يقلق انها لسة ماتجربتش وطبعا الانتشار ضايع دا بالاضافة الي المشاكل اللي ظهرت فعربيات كينبو الفان ال٧ راكب اللي شبه الجلوري وال s3 الجيب الدفع الخلفي الللي علي كرونة والكلام ده من قلب شركة مباشر بتاعت عبد اللطيف الجميل في عربيات كانت لسو خارجة من المعرض ورجعت بعد تلات اربع ايام بجير بوكس ومشاكل فالموتور والعربيات بتبقي جثة هامدة ومابتتحركش مع اني عارف ان كينبو مع توكيل تاني غير القصراوي بس الاتنين سينوفا وكينبو فالاخر بايك ومصنع وشركة واحدة بس مع توكيلين والتوكيل لسة ماتقدرتش تحكم عليه مع انه في سوق الميكروباص الصيني مكتسح الكل وكمان هي اصغر حجما من الانفي والايمجراند والشنطة صغيرة بس قصاد دا كله تقفيل مصنعها الاصلي ومافيهاش التاتش بتاع التوكيل واللي يقلق السعر في حالة اعادة البيع حاينزل كتير جدا كعادة السيارات الصيني في حالة البيع.
انا حاستني شوية لحد مالسوق يحكم عليها وربنا يكتبلنا اللي فيه الخير. وشكرا جزيلا علي مشاركة حضرتك

متشكر جدا لرد حضرتك، بس حضرتك شوفت غطاء الموتور مكتوب عليه ميتسوبيشي، أنا بسأل السؤال ده علشان القصراوي منزل فيديو بأراء مستخدمي سينوفا علي صفحته علي الفيس بوك (سينوفا إيجيبت)، وأنا بتفرج علي الفيديو لقيت غطاء الموتور مكتوب عليه بايك فكده ممكن يكون المحرك بايك بتكنولوجيا ميتسوبيشي!؟؟؟؟؟

اقتباس:

---

المشاركة الأصلية كتبت بواسطة m.gomaa

متشكر جدا لرد حضرتك، بس حضرتك شوفت غطاء الموتور مكتوب عليه ميتسوبيشي، أنا بسأل السؤال ده علشان القصراوي منزل فيديو بأراء مستخدمي سينوفا علي صفحته علي الفيس بوك (سينوفا إيجيبت)، وأنا بتفرج علي الفيديو لقيت غطاء الموتور مكتوب عليه بايك فكده ممكن يكون المحرك بايك بتكنولوجيا ميتسوبيشي!؟؟؟؟؟

---

انا شوفت الاتنين واحدة كان غطا موتورها مكتوب عليه بايك والتاني مكتوب عليه ميتسوبيشي ولما سألت قالولي اول دفعة وصلت كان غطا الموتور مكتوب عليه ميتسوبيشي والدفعات اللي بعد كده مكتوب عليه بايك بس الموتور ميتسوبيشي حتي كان في عربيه معروضة وشايلين غطا الموتور وعليه علامة ميتسوبيشي

انا متشكر جدا لزوقك ، في الحقيقة انا في نفس حيرتك بس حاسس ان انا ميال شويه للسينوفا علشان الموتور ميتسوبيشي وكمان متقفلة بره، ان شاء الله بعد العيد هنزل اتفرج عليها لو حسيت اني مقتنع بيها هتوكل علي الله واجبها.

كنت عايز انصحك نصيحة ...انا شفت صور حوادث كتير للايمجراند ....بعضها الجنط اتكسر كانه ورقه ....وبعضها المقص اتكسر كأنه مصنوع من خشب والحادثة دى تسببت فى وفاة شاب ابوه بيقول هيفرع قضية على الشركة.....طبعا الحوادث دى كلها شفتها صور واخبار ...عشان اكون باعرض بحيادية .....فاخدت انطباع سىء عن الايمجراند