اه كلامك صح لاكنى اختلف معاك كلمه السر التعليم
عرض للطباعة
سياسة البلد من اخر عشر سنوات من حكم مبارك هي تدني الاخلاق والثقافة العامة للشعب.
بمنتهي الصراحة والحيادية.. اي نظام غير ديموقراطي يعتمد علي الظلم وسرقة ثروات البلد لا يستطيع الاستمرار مع شعب مثقف وذو اخلاق ودين.. لابد من الهائه في الاعلام والمسلسلات وماتشات الكرة وايضا التدييق عليه اقتصاديا واشغاله بلقمة العيش الاساسية فقط لعدم توافر الوقت للتفكير في السياسة ونظام الحكم. ولابد من قبضة امنية حديدية للضرب علي اي حد يفكر او يعترض. ولابد من تخويفه من عدو لعدم تفكيره في بدائل للنظام. مثل الانفلات الامني. او الارهاب. او المجاعة. او.... واعتقد ان النظام ناجح في هذا الي حد كبير....
عموما احنا بخير ولكن الاصل فينا الذهب الاصيل يقبع تحت الرماد. محتاج نار تجلي ما فوقه من صدأ... من الاخر محتاج شدائد تحركه.
نحن شعب لا يصلح حاله الا في الشدائد. ولك في 1973 خير مثل.
كنا قبل 73 اسوأ اخلاقا ودينا من اي فترة مرت واذا بنا ارقى الشعوب بمجرد ما سمعنا بتحرك الجيش للحرب....
ولنا في 25 يناير مثل ايضا.. فالايام الاخيرة من يناير والاولى من فبراير تعاظم فيها دور الاخلاق الي حد كبير وتكاتف الشعب فيها ولم يلاحظ غياب دور الشرطة تماما.
قلتها من قبل لاصدقاتئ قبل 25 يناير بشهور. ان مصر تحتاج لكارثة تعيدها للطريق الصحيح وكنت افكر في حدوث امر كبير كحرب طاحنة. او ثورة جياع. او انقلاب عسكري..وحدثت ثورة يناير وكنت اظنها انتهت علي خير ...
ولكنها لم تنتهي بعد........
لو افترضنا أن المصريين فريقين
الفريق الأول وهم البلطجية والرقاصين والمخبرين والمغيبين ومن على شاكلتهم
والفريق الثاني وهم الملتزمين وأصحاب الخلق ومن هم في صف الحق ومن على شاكلتهم
فهنالك حالة شديدة من الاحتقان من الفريق الأول للفريق الثاني
ويجدون من النظام ظهر وحامي لهم في افعالهم الغير ادمية
أحد الأعضاء يشتكي من تجبر احد افراد الفريق الأول على احد الشرفاء من الفريق الثاني بمعاونة النظام
بلطجي بيهدد إمام الجامع انه يبلع عنه الامن
دلوقتي البلطجي السوابق بقى واسطة لان ليه مصلحة مع الضابط الفلاني
يعني لو حاجة واقفة معاك في القسم بتاخد بلطجي من منطقتك وتطلع بيه على القسم وهو حيخلصلك اللي انت عايزه
اعتقد دا عيب مش ميزه هههههه. ان احنا شعب تنبل عاوز مصيبه عشان يفز من مكانه ويعمل اي حاجه. معندناش قدره علي العمل الهادئ المستمر الدؤوب ,كل حاجه تتعمل بفوره نشاط سرعان ما تخمد لكن لازم تكون مصحوبه بالتطبيل والفخر كانه جاب الديب التايه من ديله . كمان شعب مودي يعني مزاجنجي يعني حبه فوق وحبه تحت يعني بغزاله ههههههه فممكن يوقف شغل وميعملش عشان مزاجو وممكن هوب يخلص بسرعه جدا جدا - بس الكلفته وارده- ويقولك ان معملنهاش كدا مش هتنعمل ابدا وفعلا صح ههه . كمان حلنجي متعرفش تحاسبه ومش عاوز يتحاسب ويتعب من النظام والقيود ويحبها بيومي من غير حساب سبهلله هبوللي . وصدق من قال المحروسه بلد العجايب وفي حفظ الله.
إذا صلح الحاكم صلح الرعية ....
لو عايز تعرف شعب اقرأ تاريخه. وايضا لو عايز تفهم الموقف السياسي الي البلد فيه الآن إقرأ تاريخها.
البلد دي عاشت ايام تقدم وقوة في فترات من عصورها. وفي فترات قصيرة جدا نهضت من الحضيض الي قمة المجد. هذا فقط عندما يصلح الحاكم.
عندك حوالي 7 ملوك من الفراعنة خرجوا بمصر من مراحل إضطرابات ومجاعات الي امبراطورية عظيمة ان لم تكن اعظم امبراطوريات الارض واكثرهم شهرة رمسيس الثاني وامنحتب الثالث.
المماليك والايوبيين جعلوا مصر مركز العالم العربي الاسلامي الثقافي والهندسي والطبي والاقتصادي وعسكري.
و محمد علي في 18 سنه فقط نهض بكل نواحي الحياة بدايتا بالتعليم ونهايتا بالجيش الذي كونه من الصفر.و جعل مصر تناطح اعظم دول العالم وقتها.
حتى الملك فاروق الي بيشوهوا تاريخه كان يرسل المعونات الي الدول العربية والاوروبية.
والموقف السياسي الأن هو نسخة طبق الاصل مما حدث ابان ثورة 52 وما حدث قبل ثورة 52 هو دور التحالفات السياسية منذ 1943 هو تماما ما حدث بعد يناير 2011 الي 30 يونيو.
حضرتك لو مش متابع الاخلاق وطريقة تفكير البعض في مصر....عليك بس تتابع موضوعك ده لما يبقى 10 صفحات مثلا...وهتعرف لوحدك عقلية المصريين واخلاقهم....عاملة ازاي....ومش بعيد تلاقي واحد طالع بيتهمك انك ارهابي....وانك اخوان....وعامل موضوعك ده عشان توقف تقدم الوطن اللي ماشي في الازدهار والتقدم بسرعة الصاروخ...وعايز تشوش على الانجاز العظيم بتاع مائدة الافطار اللي الشعب هجم عليها وضرب بعضه بالكراسي عشان الاكل....واتحرش باحدى السيدات التابعين للموسوعة..