ممكن توافق تشتغل درايفر في اوبر Uber؟ وايه السبب؟

بعد ما خدمه أوبر بدآت تنتشر في مصر اليومين دول ، والناس بدآت تستعمله ..
هل انت ممكن تستعمله بشكل تاني، بأنك انت اللي تسوق؟

جاوب علي:
- ايه قرارك دلوقتي (متردد ، مفيش وقت، ماتستاهلش ، نفسي بس خايف ، شكلي هيبقي وحش )
- لو عاوز فعلا، ايه السبب ؟ فلوس ؟ تسليه؟
- ايه ممكن يكون رد فعل اهلك واصدقائك ؟ وهل اصلا هتقولهم؟
- لو حد من صحابك قالك اني شغال في أوبر ، نظرتك هتكون ايه له؟
- هل الحاله الامنيه في البلد ممكن تآثر علي قرارك؟

(انا ماليش اي علاقه بأوبر ولا بعمل Survey انا بس كنت بفكر اني اعمل كده وبصراحه متردد جدا جدا)

لو مرتبها مجزى فحيكون حاجه كويسه لانك بتتعامل مع فئة اعلى

طول ما الامراض الاجتماعية و العقد و الكلاكيع فينا يا مصريين مش هنتقدم خطوة

فعلا ، المشكله ان احنا عندنا استعداد نشتغل حتي بياعين جرايد لما نسافر بره مصر .. المجتمع بقي مريض

لو عايز تحقق حاجة في حياتك ماتسمعش كلام الناس و خصوصاً في مصر لأن الناس في مصر هتكرهك في كل حاجة و مش هتلاقي حد يشجعك :)

اقتباس:

---

المشاركة الأصلية كتبت بواسطة th3Programmer

بعد ما خدمه أوبر بدآت تنتشر في مصر اليومين دول ، والناس بدآت تستعمله ..
هل انت ممكن تستعمله بشكل تاني، بأنك انت اللي تسوق؟

جاوب علي:
- ايه قرارك دلوقتي (متردد ، مفيش وقت، ماتستاهلش ، نفسي بس خايف ، شكلي هيبقي وحش )
- لو عاوز فعلا، ايه السبب ؟ فلوس ؟ تسليه؟
- ايه ممكن يكون رد فعل اهلك واصدقائك ؟ وهل اصلا هتقولهم؟
- لو حد من صحابك قالك اني شغال في أوبر ، نظرتك هتكون ايه له؟
- هل الحاله الامنيه في البلد ممكن تآثر علي قرارك؟

(انا ماليش اي علاقه بأوبر ولا بعمل Survey انا بس كنت بفكر اني اعمل كده وبصراحه متردد جدا جدا)

---

انا ممكن استخدمه لتنقلاتي. لكن مش حشتغل سواق لأن عندي عمل واخد وقتي الحمد لله
حشجع صحابي و معارفي انهم يشتغلوا معاه لزيادة الدخل او لاستغلال وقت فراغهم
انا شايف ان اوبر انسب للحالة الامنية لان كل حاجة معمول لها tracking كويس

هو بالفعل الشركه طالبه موظفين من فتره كبيره وسواقين

الموقع بتاعهم عليه كل التفاصيل الخاصه بمصر

ومفيش قلق لانك مش شغال مع نفسك انت تحت شركه ومتابعاك لحظه بلحظه والموضوع فيه امان اكتر من سواقين التاكسى العادى واسمك موظف وليك مرتب ثابت معاهم كل شهر

توكل على الله

هو ايه الفرق بينه وبين easy taxi

معلش هي الخدمه دي عباره عن ايه ؟؟؟ حاجه زي private transporter مثلا ؟

فيه كذا موضوع هنا في المنتدي بيشرح الخدمه دي
بس ببساطه، هي انك تنزل الــ App بتاعهم علي الموبايل بتاعك ، وتحط الكريدت او الديبت كارد بتاعك وتشغل البرنماج وتختار نقطه الوصول والبرنامج هيعرف مكانك ويبعت لاقرب حد ليك من الدرايفرز الطلب (ولو رفض هياخد تقييم سلبي) وممكن يوديك اي مكان انت عايرو ... ميزتها انها متراقبه من الشركه واسعارها ارخص و مافيش مناهده في الدفع والفكه والكلام ده ، كمان العربيات بتبقي نضيفه -- في دبي فيه نوعين منهم البلاك ودي بتبقي عربيات معديه زي بي ام بس احنا عندنا نوع واحد الان اللي هوا الفئه المتوسطه

تصحيح

ما بيبعتش لاقرب واحد و لا بيقيمه سلبي

هو بيبعت لكل السواقين اللي في محيطك و مش مشغولين بزباين حاليا و اول واحد بيقبل هو اللي بيتحجز لك و بيجيلك

صحيح ان مجتمعنا فيه عُقد.. لكن حتى بره بيتريقوا على اللي بيشتغل أوبر وبيعتبروها "على ما تُقرج"

المشكلة انها بتشترط موديل سيارات حديثه ودى مشكله فبلدنا

اقتباس:

---

المشاركة الأصلية كتبت بواسطة th3Programmer

بعد ما خدمه أوبر بدآت تنتشر في مصر اليومين دول ، والناس بدآت تستعمله ..
هل انت ممكن تستعمله بشكل تاني، بأنك انت اللي تسوق؟

جاوب علي:
- ايه قرارك دلوقتي - مستني تفتح فى اسكندرية
- لو عاوز فعلا، ايه السبب ؟ فلوس ؟ تسليه؟ - [COLOR="rgb(255, 140, 0)"]العمل عبادة دا غير اني شغلي طبيعته شهر وشهر [/COLOR]
- ايه ممكن يكون رد فعل اهلك واصدقائك ؟ وهل اصلا هتقولهم؟ - [COLOR="rgb(255, 140, 0)"]طالما حلال ومش في الضلمة اكيد مش هتكسف[/COLOR]
- لو حد من صحابك قالك اني شغال في أوبر ، نظرتك هتكون ايه له؟ - [COLOR="rgb(255, 140, 0)"]الصاحب الصح الجدع اللي يشجع فى الخير وحاليا نادر[/COLOR]
- هل الحاله الامنيه في البلد ممكن تآثر علي قرارك؟ - [COLOR="rgb(255, 140, 0)"]ابدا[/COLOR]

(انا ماليش اي علاقه بأوبر ولا بعمل Survey انا بس كنت بفكر اني اعمل كده وبصراحه متردد جدا جدا)

---

لا هى لمت زباين فى حتت بيئة اووووى

أهم حاجة الحلال و الحرام
ثم الأستعداد النفسي

دول الركائز الأساسية للموضوع

الصورة المثالية لهذا النشاط ان يكون في وقت الفراغ كهاوي و ليس كمحترف...لانه لو مصدر الدخل الوحيد سيتطلب عمل شاق لما يزيد عن عشر ساعات يوميا و اهلاك شديد للسيارة
ركبت مرة مع واحد بيشتغل اصلا في شركة تامين و بيستغل العمل في التسويق لشركة التامين

اقتباس:

---

المشاركة الأصلية كتبت بواسطة m0hsen

لا هى لمت زباين فى حتت بيئة اووووى

---

فعلا لمت بيئه اووى
اول مانزلت كان الدرايفر عمرو مابيتريق على حد وبيخوش اى مكان

اقتباس:

---

المشاركة الأصلية كتبت بواسطة Anaslbda

صحيح ان مجتمعنا فيه عُقد.. لكن حتى بره بيتريقوا على اللي بيشتغل أوبر وبيعتبروها "على ما تُقرج"

---

لو قلت لحضرتك برة السواقين بيعملوا كام مش هتقول كده !

اعرف واحد دخله كويس جدا جدا جدا جدا

و بينزل في الويك اند من باب الايد البطالة نجسة

وراني بيعمل كام في الويك اند الواحد عال app
على تليفونه

شفت بعينيا ..... بيعمل في ويك اند مبلغ و قدره

محدش هنا بيقول عليهم على ما تفرج و لا بيتتريق عليهم و لا حد اصلا بيتتريق على شغل حد


هنا بس بيتتريقوا عالعواطلية اللي عايشين عالاعانات الاجتماعية

لو انا في موقف اني محتاج ازود دخلي فمعتقدش اني هفكر اشتغل في اوبر خصوصاً في مصر, لكن لو بره مصر ممكن افكر..
مش عشان الصورة الاجتماعية و الكلام الفارغ ده, بس عشان السواقة في مصر متعبة جداً.. انا كتير اصلاً بركن عربيتي و بطلب اوبر عشان معنديش طاقة اسوق في زحمة الشوارع و عشوائية السواقة في مصر..
الوضع بره مصر مختلف كلياً من كل النواحي, على الاقل مفيش جو الهمجية و انعدام الالتزام ده..
بس بصراحة في ناس كتير محترمين في مصر شغالين في اوبر ميتخيروش عن اللي شفتهم شغالين فيه بره, مع اختلاف جودة العربيات طبعاً..

بص مبدأ ان اوبر لمت ناس بيئة ده تصنيف عنصرى و ده ان دل فبيدل ان الناس دى عايزة تنضف من القرف الى بتشوفه فى التاكسيات و المشاريع
و لو على قصه بيئة شوف شعب مصر كله معاه موبايلات مثلا و خطوط ولا شركة سامسونج قالت هتستهدف شريحة معينه ولا موبينيل و فودافون و اتصالات قالت مش هندخل العميل البيئة طلاما احنا هنبص للانسان الى معاه فلوس او ساكن فى منطقه راقيه على انه انسان و الى ساكن فى منطقه زفت انه مش انسان هتبقى هيا دى لوب المشكله محدش بيتمنى يتشاف وحش اى نعم فيه ناس من الشعب تستاهل الحرق بس لو كان فيه ظروف فى الدوله افضل كان هيبقى كدة ؟ مش عايزين نهمش و نحمل الناس فوق طاقتها

بالنسبه للموضوع بتاع اوبر
التردد عمره ماهيشغلك فى اى حاجه اصلا و ده اول مسمار فى نعش الفشل
مفيش وقت ممكن سبب مقنع
قصه متستاهلش دى اكيد تستاهل لان فيه ناس كتيرة بتجيب عربيه بالقسط و بتدفع تمنها و بتكسب من خلال اوبر
و بالنسبه لموضوع الشكل هيبقى وحش ولا حلو والله انا بشوف مهندسين و خريجين و ناس شغاله تفتبر فى مناصب محترمة و شغاله فى اوبر لان الى هيبصلك بصه وحشة دة مش هيصرف عليك ولا على بيتك ولا هيفرحلك لو مرتاح ولا هيحزنلك لو متضايق و اخيرا بالنسبه للناس الى بتقول الشكل و ده سواق و بتاع يشوف نفسه الاول ... فيه مثل فيما معناه من ركز مع الناس مات هما

بالنسبالى ده يعتبر مشروع حلو اوى و لو عندى الامكانيات دى ان شاء الله بدون تردد هبقى فيه و لو حال البلد امنيا مش كويس فكله على الله عز و جل يمعنى اصح الى ماشى على رجله معرض انه يتقتل او يتداس او تتفجر فيه حاجه على الاقل يقع فوق نفوخه شباك فى الشتا او يجيله ضرية شمس فى الصيف و يتكل على الله كلنا مهددون

أنا ممكن اشتغلها حاج جانبيه مع شغلى الاساسى فوقت الفراغ بس للاسف عربيتى مش ضمنهم بس لو كانت مسموحه كنت اشغلت
الوقت اللى احنا فيه عاوز اللى يجري على اكل عيشه ويامن احتياجات ولاده

وايه المشكلة فكده
شايفة لو مناسب يبقي كويس وراقي

لو احتاجتها
لما كنت فى مصر حكولى عن دكتور جراحة مشغل ميكروباص
و لما السواق غاب ترك المستشفى و نزل ساق الميكروباص بنفسه
نوبطجية المستشفى ب40جنيه 12 ساعه--شوف الميكروباص فى 12 ساعه يجيب كام