عرض للطباعة
السلام عليكم ... لو سمحتم يا جماعه عاوز أجيب عربيه في حدود 170 الف ومحتار بين لانسر شارك توب لاين شرق أوسط ولا النترا هاي لاين
سمعت طبعا عن كل مشاكل الشارك من ناحية العزل والصوت وحجم الشنطه والدهان وقطع الغيار
بس يا ترى النترا كمان ليها مشاكل ؟؟
أنا بصراحه ميال أكتر للشارك بس عاوز النصيحه بردو من الناس اللي عندها خبره
هات فلوانس أحسن من الشارك في كل حاجة
الشارك عيوبها
1.العزل
2.صوت الموتور
3.الدهان
4.العفشة ناشفة
5 صاجها ضعيف
الالنترا عيوبها
1.الثبات
2.العفشة ناشفة
3.صاجها ضعيف
الالنترا افضل على كل المستوبات و هي بس خفيفه شويه لكن هتتعود عليها في كام بوم و بس كدا.
انسى اكذوبة ياباني و الكوري دي انتهت من زمااااان,
ألالنترا : خامات افضل و جوده اعلى – اعتماديه – كماليات اكتر – انعم – عزل افضل – صالون اوسع – مريييحه –
الشارك : افتح الكبوت و اتفرج على مستوى عزل الاسلاك الكهربا ولا على طرمبة الباور المش موجوده اصلا في الالنترا علشان الالنترا باور كهربا انعم بكتبر. شوف مستوى البلاستيك كدا فيالشارك و تقفيل العربيه
او اقولك ؟ شوف ملاك الشارك بيقولوا عليها ايه من اول الصاج الورق اللي لو كلب قعد عليها بيطبق للدهان اللي بيقشر بعد 3 شهور.
نايل موتورز - NileMotors.net (تقرير واحد موسوس عن الشارك بعد 3000 كم)
http://www.nilemotors.net/Nile/471119-2015.html (مشكلة غربية في دهان لانسر شارك 2015 وكيل)
ولا عن العفشه الناشفه مثلا و الصالون الضيق الفقير و الشنطه الصغيره
و طبعا توكيل غبور مابتقارنش بدياموند
و على فكره انا معايا النترا 2013 عامله 117,000 كم ما شاء الله لسه زيرو و انا بسافر كتير كمان
لما فكرت الايام دي اجيب عربيه جديده كنت بقارن اصلا بين الشارك و الريو و اخترت الريو لنضافة العربيه من تقفيل و خامات و صاج و كماليات و تكنولوجيا.
انا كنت في حيره حضرتك ديه و عملت موضوع هنا و بعدين استقريت علي الشارك الحقيقه الاتنين ممتازين و متقاربين في المواصفات و لو اشترت اي واحده فيهم هتكون مبسوط ان شاء الله
طالما وصلت ل 170 يبقى هات نيسان سنترا، عربية ممتازة في كل شيء، صاج، ثبات، عزل، فتيس، وسع صالون، كبر شنطة، وسائل أمان، كماليات.. وبالثمن هتاخد ال top line كمان مش ال high line .. أنا حجزت الهاي لاين وهأستلمها بعد يومين بإذن الله تعالى.. وبرضه الفلوانس ممتازة.
هذا رأيي والله أعلم.
السنترال قطع غيارها صعبه جدا و ممكن تكون مش موجوده العربيه لسه جديده وده عيبها الوحيد لكن شكل و كماليات جميله جدا و سعرها كويس بالمقارنه مع اللي في السوق و بصفة كمان على الفلوانس حاجه فخيمه والله
انا كنت في نفس حيرتك و عملت موضوع مقارنه بين العربيتين دولو بعد ما سمعت الاّراء القيمه استخرت و جبت شارك وكيل فءه m66
طبعا الالنترا بدون نقاش احسن فى كل حاجة وتقدر تشوف مواصفات الاتنين وتقفيلهم وكل حاجة هتلاقى الكافة بتميل للألنترا بموضوح تام.
باشا انا معاك فى (بعض) عيوب الشارك بس هى اكييييييد احسن من النترا مش عشان هى كويسه لا عشان الالنترا سيئهاقتباس:
المشاركة الأصلية كتبت بواسطة eltanamly
انا ركبت الالنترا ٢٠١٣ و الشارك ٢٠١٥ و الحقيقه عدم ثبات الالنترا و مدى سوء خامتها خلانى مستغرب ليه حد ممكن يشترى عربيه زى دى يمكن عشان جرايه و شكلها حلو
الباور الكهربا اللى حضرتك بتقول عليه دا واحد من اهم اسباب عدم ثبات العربيه على السرعات العاليه و هو عيب مش ميزه
صاج الالنترا سيئ جدااااااا اسوء من الشارك نفس الكلام بالنسبه للعفشه الناشفه
و بالمناسبه والدى معاه شارك من حوالى سنه ولا فى دهان قشر و لا كلاب قعدت و الصاج اطبق :)
اما بالنسبه لليابانى و الكورى ف للأسف عندنا فى مصر اسعارهم بقت قريبه بس عن تجربه لحاجات كتيييير اليابانى لسه افضل اكيد
قطع غيار السنترا هي نفس قطع غيار التيدا، وبعدين توكيل نيسان توكيل قوي، وبالرغم من كل المشاكل اللي أثيرت حول الصني سواء الشكل الجديد أو حتى القديم فما زالت مبيعات السيارة بموديليها القديم والجديد قوية جدا بالرغم من انتشار البدائل الكثيرة في نفس الفئة السعرية، كما أن الفلوينس كانت سيارة جديدة على السوق المصرى سابقا وأصبحت الآن من أهم الماركات وأكثرها انتشارا، فأنا أتوقع للسنترا - التي هي في رأيي أفضل من الشارك بمراحل كما أنها أحدث أيضا - أتوقع لها انتشارا كبيرا ونجاحا باهرا قريبا جدا بإذن الله تعالى.. والله أعلم.اقتباس:
المشاركة الأصلية كتبت بواسطة hesham elkady1
الالنترا بصراحه ماتدخلش دماغي ابدا وبحسها عربيه لعبه وبلاستيك وخامات سيئه فعلا كأنها صيني
اكيد الشارك احسن ...الالنترا عربية خفيفة جدا جدا و مع صديقى و انا كان معايا اكسنت rb و مش هقولك غير ان مرة كان فى عاصفة قوية جدا و والله العظيم الكابوت اطبق و نزلت و ضربته من جوة و عدلته و كمان قطع غيار هيونداى فى التوكيل غالية مش رخيصة على الرغم انها كورى ....انا جايب فى 2011 فانوس ب 2000 جنية و فوجات ب 1500 جنيه بس ده اول ما نزلت مش عارف الاسعار اختلفت ولا لأ