اشمعنه بتوع الالماني .. احنا حراميه ؟

**Mohamed_Ibiza** · 16-11-2008 03:59 PM

المشاركة الأصلية كتبت بواسطة mada121977

ياباشا ده طبيعى عند الصنايعيه يعنى انت روح لاى واحد صنايعى سواء ميكانيكى او عفشجى او كهربائى او سمكرى بعربيه مثلا اوبل 2002 و خلى واحد صاحبك يروح معاك يعمل نفس الشغل بعربيه شاهين مثلا ومتعرفوش ان انتم مع بعض هتلاقيه ياخد منك ضعف اللى بياخده من صاحبك

فئه الصنايعيه دى بتبقى طماعه جدااا وبيشتغلوا على موديل العربيه مش على المشكله اللى فيها

حسبي الله ونعم الوكيل

وشكرا لمرورك ياباشا

**Mohamed_Ibiza** · 16-11-2008 04:00 PM

المشاركة الأصلية كتبت بواسطة Islam_galal

أنا كان معايا 127 و بعدين بولو
الأسعار اتغيرت تماما مع تغيير العربية و بالتالي غيرت طقم الصنايعيه اللي بتعامل معاه كله

الناس بتبص لبعضها و كل واحد نفسه ياكل التاني بالذات في وسط الصنايعيه

اكيد احساس مختلف تماما بين التعامل نع الصنايعة ايام ال 127 والبولو

الله يكون في عونك

**Mohamed_Ibiza** · 16-11-2008 04:01 PM

المشاركة الأصلية كتبت بواسطة elassar2010

الموضوع دة مش بس فى العربيات وحتى العمال الى بتحتجهم لتظبيط الشقة مثلا بيحط عامل المنطقة ومستوى الشقة فى حسابة وهو بيطلب اجرة يعنى نفس المشكلة موجودة عند حضرتك وعند زميل لك بس فى منطقة شعبية بيطلب من حضرتك ضعف الاجر الى طلبة من زميلك
دة الطبيعى هنا

يبقى انت اكيد في مصر

يارب الطف بينا

شكرا لمرورك ياباشا

**Mohamed_Ibiza** · 16-11-2008 04:02 PM

المشاركة الأصلية كتبت بواسطة Nour_Peugeot

لجشع ده موجود في اغلب المصريين و دي سلوكيات صعب جدا تتغير

ارحمنا يارب

شكرا يا باشا ع المرور

**Mohamed_Ibiza** · 16-11-2008 04:02 PM

المشاركة الأصلية كتبت بواسطة ehab_mansour

حسبي الله ونعم الوكيل في الناس دي ربنا يهديهم

فعلا حسبي الله ونعم الوكيل

**Mohamed_Ibiza** · 16-11-2008 04:03 PM

المشاركة الأصلية كتبت بواسطة Sameh

إنت بتروح التوفيقية تجيب دواسات أو عراقة أو شماسة ، حاجة مالهاش علاقة بالموديل ، أول سؤال لازم تتسأله (عربية إيه؟) وبناء عليه يتحدد السعر

فعلا ياباشا حصلت معايا كتير اوي وكنت بسمع اسعار مختلفة تماما عن اسعار اصحابي بسيارات مثل الادا وهكذا

**Mohamed_Ibiza** · 16-11-2008 04:05 PM

المشاركة الأصلية كتبت بواسطة sab3aawy

الحل لتلك المشلكة سهل جدا، وقف اى تاكسى شاهين واعرض عليه انك تبدل علامى الVW اللى على عربيتك بعلامة الصقر اللى على عربيته، هو هيفرح جدا، وانت حط علامة الصقر مكان الVW واكتب عليها من ورا Tofas Golf ولما تروح للميكانيكى قول له ده الموديل الجديد من الشاهين :)

بصراحة مالقيتش غير الهزار لأن الكلام الجد للأسف ان الجشع مع الجهل دى خلطة مصرية مالهاش حل غير اننا نرمى الشعب ده ونجيب شعب على بعضه استعمال الخارج هيكون انضف ميت مرة من اننا نحاول نعمل عمرة لمخ الشعب ده او تفكيره

حلوة اوي فكرة تغيير العلامة دي يا سبعاوي

جاري التجربة

وبالنسب للشعب انا من رايي نجيب صيني هيبقى رخيص وجودته قليلة عشان لو تعبنا نقدر نتخلص منه بسرعة ومنزعلش عليه

**AhmedElsayed** · 16-11-2008 04:10 PM

ده فى كل حاجة شوف مثلا التاكسى لو بيركب سائح عربى ولا اجنبى حيدفعه كام فى المشوار مع انه نفس المشوار بدون اى زيادة

اى صنايعى تروحله يعمل حاجة فى الشقة يبص على العمارة والمنطقة ويضربلك سعر تانى خالص

المضحك كمان ان الواحد لو لابس بدلة ورايح يتفق على حاجة تلاقى سعر تانى
(كانى بقت مليونير علشان لابس بدلة مع انه لبس الشغل)

**Mohamed_Ibiza** · 16-11-2008 04:12 PM

المشاركة الأصلية كتبت بواسطة AhmedElsayed

ده فى كل حاجة شوف مثلا التاكسى لو بيركب سائح عربى ولا اجنبى حيدفعه كام فى المشوار مع انه نفس المشوار بدون اى زيادة

اى صنايعى تروحله يعمل حاجة فى الشقة يبص على العمارة والمنطقة ويضربلك سعر تانى خالص

المضحك كمان ان الواحد لو لابس بدلة ورايح يتفق على حاجة تلاقى سعر تانى
(كانى بقت مليونير علشان لابس بدلة مع انه لبس الشغل)

هههههههههههههههههههه

ده اكبر دليل بيثبتلي ان الشعب شعب مظاهر

**MMamdouh** · 16-11-2008 04:17 PM

مهى دى مشكلة الصناعية و التكسجية.... التكلفة حسب انت مين مش الشغل اللى اتعمل... و دة سبب من اسباب ان ربنا مبيباركش للناس دى لانهم جشعين

MMamdouh

الموضوع: اشمعنه بتوع الالماني .. احنا حراميه ؟

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

فين بتوع احنا اسفين يا شفيق

انا سمعت ان الموساعدين بتوع الانسر 2006 هما هما بتوع الجين 2

عايزين مقابلة من بتوع المقطم بتوع زمان

حراميه*حراميه

الكلمات الدلالية لهذا الموضوع

المفضلات

المفضلات

ضوابط المشاركة