معايا فلوانس ٢٠١٦ لسه مستلمتهاش موجوده في التوكيل
الفئه قبل الاخيره عاوز ابدلها ب كورولا ٢٠١٦ او ٢٠١٥ بس زيرو
عرض للطباعة
معايا فلوانس ٢٠١٦ لسه مستلمتهاش موجوده في التوكيل
الفئه قبل الاخيره عاوز ابدلها ب كورولا ٢٠١٦ او ٢٠١٥ بس زيرو
ايه السبب يا ترى
ايه السبب؟
وده اغرب قرار للبدل فى التاريخ
معايا حاليا فلوانس ٢٠١٥ بتبخر زيت بعد ١٥٠٠ كيلو مقياس الزيت بيبقي في ادني مستواه
بعد محاولات كتيره التوكيل وافق علي تغير العربيه ب موديل ٢٠١٦ وفئه اعلي بس انا قفلت من العربيه
لاني اتبهدلت
شايف ان كورولا اعتماديه عنها
بالعكس
...ده يخليك تتمسك بيها اكتر ..وده لعدة اسباب
١- اى عربية جديدة وارد ان يكون فيها عيب جوهرى .وبتحصل كتير
٢-التوكيل كان محترم ولم يفعل معك مثل توكيلات كتيرة حتى تشتكى فى جهاز حمايةالمستهلك .
٣-انا كانةمعايا رينو لوجان وكنت ناوى اشترى الفلوينس لأنها سيارةفخمة ومحترمة ومش اى حد يشتريها الا اللى بيقدر الفرنساوى
٤-اللى عمله معاك التوكيل ده ادعى انك تتمسك بالعربية عشان توكيلها محترم مش تعمل العكس وتسيبها .
٥-اللى حصل ده اكيد مش هيحصل معاك تانى لانه استثناء مش قاعدة .
٦-انا رائى احتفظ بعربيتك وافرح بيها وسيبك من الوساوس دى وتوكل على الله .
على فكرة انا كنت هشترى فلوانس بس عشان انا فى السعودية ....بخسر كتير فى حالة البيع ....عشان كده غيرت رائى فى اللحظة الاخيرة وجبت سيراتو...لكن الفلوانس عربية تحفة ...ما تخسرهاش
مش الفكره ان التوكيل محترم ووافق علي التبديل
المشكله في العيوب وكتر الاعطال
العربيه فيها مشكله تبخير زيت ودي اكبر مشكله عندي
وكمان فيها عمود دريكسيون ومش موجود وده عيب منتشر
توكيل محترم محترم محترم...انا سعيد جدا والحمد لله اني من ملاك الفلوانس الجميله
الفلوانس محترمة بلاش تخسرها
هو خلاص قفل منها بعد كام شهر مرار