حد جرب يشغل التكييــــف السخن فى الشتاء؟؟؟؟؟؟

**HeMa_LanCeR** · 16-11-2008 04:55 PM

انا بعمل حاجه جميله قوي وبتسخن العربيه
بجيب مفتاح الحراره علي الأحمر
واخلي الهوا ييجي من بره العربيه
وانت هتلاقي العربيه بقت دفايه
او تشغل المروحه فقط بدون الكمبروسر
وبس

**3mr Farrag** · 16-11-2008 05:08 PM

المشاركة الأصلية كتبت بواسطة HeMa_LanCeR

انا بعمل حاجه جميله قوي وبتسخن العربيه
بجيب مفتاح الحراره علي الأحمر
واخلي الهوا ييجي من بره العربيه
وانت هتلاقي العربيه بقت دفايه
او تشغل المروحه فقط بدون الكمبروسر
وبس

كنت بعمل كده ...بس بتاع التكيفات قاللي اني معنديش فلتر تكيف
فاحسن اخليه يسحب هوا من جوه العربيه....
و الدفايه بتشتغل بس عن طريق الثرموستات الاحمر....
و غلط تفتح التكيف و تجيبها علي الاحمر....اللي اعرفه انه بيخلص الفريون ..

**ENG\AHMED** · 16-11-2008 05:38 PM

مفيش حاجة اسمها تكييف سخن
التكييف دورة مختلفة عن الدفاية .. كل الموضوع انة بيدخل دورة مية التبريد على سربنتينة ( زى الرادياتير صغير ورا التابلوة ) والهوا يعدى عليها يسخن
ملهاش معنى انى اشغل الكمبريسور واعمل سويتش الحرارة على الاحمر .. تحميل على الموتور والكمبريسور بدون فايدة

**AhmedGen2** · 16-11-2008 05:50 PM

المشاركة الأصلية كتبت بواسطة ENG\AHMED

ملهاش معنى انى اشغل الكمبريسور واعمل سويتش الحرارة على الاحمر .. تحميل على الموتور والكمبريسور بدون فايدة

آسف ، لكن مفهمتش الجزء دة !! ، الطبيعى إنى بشغل الكومبريسور وبعدين مؤشر الحرارة على 18 أزرق ( دة بالنسبة للساقع ) ، فطبيعى جدا لما أكون عاوز سخن هجيبه على أكتر من 25.

**د.محمود صلاح** · 16-11-2008 07:11 PM

لما بتحول المؤشر على الأحمر الكمبريسور لا يعمل بل تعمل دورة التدفئة العكسية حيث يدخل الماء الساخن بتاع الريداتير الى سربنتينة صغيرة فى التابلوه ويمر الهواء من خلالها ليدفئ الكابينه . وليس له علاقه بالموتور نهائيا . ويوجد فى بعض الموديلات صمام منع دخول الماء الساخن للسربنتينة بتاعة التابلوه فلا بد من فتحه حتى يدخل الماء الدافئ وتشتغل الدفاية

**sab3aawy** · 16-11-2008 07:13 PM

تشغيل الدفاية( او كما تسمونها التكييف الساخن) لا علاقة له بكومبريسور التكييف ولا بالفريون نهائيا، الدفاية/التكييف الساخن عبارة عن سربنتينة يمر بها ماء تبريد المحرك(ماء ساخن جدا بالطبع) ومع تشغيل مروحة التكييف تمرر هواء على هذه السربنتينة الساخنة فتسخن الهواء، وسواء مشغل الكباس او مش مشغله، لو قلبت مفتاح الحرارة على الأحمر هيطلع لك هواء ساخن، ده حتى العربيات اللى مافيهاش تكييف من اصله فيها الدفاية دى، فبالتالى مالهاش معنى اطلاقا انك تحط زرار الكباس على الوضع(On) مع تشغيل الدفاية ، ولو مش مصدقيننى جربوا انكم تشغلوا الدفاية بأقصى طاقة اوا ما تدوروا العربية صباحا والمحرك لسة بارد، حتى لو المحرك داير ولسة مسخنش هتلاقوا الهواء طالع منها ساقع لحد ما المحرك يسخن المياه التى تسخن بدورها الهواء،

وطبعا الدفاية لا تأثير لها نهائيا على استهلاك البنزين او السحب لأنها تأخذ طاقتها من مياه تبريد المحرك اللى كدة كدة سخنة وكدة كدة هتتبرد سواء بالردياتير او بسربنتينة التكييف السخن، والمفتاح اللى انت بتقلبه على الأحمر وظيقته فتح وغلق محبس يسمح بمرور المياه الساخنة فى السربنتينة، ولو حصل وفكيت كباس التكييف وفكيت دورة الفريون كلها الدفاية هتفضل شغالة لأن مالهاش علاقة بدورة الفريون

**Dr.A.Nabil** · 16-11-2008 07:17 PM

المشكله مش في كل ده
المشكله ان الهواء السخن بيتكثف على الزجاج بتاع السياره وبيعمل بخار مياه وبيخليك مش شايف منه

**ENG\AHMED** · 16-11-2008 07:25 PM

المشاركة الأصلية كتبت بواسطة ahmodium

المشكله مش في كل ده
المشكله ان الهواء السخن بيتكثف على الزجاج بتاع السياره وبيعمل بخار مياه وبيخليك مش شايف منه

يفضل تشغل الددفاية على وضع الاقدام لأن الهوا السخن كثافتة اقل وبالتالى وزنة اخف يعنى هيطلع لفوق عكس الهوا البارد هينزل وبالتالى توزيع الهوا الدافى جوة الكابينة هيبقى احسن وهيقلل من تكثف بخار المية على الزجاج لأن الهوا هيكون برد شوية لما يوصل للزجاج
لما تحس الزجاج بدأ يغيم افصل الدفاية او سيب الزجاج مفارق سنة

**boty50** · 16-11-2008 07:57 PM

عزيزي

زي ماأفاد بعض الزملاء الأفاضل ان كل دوره ساخن او بارد
لها دوره منفصله
١- دوره التكييف البارد بتشغل الكمبربسور وده بيحمل علي
الموتور وبيسحب بنزين ازيد بالطبع لكنه يبرد وكمان بيكثف
الرطوبه الموجوده بالهواء ويجعله جاف
٢- دوره التدفئه بتبقي مروحه فقط تدفع الهواء علي كويل
يمر به ماء دوره التبريد فبعد ٥ دقائق من التشغيل
تدفع هواء ساخن ودي لا تؤثر علي الموتور ولا تسحب بنزين
زياده عن الطبيعي

علشان تتغلب علي مشكله التكثيف وفي نفس الوقت تدفئ
السياره شغل التدفئه مع أغلاق مفتاح الهواء من خارج السياره
بعد ٥ دقائق شغل مفتاح الكمبريسور
الطريقه دي حاتحصل علي تدفئه وبنفس الوقت هواء جاف
بدون رطوبه

الطريقه دي مجربها من زمان في أكثر من سياره وبتخلصك
نهائي من الرطوبه علي الزجاج من داخل العربيه زي مابيحصل
في جو الأسكندريه بارد مع رطوبه عاليه

الموضوع: حد جرب يشغل التكييــــف السخن فى الشتاء؟؟؟؟؟؟

LinkBack

أدوات الموضوع

عرض

-

-

-

-

المواضيع المتشابهه

فى حد لغى السخن من التكييف

سربنتينه السخن

التكيف السخن

انا عايز اشغل السخن

السخن بتاع التكييف

الكلمات الدلالية لهذا الموضوع

المفضلات

المفضلات

ضوابط المشاركة