يا جماعة انا عايز اجرب اشغل التكييف السخن فى الشتاء بس خايف حاجة تبوظ
وعايز اعرف بياخد من البنزين زى التكييف الساقع ولا لا
وياترا بياثر على السحب ولا لا
ارجو الافادة
عرض للطباعة
يا جماعة انا عايز اجرب اشغل التكييف السخن فى الشتاء بس خايف حاجة تبوظ
وعايز اعرف بياخد من البنزين زى التكييف الساقع ولا لا
وياترا بياثر على السحب ولا لا
ارجو الافادة
تأثيره زي الساقع بالظبط
حاول تخلي الهواء يطلع من تحت الزجاج الأمامي ، ده بيمنع تكون بخار الماء عليه و بالتالي الرؤية بتكون أوضح
بيتهيألى مالوش تأثير على السحب زى البارد.
انا اسمع انو بياخد من سخونة الماتور نفسو؟
ماتقلقش يا استاذ احمد مافيش حاجة هتبوظ ان شاء الله هو المكيف اتعمل عشان يشتغل بارد / سخن وبعدين انا شغلته كذا مرة فى الشتاء اللى فات وحكاية انه بيأثر على سحب العربية او بياخد من البنزين فطبعا مش بيأثر زى التكييف الساقع لان الافضل انك تشغل المكيف السخن على اول درجة بس عشان يدفى اكتر وفى نفس الوقت ماتعياش لما السخونة تبقى زيادة فى العربية
لو انت قربت توصل اى مكان بالعربية ومشغل التكييف السخن انصحك تطفيه قبل ما توصل ب 10 دقايق كده وتفتح الزجاج سنة صغيرة عشان جسمك مايتأثرش بتغيير الجو داخل وخارج العربية
بعملها كتير اليومين دول بالذات الصبح قوي أو بالليل قوي لاني بصراحة مابحبش افتح الشباك وانا سايقاقتباس:
حاول تخلي الهواء يطلع من تحت الزجاج الأمامي ، ده بيمنع تكون بخار الماء عليه و بالتالي الرؤية بتكون أوضح
وبعدين ياباشا مش لازم تشغل التكييف Ac على السخن كل اللي عليك انك تحول الترموستات على الاحمر وماتشغلش اي حاجة ولا حتى المروحة والعربية بعد 5 دقايق هتكون دفاية
بيسحب بنزين يا ترا بقا زى الساقع؟
أعتقد انه ينصح باستعماله عدد من المرات على الاقل خلال الشتاء حتى لو محتاجه
وذلك للحفاظ على اجزاء التكييف الداخلية من التلف لو استعمل فقط من الصيف للصيف
الهوا السخن بيبقى جاى من حرارة مياه التبريد و بالتالى ما فيش اى نوع من انواع زيادة استهلاك البنزين
انا بعمل حاجه جميله قوي وبتسخن العربيه
بجيب مفتاح الحراره علي الأحمر
واخلي الهوا ييجي من بره العربيه
وانت هتلاقي العربيه بقت دفايه
او تشغل المروحه فقط بدون الكمبروسر
وبس
مفيش حاجة اسمها تكييف سخن
التكييف دورة مختلفة عن الدفاية .. كل الموضوع انة بيدخل دورة مية التبريد على سربنتينة ( زى الرادياتير صغير ورا التابلوة ) والهوا يعدى عليها يسخن
ملهاش معنى انى اشغل الكمبريسور واعمل سويتش الحرارة على الاحمر .. تحميل على الموتور والكمبريسور بدون فايدة
لما بتحول المؤشر على الأحمر الكمبريسور لا يعمل بل تعمل دورة التدفئة العكسية حيث يدخل الماء الساخن بتاع الريداتير الى سربنتينة صغيرة فى التابلوه ويمر الهواء من خلالها ليدفئ الكابينه . وليس له علاقه بالموتور نهائيا . ويوجد فى بعض الموديلات صمام منع دخول الماء الساخن للسربنتينة بتاعة التابلوه فلا بد من فتحه حتى يدخل الماء الدافئ وتشتغل الدفاية
دورة التكييف تحتوى على غاز الفريون ووظيفة الفريون التبريد
ووظيفة الكمبريسور ضغط غاز الفريون لاكمال دورة الغاز
الدفاية عبارة عن وصلة مية من مية تبريد الموتور وسربنتينة علشان يعدى عليها الهوا يسخن .. يعنى كل اللى تعملة فى حالة التسخين تحول السويتش على الاحمر وتشغل المروحة بس وهتلاقى الهوا السخن دخل
لو شغلت الكمبريسور هيبقى التكييف البارد شغال على الفاضى ومش هتحس بالهوا الساقع لأنك محول سويتش درجة الحرارة على السخن وبالتالى مفيش هوا معدى على الكويل
تشغيل الدفاية( او كما تسمونها التكييف الساخن) لا علاقة له بكومبريسور التكييف ولا بالفريون نهائيا، الدفاية/التكييف الساخن عبارة عن سربنتينة يمر بها ماء تبريد المحرك(ماء ساخن جدا بالطبع) ومع تشغيل مروحة التكييف تمرر هواء على هذه السربنتينة الساخنة فتسخن الهواء، وسواء مشغل الكباس او مش مشغله، لو قلبت مفتاح الحرارة على الأحمر هيطلع لك هواء ساخن، ده حتى العربيات اللى مافيهاش تكييف من اصله فيها الدفاية دى، فبالتالى مالهاش معنى اطلاقا انك تحط زرار الكباس على الوضع(On) مع تشغيل الدفاية ، ولو مش مصدقيننى جربوا انكم تشغلوا الدفاية بأقصى طاقة اوا ما تدوروا العربية صباحا والمحرك لسة بارد، حتى لو المحرك داير ولسة مسخنش هتلاقوا الهواء طالع منها ساقع لحد ما المحرك يسخن المياه التى تسخن بدورها الهواء،
وطبعا الدفاية لا تأثير لها نهائيا على استهلاك البنزين او السحب لأنها تأخذ طاقتها من مياه تبريد المحرك اللى كدة كدة سخنة وكدة كدة هتتبرد سواء بالردياتير او بسربنتينة التكييف السخن، والمفتاح اللى انت بتقلبه على الأحمر وظيقته فتح وغلق محبس يسمح بمرور المياه الساخنة فى السربنتينة، ولو حصل وفكيت كباس التكييف وفكيت دورة الفريون كلها الدفاية هتفضل شغالة لأن مالهاش علاقة بدورة الفريون
المشكله مش في كل ده
المشكله ان الهواء السخن بيتكثف على الزجاج بتاع السياره وبيعمل بخار مياه وبيخليك مش شايف منه
يفضل تشغل الددفاية على وضع الاقدام لأن الهوا السخن كثافتة اقل وبالتالى وزنة اخف يعنى هيطلع لفوق عكس الهوا البارد هينزل وبالتالى توزيع الهوا الدافى جوة الكابينة هيبقى احسن وهيقلل من تكثف بخار المية على الزجاج لأن الهوا هيكون برد شوية لما يوصل للزجاج
لما تحس الزجاج بدأ يغيم افصل الدفاية او سيب الزجاج مفارق سنة
عزيزي
زي ماأفاد بعض الزملاء الأفاضل ان كل دوره ساخن او بارد
لها دوره منفصله
١- دوره التكييف البارد بتشغل الكمبربسور وده بيحمل علي
الموتور وبيسحب بنزين ازيد بالطبع لكنه يبرد وكمان بيكثف
الرطوبه الموجوده بالهواء ويجعله جاف
٢- دوره التدفئه بتبقي مروحه فقط تدفع الهواء علي كويل
يمر به ماء دوره التبريد فبعد ٥ دقائق من التشغيل
تدفع هواء ساخن ودي لا تؤثر علي الموتور ولا تسحب بنزين
زياده عن الطبيعي
علشان تتغلب علي مشكله التكثيف وفي نفس الوقت تدفئ
السياره شغل التدفئه مع أغلاق مفتاح الهواء من خارج السياره
بعد ٥ دقائق شغل مفتاح الكمبريسور
الطريقه دي حاتحصل علي تدفئه وبنفس الوقت هواء جاف
بدون رطوبه
الطريقه دي مجربها من زمان في أكثر من سياره وبتخلصك
نهائي من الرطوبه علي الزجاج من داخل العربيه زي مابيحصل
في جو الأسكندريه بارد مع رطوبه عاليه
اول مره اعرف الموضوع ده بجد يربنا يباركلكو
ينصح بتشغيل تكييف السيارة خلال فصل الشتاء لفترات بسيطة ودوريا يعنى كل اسبوع مثلا فترة بسيطة , وذلك للمحافظه على دورة التكييف و الفريون
ولوسقعان شغل الدفاية معاه
سعادتك أنا بقالي في كندا قرب ٤ سنين و طبعا ما فيش عربية سقتها في الشتا من غير ما اشغل الدفاية ..... ما فيش أي مشاكل ...أتوكل على الله :)
ياجماعة انا جربتو على سرعة 2 من غير ما ادوس ac
الهواء سخن فعلا
بالنسبة للسحب مفيش اى تغيير
ومفيش اى تاثير على المتور
هو شكل كدة اصلا العربية بتستريح لما السخن يشتغل ههههه
المشكلة انه الجو داخل السيارة سيكون حر جداً، السيارة مقفولة تمام يعنى مكتومة وبداخلها ناس يعنى نفس ومعاهم التكييف
وبعد ده كله تنزل فى عز البرد
النيجة !!!!!!!!!!!!!!!!!!!!!!!!!
لالالالالالالالالا خالص
صحياا صعب جدا تنزل من جو دافىء الى سقيع خرج العربية
بالشفا فوراا :3_3_102[1]:روشتة كبيرررررة