الموضوع: جميع أسعار قطع غيار الانسر زادت 10%

روحت امبارح أشترى تيل أمامى و فلتر زيت من فرع بيع الكيت كات تبع مصريه و لاقيت التيل ب425 جنيه و ده تالت مره يغلى خلال فتره قصيره جدا أقل من سنه و كنت باجيبه دايما ب315 و الراجل قالى كل قطع الغيار عندهم زادت 10% و فلتر الزيت بقى ب55 جنيه بعد ما كان ب48 جنيه و بجد حرام بقه لأن أصلا قطع غيار العربيه ده مش رخيصه من قبل ما تغلى و بجد أنا ليا واحد قريبى عاوز يشترى عربيه و صرفت نظره عن الانسر لهذا السبب تحديدا مع انها عربيه كويسه بس بجد أنا نفسى بفكر أبيع عربيتى لهذا السبب لأن كدا كتير قوى و حرام بقه.

المشاركة الأصلية كتبت بواسطة مصراوي جدا

استاذ محمد

القصة كلها قصة سعر عملة طالعة ونازلة

يعني الأوبل نزل سعر العربية لأن اليورو سعره نزل

وفي الياباني سعرالين زاد وكان لازم قدامه سعر العربية وقطع الغيار تزيد

ماشى يا بشمهندس طارق أنا معاك و كنت متوقع الاجابه ده من حضرتك بس المفروض التوكيل يحمل الارتفاع ده كله على سعر العربيه الجديده و اللى عاجبه على كده هو حر و هيبقه عارف هو بيشترى ايه و بكام انما أسعار قطع الغيار ما تغلاش لأن اللى بيحتاجها عباره عن شخص اتدبس فى العربيه خلاص و محتاج قطعه الغيار ده و من هنا باحس بالاستغلال ( وفى قاعده أعرفها و دايما بلاحظها و هى ان السلعه لما تبقه غاليه قطع غيارها تبقه رخيصه نسبيا عن قطع غيار سلعه أصلا رخيصه لأن اللى بيبيع سلعه مرخص فى تمنها جامد بيبقه معتمد على انه هيكسب من بيع قطع غيارها أكتر ما هيكسب من بيعها و طبعا وكيل متسوبيشى ما شاء الله كسبان كويس قوى من بيع الانسر ده غير الكم الهائل من الانسر اللى بقت اكتر من ال128 و رغم كده بيغلى قطع الغيار؟!!!!!) المفروض التوكيل يقلل من مكسبه شويه فى قطع الغيار لأن الناس بجد تعبانه و فى ناس جايبه العربيه أصلا بالتقسيط و الأقساط قاسمه وسطها و كفايه على التوكيل مكاسبه من بيع السياره نفسها و يحس بالناس شويه.