الموضوع: مساعده فى عده مشاكل لل a113

السلام عليكم جميعا ... كل عام وانتم بخير

انا سعيد كدا كدا بوجود ناس زيكم والله .. متجمعين فى مكان واحد كدا .. وشاكر لكم مقدما على مشاركتكم

لدى زوجتى سياره اسبيرانزا A113 من الزيرو موديل 2010

ولسفرى المتواصل وقله المشاوير الخاصه بها فالسياره لم تتجاوز ال 20000 كم

ولكن مع بدايه استخدامى للسياره بدأت بعض العيوب فى الظهور .. علما بان الساره لم يتم عمل لها اى صيانات الا تغيير زيت الماتور وتمت خارج التوكيل


انا هحاول الخص المشاكل فى نقاط محدده وكل ما اطلبه منكم هو رايكم بخصوصها لان خبرتى فى السيارات واماكن تصليحها برضه قليله


- بخصوص الفتيس : بحس ان يوجد عائق فى النقله الثالثه و الرجوع للخلف ... والمشكله الاكبر فى الرجوع للخلف النقله مبتجيش تمام الا بصعوبه ولا حظت انه لو جبت الاول وطلعت سنه للامام وبعد كدا جيت نقلت للرجوع للخلف تيجى بسهوله ... والموضوع ده موجود من والسياره جديده

- بخصوص العفشه : انا مش عارف والله مشكله ايه بس انا مع سرعه ال 100 وما بعدها بحس برعشه شديده فى الجزء الامامى من السياره .. هل ده محتاج تربيط عفشه ولا ترصيص

- صوت الماتور عالى .. وده تقريبا راجع ان مفيش اى صيانات تمت للسياره .. حتى مياه الرادياتير ليه زى مهى من الزيرو

- بخصوص الكاوتش طبعا ظهر عندى بعض البلالين فيه ولما قرأت هنا فى المنتدى لقيت اصدقاءنا بيقولوا ننا نزبطه على 32 انا هعمل كدا واشوف .. بس انا محتاج اغير فردتين تقريبا .. فمحتاج تقولولى اجيب نوع ايه و منين وبكام برضه .. وفى حد نصحنى اجيب كاوتش اعرض شويه ؟؟ مش عراف ايه رأيكم برضه .. وهل ده بيركب على نفس الجنط ولا هنحتاج نغيره ؟؟

من فضلكم انا عايز اعرف المشاكل دى وحلها ايه وتتحل فين .. هل اروح التوكيل ولا لا .. وسمعت من هنا فى المنتدى برضه ان فى مراكز خدمه كثير فى السواح .. اروح فين واعمل ايه والحااجت دى تتكلف قد ايه


اخوكم مزنوق


وشكرا لكم مقدما

حبيبي ... اشكرك علي الرد عليا ... وكل سنه وانت طيب

بخصوص الترصيص انا فعلا اشتريت فردتين جداد ورصصت فالهزه دي راحت

الفتيس مش عارف بقي ارجع للوكيل ولا لا خصوصا ان مر عليها 5 سنوات اهه .. فا انت ايه رايك ؟؟؟

الماتور بقي وصوته ... مش عارف بس انا حاسس ان في حاجه غلط خصوصا ان في زيت علي المطور من الامام فعايز كدا كدا اكشف عليه

قلي علي الي في المعادي ... انا اصلا مش من السواح ولا جمبه انا ساكن في التجمع .. انا قلت السواح لان في ناس كثي قالوا في هنا مراكز للاسبيرانزا تحديدا