فشل تركيب باب شقة مصفح ...حد عنده حل

**ali ashraf** · 10-07-2015 04:18 PM

السلام عليكم بأختصار عندى شقة و كنت عاوز اركب لها باب مصفح و فعلا جاء فنى من شركة الابواب و فاجئنى باب الشقة الخشب 2 متر فقط و الباب المصفح 2 متر و 15 سم وفيه كمر مسلح لازم يكسر علشان يركب الباب المصفح و طبعا رفضت قال لى ممكن يهد و يحفر الارضية 15 سم و يخلى الباب نازل لتحت و برضه رفضت و قلت له هات باب 2 متر المنطق بيقول كده قال لى مفيش باب مصفح 2 متر كله 2.15 م معقول الكلام ده مفيش ابواب مصفحة 2 متر فقط ؟ يا ريت اللى عنده معلومة ينورنا وله الشكر مقدما.

**عﻻء سالمان** · 10-07-2015 04:24 PM

حداد نضيف يعمل فريم حديد بالمفصﻻت يبات جواة باب اضافى بشكل ديكورى بكالون مش هيكلفك كتير حوالى الف جنية

**ali ashraf** · 10-07-2015 04:38 PM

المشاركة الأصلية كتبت بواسطة عﻻء سالمان

حداد نضيف يعمل فريم حديد بالمفصﻻت يبات جواة باب اضافى بشكل ديكورى بكالون مش هيكلفك كتير حوالى الف جنية

المشكلة ان كالون الباب المصفح هو الاساسى فى الموضوع لأنه بيحرك قضبان للاعلى و الاسفل بالاضافة للكالون العادى و دى الميزه الفعلية للباب المصفح و شكرا جزيلا لاهتمامكم الكريم

**mr_vampire** · 10-07-2015 05:15 PM

اسال كذا وكيل للابواب المصفحة. ممكن يكون الوكيل ده معندوش غير المقاس ده وعايز يبيع.

**ali ashraf** · 10-07-2015 05:27 PM

المشاركة الأصلية كتبت بواسطة mr_vampire

اسال كذا وكيل للابواب المصفحة. ممكن يكون الوكيل ده معندوش غير المقاس ده وعايز يبيع.

ده اللى بعملوا حاليا بالتليفون و لحد دلوقت كل المتاح 2.15 متر بس وجدت على النت شركة مصرية بتصنع الابواب المصفحة فى ابو رواش هتصل بها بكرة ان شاء الله ممكن تكون تعمل باب 2 متر عمولة مثلا و شكرا لردكم الكريم

**hesham fawzy h** · 10-07-2015 08:37 PM

هو بكانم اصلا يا على بية

**ali ashraf** · 11-07-2015 02:26 AM

المشاركة الأصلية كتبت بواسطة hesham fawzy h

هو بكانم اصلا يا على بية

السلام عليكم السعر يبدأ من 1000 جنية و ممكن يصل الى 3000 جنية و فية ابواب ضرفتين للابواب العريضة و ده سعره اعلى و موجود اشكال كثيرة على النت

**assmy** · 11-07-2015 02:50 AM

السلام عليكم
كان عندي نفس المشكلة تماما. تسقيط الباب ملوش مشكلة المكان اللى هبيان هيبقى علية 2 رخامه عاملين زاوية 90 درجة (قايمة و نايمة) و الحلق من برة مكان التكسير عملت عليه حلق خشب الأستورجى عمله لون الباب
و قمت قست الباب هو 2متر 15 سنتي بالحلق برضه
وربنا يوفقك

**ali ashraf** · 11-07-2015 03:35 AM

المشاركة الأصلية كتبت بواسطة assmy

السلام عليكم
كان عندي نفس المشكلة تماما. تسقيط الباب ملوش مشكلة المكان اللى هبيان هيبقى علية 2 رخامه عاملين زاوية 90 درجة (قايمة و نايمة) و الحلق من برة مكان التكسير عملت عليه حلق خشب الأستورجى عمله لون الباب
و قمت قست الباب هو 2متر 15 سنتي بالحلق برضه
وربنا يوفقك

معلش و آسف بس مش فاهم ....يعنى حضرتك كسرت من الارتفاع فوق حلق الباب؟ ده عندى كمر اسمنت مقدرش اكسر فيه