أنا بجد آسف جدا جدا على عدم ردي ف الوقت اللي فات لأني انشغلت شوية !!

أستاذ MRBEBO معلش بس هو في عدد كبير جدا بيكلمني كل يوم على شقق ف الرحاب إيجارات وتمليك ومفروش وعلشان كدة ساعات أرقام مش بشوفها وبتتوه مني
فعلشان كدة معلش رن تاني واحنا ندردش مع بعض ف الأسعار والمساحات المتاحة

mr_vampire أستاذي الفاضل الرحاب عبارة عن جزئين الرحاب 1 والرحاب 2 كل جزء فيه 5 مراحل وكل مرحلة فيها عدد من المجموعات وكل مجموعة فيها عدد من العمارات ده بالنسبة للشقق
بالنسبة للفيلل هي مجموعات وكل مجموعة عدد من الفيلل

في وقت النطق للعنوان مبتقولش المرحلة بتقول بس المجموعة والعمارة والشقة
يعني مثلا 38 - 9 - 4 وهكذا

الرحاب 1 فيها 5 مجموعات كلهم اكتملوا وفي ناس فيهم بتبيع بس مفيش قسط كله كاش !
السعر للمتر ف حدود من 7.5 ل 8 لو قل عن 7.5 يبقى لقطة ولو زاد عن 8 متشتريش !
أفضل مرحلة هي الرابعة ودي بتبدأ من مجموعة 67 لمجموعة 94 ودي أغلاهم والمعروض فيها قليل جدا ومساحات الشقق فيها بتوصل 307م !

لو حابب تشتري قسط في ف الرحاب 2 شقق لسة عليها أقساط أصحابها بيبيعوها بأوفر معين وبتكمل انت الأقساط
بتبقى الأسعار ف القسط من 8.5 ل 10 ولو حبيت تدور على حاجة ممتازة في نموذج اسمه ال119م ده بيديك 3 نوم و3 حمام !!

الرحاب ممكن تبقى غالية شوية بس العيشة فيها تعتبر جنة خصوصا ان فيها كل حاجة من الإبرة للصاروخ
لو احتجت ابرة خيط الساعة 3 الفجر هتجيلك لحد عندك
ده غير الأمن والهدوء النسبي والمساحات الخضرة
هي من الآخر مدينة متكاملة واستثمار رائع

swimmer25 هو صح كلامك أغلب السماسرة كلام وبس وهو معندوش حاجة ولآ يعرف حاجة وده بجد تاعبنا شخصيا لأنهم غير انهم مسوءين سمعة الباقيين بنتعب منهم لأننا ساعات بنحتاج حاجات معينة عملاء معانا عايزينها بيقولوا عندنا وهما مش عندهم أصلا !!
لو حبيت تستفسر عن أي حاجة كلمني وأنا هفيدك باللي أعرفه