ارجوكم حد يفيدني بسرعه حاسس اني بيتنصب عليا

**karioky12** · 11-07-2015 03:07 AM

دلوقتى انا تقريبا محتاج عمره من الالف للياء للعربيه بتاعتى انا معايا داتشيا نوفا ومتسقطلها مكنه رينو 12 فالميكانيكي قالى سعر العمره هيكلفك سعر مكنه .. ف انت جيب مكنه احسن استيراد .
المهم انا دلوقتى مش عارف اعمل ايه !!!
لو جبت مكنه رينو 12 هيكون سعرها كام ؟
ولو شايفين مكنه افضل بفتيس بس يكون اوتوماتك تبقى بكام ؟
واهم حاجه بقه سعر الميكانيكي ف الليله دي ف حدود كام لاني مش مطمن ؟
ولو بيعت المكنه الى عندى دي خرده تتباع بكام برده ؟
انا اسف للاطاله يا جماعه بس انا ملقتش ولا اجابه لأسألتي دي ف المنتدى ف ارجوكم افيدونى .

**hesham fawzy h** · 11-07-2015 04:08 AM

موتور جديد افضل من العمرة

**karioky12** · 11-07-2015 04:46 PM

المشاركة الأصلية كتبت بواسطة hesham fawzy h

موتور جديد افضل من العمرة

شكرا علي اهتمامك يا استاذ هشام انا فعلا شكلي هجيب موتور جديد بس كنت عاوز اعرف من حضراتكم
سعر الموتور الرينو 12 كام تقريبآ ؟
ولو بيعت الموتور الي عندي خرده هيعمل كام ؟ .. لان الميكانيكي بيقولي هاخده منك ب 300 جنيه وانا مش عارف كده اتنصب عليا ولا ايه .. هي المكنه معاها اتنين مارش عاوزين جلب و ريداتير متبهدل شويه . و اسف ع الاطاله .

**hazemawad** · 12-07-2015 12:34 AM

رأيى ورزقى على الله .
ايه الحال فى ماكينه دارت قبل كده واتحرق عليها واتنسى يتغير زيتها و نقصت ميتها وصاحبها زهق من عربيته فقام بايعها فى الخرده وجت مصر ودخلت الوكاله او عزبة شلبى تحت اسم استيراد ولما تشتريها تتباع مقفوله زى البطيخه وبختك يا بو بخيت واخرك انك تلف الطنبوره لاحسن يكون البستم قافش؟!!!....
ولا تحل الماكينه بالمسمار وتعاين كل حاجه فيها وتغير اللى اتهلك وتختار نوع شنبرك وسبيكتك وبساتمك وظرفك وتختار خراطك ؟؟؟!!!
انا عن نفسى هاختار الاختيار التانى لبس لسبب الا انى هابقى عارف ايه اللى داير فى حوض عربيتى
وانا فى رأيى ان مشكلتك الوحيده فى الميكانيكى اللى شارى دماغه ونص ساعة هايسقط الماتور وهايدور ويسلمك العربيه ويشقط ال300 جنيه وده طبعا بعد ما يوصل لحد الوكاله ولا العزبه ويتعرق من التاجر اللى هايرجعله تانى عشان الورق وعمولته و يجى ياخد منك مشواره وشايه يعنى قول 500 او 600 جنيه فى 24 ساعه بدل بهدله خراط وقطع غيار وغسيل وتجميع وزعيق لصبيانه وسب الدين وتسقيط ويطاريه نايمه وواحده احتياطى وهابحرق تلات صفايح بنزين وبسهر صباحى يظبط ماكينه وفى الاخر هاتقرفه فصال وخناق على الحساب ولو الاسطى على قد حاله يمكن يكون نصيبه ان العمره مش مظبوطه تتمها عليه و تمسك فى خناق اهله من جده لابنه؟؟؟!!!
لذا فدايما الميكانيكى هايختار الحل الاول بتسقيط الاستيراد....
و فى رأيى ان الاستيراد يتم لو ان سعادتك هاتعدل فى الماتور وتعلى السعه والقدرة او هاتحدث هاقولك ماشى و ساعاهتا هاتهلك فى الماكينه براحتك ولما تفتح بقها عمر فيها زى مانت عايز.....

**ashraf_arief2003** · 12-07-2015 02:21 AM

الاحسن ماتور استعمال احسن والماتور خليه عندك يبقى قطع غيار احسن بردوا

**jotime** · 20-07-2015 03:01 AM

طبعا من الافضل وبناء على كلامك من شكوى تكلفة العمرة لموتور العربية انك تسقط ماكينة استيراد
لكن اليك بعض الاقتراحات ربما تكون كويسة ليك
انك تركب موتور لانشيا بالفتيس
او موتور كليو بالفتيس ايضا
وطبعا هاتتاكد ان الحوض مناسب والعفشة والكبالن هاتركب وتتوصل صح مع الماتور
ده راى الشخصى ولك مطلق الحرية فى الاختيار مع نصائح الاخوة الكرام

**karioky12** · 21-07-2015 07:14 PM

شكرا جدا علي اهتمامكم و مشاركتم بس انا عاوز اعرف سعر المكنه الرينو 12 عامله كام ؟

**Abo_Mazen** · 21-07-2015 10:23 PM

المشاركة الأصلية كتبت بواسطة hazemawad

رأيى ورزقى على الله .
ايه الحال فى ماكينه دارت قبل كده واتحرق عليها واتنسى يتغير زيتها و نقصت ميتها وصاحبها زهق من عربيته فقام بايعها فى الخرده وجت مصر ودخلت الوكاله او عزبة شلبى تحت اسم استيراد ولما تشتريها تتباع مقفوله زى البطيخه وبختك يا بو بخيت واخرك انك تلف الطنبوره لاحسن يكون البستم قافش؟!!!....
ولا تحل الماكينه بالمسمار وتعاين كل حاجه فيها وتغير اللى اتهلك وتختار نوع شنبرك وسبيكتك وبساتمك وظرفك وتختار خراطك ؟؟؟!!!
انا عن نفسى هاختار الاختيار التانى لبس لسبب الا انى هابقى عارف ايه اللى داير فى حوض عربيتى
وانا فى رأيى ان مشكلتك الوحيده فى الميكانيكى اللى شارى دماغه ونص ساعة هايسقط الماتور وهايدور ويسلمك العربيه ويشقط ال300 جنيه وده طبعا بعد ما يوصل لحد الوكاله ولا العزبه ويتعرق من التاجر اللى هايرجعله تانى عشان الورق وعمولته و يجى ياخد منك مشواره وشايه يعنى قول 500 او 600 جنيه فى 24 ساعه بدل بهدله خراط وقطع غيار وغسيل وتجميع وزعيق لصبيانه وسب الدين وتسقيط ويطاريه نايمه وواحده احتياطى وهابحرق تلات صفايح بنزين وبسهر صباحى يظبط ماكينه وفى الاخر هاتقرفه فصال وخناق على الحساب ولو الاسطى على قد حاله يمكن يكون نصيبه ان العمره مش مظبوطه تتمها عليه و تمسك فى خناق اهله من جده لابنه؟؟؟!!!
لذا فدايما الميكانيكى هايختار الحل الاول بتسقيط الاستيراد....
و فى رأيى ان الاستيراد يتم لو ان سعادتك هاتعدل فى الماتور وتعلى السعه والقدرة او هاتحدث هاقولك ماشى و ساعاهتا هاتهلك فى الماكينه براحتك ولما تفتح بقها عمر فيها زى مانت عايز.....

إيه باشا ..إيه باشا ..إيه بقى ياباشا ..حضرتك من كلامك كده متخيل إن المكن الإستيراد ده بيبقى مستورد من الحرفيين ...

مكنة إستيراد إيه اللي إتحرق عليها وإتنسى يتغير ليها زيت والكلام ده ..

ياباشا أصلا أصلا البنزين بره غير البنزين هنا ..والزيت بره غير الزيت هنا ..والكولانت بره غير الكولانت هنا ..وكل ده بيدي عمر إفتراضي أطول للمحرك ..وده اللي بيخلي المحرك ييجي يكمل حياته هنا في مصر ..لإن في مصر الإستهلاك والتدمير الحقيقي للمحرك

نيجي بقى للقاعده الشاذه اللي حضرتك ذكرتها ..اللي هي مكنه مكانش بيتغير ليها زيت ولا بيتبص على الكولانت بتاعها ..وبالتالي هتيجي هنا مدمره ..مش كده ..؟؟..مش ده رأيك؟؟..في الحالة دي ولو حصلت ...عادي جدا ..ما دام التاجر محترم وكويس يبقى بمنتهى البساطه هيغير المكنه ..المكنه الإستيراد بتيجي بضمان شهر من التاجر المحترم ..تتجرب ..ولو فيها حاجه تلزم التاجر

عارف مشكلة التعمير بقت إيه دلوقتي ..مشكلة التعمير بتاع المكن بقت في قطع الغيار والميكانيكي اللي هيعمل العمره ..بصراحه ..لا في ميكانيكية يضبطوا عمرات المكن ..ولا في قطع غيار أصلية لما تركبها ما تعملش معاك مشاكل غريبه ..زي أصوات تصدر من المحرك أو سخونه مش مفهوم سببها ..عشان كده بنقول أخف الضررين ويجيب مكنه إستيراد

ده رأيي ورأيك معتبر طبعا