الموضوع: الموخر و الشبكه

المشاركة الأصلية كتبت بواسطة hesham fawzy h

يا مودى الشبكة كويسة و كل واحد حسب استطاعتة

فى شبكة بتبتدى اقل من 5000 جنية و فية شبكة تعدى 100000 جنية و فية بملاين و دة مش مقياس ان سعر الشبكة كتير ولا قليل

اهم حاجة تكون مستريح للعروسة نفسيا .. و يكون اهلها كويسن

يا باشا هما مش عاجبهم المبلغ بتاع الشبكه شكلهم و زي ما قولت حضرتك انها توصل ميه الف و مليون كمان بس هما من الاخر ناس عاديه و المفروض اصلا انهم بيشتروا راجل عيب نتكلم في الكلام ده و كمان المؤخر مش عاجبهم او يعني مش موافقين عليه و سبناهم يفكروا
بس انا كده بدأت اشوف ال dark side للأتفاقات بتاعه الجواز لأني اول مره اوصل للمرحله بتاعه الاتفاقات دي في حياتي
بس من الاخر هو نصيب و الواحد هيشوف ربنا كاتب ايه
لو مليش نصيب فيها يبقي امر الله مع اني حاسسها بنت كويسه بس برضه هو نصيب

كنت داخل اقولك ان المؤخر لازم تدفعه بعد الزواج وده في الشرع
لكن بعد البحث وجدت أنه من الممكن اشتراط موعد دفع المؤخر حسب العرف

السؤال التاني
مادام حضرتك حتكتب قايمة فايه لازمة انك تكتب مؤخر ؟

اهم حاجة انها تبقى شبكة وكتب كتاب
يعني متديلهمش الشبكة وقت الخطوبة او تعمل شبكة فقط
الشبكة بتكون مع كتب الكتاب
مع احترامي لكما لكن الامور دلوقتي بقت نظام سلم واستلم
سلم واستلم بمعنى الكلمة
يعني مفيش حاجة اسمها هات الشبكة قبلها بيوم نفرجها لصحباتها
تروحوا تشتروا الشبكة مع بعض وتاخدها تخليها معاك
ويوم كتب الكتاب تكتب الكتاب وتقدم الشبكة
والا حتحط نفسك بين المطرقة والسندان

النصيحة ده عشان حضرتك بتقول انهم بيفاصلوا في كل حاجة
وده وهما مش ماسكين حاجة بايديهم فما بالك لو حطوا ايديهم على الشبكة

حاجة تانية
فيه ناس بتحط قيمة الشبكة في القائمة بالجنيه
وفيه ناس بتحط جرامات و في العادة الجرامات افضل ليهم
انا بقولك عشان تكون فاهم النقطة ده مش عشان تتمسك بحاجة

ممكن تعرض عليهم مؤخر وقايمة لكن القائمة باللي هما جابوه فقط
وساعتها المؤخر حتى لو عشرين الف فمفيش مانع
لأنها بتكون دليل جدية منك على الزواج

الشبكة بالمبلغ ده كويس
وشوف برضوا لو الرقم ترضاه لاختك ماشي
لو شايفه قليل يبقى حاول تزود في حدود الاستطاعة فقط

كمان ابو العروسة في بعض الاوقات بيحط في الشبكة
يعني مثلا انت حتدفع عشرين وهو يدفع خمسة
بس ده لو في استطاعته والا ميطلبش ان الشبكة تزيد

المؤشرات غير مطمئنة ماشي
لكن العروسة ايه رأيها في الموضوع
هل هي اللي بتطلب ولا لا
هل امها اللي بتطلب ولا ابوها
ممكن تكون عيلة طماعة شوية لنفسهم لو لا قدر الله حصل حاجة بعد كده يبقى طلعوا بمكسب كبير
وفيه طمع للبنت وده مستبعد شوية

المشاركة الأصلية كتبت بواسطة مُصْطٓفٓى

كنت داخل اقولك ان المؤخر لازم تدفعه بعد الزواج وده في الشرع
لكن بعد البحث وجدت أنه من الممكن اشتراط موعد دفع المؤخر حسب العرف

السؤال التاني
مادام حضرتك حتكتب قايمة فايه لازمة انك تكتب مؤخر ؟

اهم حاجة انها تبقى شبكة وكتب كتاب
يعني متديلهمش الشبكة وقت الخطوبة او تعمل شبكة فقط
الشبكة بتكون مع كتب الكتاب
مع احترامي لكما لكن الامور دلوقتي بقت نظام سلم واستلم
سلم واستلم بمعنى الكلمة
يعني مفيش حاجة اسمها هات الشبكة قبلها بيوم نفرجها لصحباتها
تروحوا تشتروا الشبكة مع بعض وتاخدها تخليها معاك
ويوم كتب الكتاب تكتب الكتاب وتقدم الشبكة
والا حتحط نفسك بين المطرقة والسندان

النصيحة ده عشان حضرتك بتقول انهم بيفاصلوا في كل حاجة
وده وهما مش ماسكين حاجة بايديهم فما بالك لو حطوا ايديهم على الشبكة

حاجة تانية
فيه ناس بتحط قيمة الشبكة في القائمة بالجنيه
وفيه ناس بتحط جرامات و في العادة الجرامات افضل ليهم
انا بقولك عشان تكون فاهم النقطة ده مش عشان تتمسك بحاجة

ممكن تعرض عليهم مؤخر وقايمة لكن القائمة باللي هما جابوه فقط
وساعتها المؤخر حتى لو عشرين الف فمفيش مانع
لأنها بتكون دليل جدية منك على الزواج

الشبكة بالمبلغ ده كويس
وشوف برضوا لو الرقم ترضاه لاختك ماشي
لو شايفه قليل يبقى حاول تزود في حدود الاستطاعة فقط

كمان ابو العروسة في بعض الاوقات بيحط في الشبكة
يعني مثلا انت حتدفع عشرين وهو يدفع خمسة
بس ده لو في استطاعته والا ميطلبش ان الشبكة تزيد

المؤشرات غير مطمئنة ماشي
لكن العروسة ايه رأيها في الموضوع
هل هي اللي بتطلب ولا لا
هل امها اللي بتطلب ولا ابوها
ممكن تكون عيلة طماعة شوية لنفسهم لو لا قدر الله حصل حاجة بعد كده يبقى طلعوا بمكسب كبير
وفيه طمع للبنت وده مستبعد شوية

و الله البنت مطلبتش حاجه ده ابوها
و انا ارضي المبلغ ده بتاعه الشبكه لأختي لسبب
اني مش هضيغ جوازه عليها من شخص محترم و كويس و هيعيشها كويس علشان شويه دهب هيترموا في الدولاب
ثانيا الناس لما دخلنا بيتهم فهو بيت عادي جدا جدا جدا
يعني انا متهيألي لو دخلوا بيتنا هيتصدموا و هيحسوا اننا ساكنين في قصر جنبهم
و اعرف صديق اتجوز واحده ابوها مليونير و اخوه نفس الحكايه و الاثنين شبكتهم معدتش 15 الف
و قالولي هات شبكه ب 15 بس انا قولت لا نخليها 20
و توقعت هيقولوا ماشي
عموما الموضوع عندهم و بين ايدهم دلوقت
انا بصراحه مش ناوي ازود لا في الشبكه و لا في المؤخر
انا عارف ان المؤخر عالبا مش بيدفع بس هو مبدء
متشكر لردك يا باشا

ناس موش مظبوطين .. و بدايه سيئه

سؤال .. هل طلب الزياده فى الشبكه جاء بناء على رغبه العروسه ؟؟

لو كان كده .. يبقى ما تلزمكش .. نصيحه اخويه

نسيت اقولك انك ساعة اختيار الشبكة وزنها يزيد
ارفض رفض تام وقلل الوزن الا لو في حدود معقولة
يعني مثلا 500 جنيه زيادة او الف بالكتير
لكن مثلا تزيد 3 آلاف جنيه يبقى ارفض طبعا
لو قالك خلي الزيادة عليه قوله اتفضل حضرتك ادفع الزيادة في نفس الوقت
لانك معكش الفرق دلوقتي

الفاتورة تكون باسمك لانهم حينطوا ويطلبوا تبقى باسم ابوها او باسمها
على اضيق الظروف تكون باسمها وتخلي الفاتورة معاك مش ابوها
لان حتلاقي ابوها حط أيده على الفاتورة وحطها في جيبه

لو تعرف محل كويس روحله والا حتروح للمحل اللي هما بيتعاملوا معاه