عايزة اقفل led الليون

**Abo_Mazen** · 12-08-2015 10:24 AM

[SIZE="5"][COLOR="Purple"]

المشاركة الأصلية كتبت بواسطة yoyo.yasso

طبعا
طبيعى الاعضاء تمشى ومشاركاتهم تقل لو ده اسلوب الرد على اسئلتهم

هو كان إيه أسلوب الرد عشان أنا مش واخد بالي؟؟؟!!!! ..

أنا كل اللي أنا عملته إني إستنكرت إن الناس مش فاهمه إن ده نظام في العربية ..وإن إحنا مطلوب مننا نلغي الأوبشن ده عشان الناس مش فاهمه ..

إيه الخطأ في أسلوبي ..أنا إستهجاني كان من رد فعل الناس اللي مش فاهمه ..مش من تساؤل حضرتك ..

المشاركه اللي أنا عاملها موجوده لسه متحذفتش ..وقلت فيها ..إحنا عايزين نلغي حاجه أو إمكانية جايه في العربية من بلادها عشان خاطر الناس مش فاهمه ..

أنا قلت إحنا ..يعني المشاركين في المنتدى واللي بيسألو ..عايزين نلغي حاجه أو إمكانيه جايه في العربية من بلادها عشان خاطر الناس ..الناس اللي هما حضرتك قلتي إن هما مستغربين إن النور ده شغال في العربية بالنهار ..

فين بقى الأسلوب اللي يستدعي إن محدش يدخل المنتدى بسببي؟؟؟!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!

**Eslam.Elrefaey** · 12-08-2015 01:23 PM

براحة ياجماعة ليه العصبية
الليد ده وظيفته ان العربية تبقى ظاهرة اصلا انك تبقى متشافه ببساطة يعنى الناس ياخدوا بالهم من العربية ويبقوا شايفنها سواء نهار او ليل والكلام ده مثلا موجود فى امريكا من زمان جدا وبالذات فى الموتسيكلات الى بتبقى جايا من هناك النور لازم شغال وكان بيبقى كمان نور عادى مش مجرد ليد فانك تطفيه مش صح لانه معمول اساسا لمصلحتك بعيدا عن ان الناس -وان كان غرضهم شريف- انهم بيفكروا ان انت النور بايظ او ناسية تطفيه

**Yoyo.yasso** · 13-08-2015 11:05 AM

تمام
شكرا لكل اللى ردوا
انا ماكنتش اعرف ان له علاقه بعمر اللمبه نفسها وانه احسن ليها
و حصل خير يا استاذ ابو مازن الموضوع مش مستاهل

**sala7** · 21-08-2015 02:27 PM

بالراحة يا جماعة ..... بالراحة

بالنسبة للاخ صاحب الموضوع اللي بيسأل على انه ممكن يلغى ال DAYLIGHT .. طبعا ينفع و الافضل انه يتلغي بال VCDS و طبعا ممكن هضرتك تلغيه من ال setting بسهولة لو عربيتك مجهزة بال Multifunction

بالنسبه بقا للأخ ابو مازن .. حضرتك فهمته غلط .. كان فيه سوء تفاهم لفهمك لكلامه
هو كان قصده انه مستغرب الناس اللي مش فهمة ان ده اوبشن نازل في العربية ، و زي ما حضرتك عارف ان اوربا مسبقانا بحوال قول من 100 الى 140 سنه تكنولجي .. فا اكيد الناس عندك في بلدك فاقدة الزمن 140 سنة
فا معلش يا سيدي حقك عليا انا .. الراجل كان بس مستغرب الناس مش اكتر

لو حضرتك بتسال لمجرد السؤال و ده حقك طبعا .. و انا مش ناسي ان العربية بتاعتك بردوا و مش هنسى ان الفانوس بتاعك و انت حر في تشغيله او لا .. فا اجابة سؤالك انه ينفع طبعا عن طريق اول سطرين انا كتبهم فوق .

بس نصيحه بقا مني لوجه الله تعالى .... الناس اللي مش فاهمة سيبك منها و عيش حياتك زي ما انت عايز .. الناس دي بكره هيفهموا

خالص تحياتي

**mario_9111** · 22-08-2015 02:23 PM

طيب بس سؤال هل الليدات متوصله باي فيشه في الكشاف هل مدمجة أو منفصله اعتقد انها ممكن تكون فيشه منفصله ممكن تتفك وخلاص ونتحمل اللمبه إلى هتنور في شاشه العدادات

**Yoyo.yasso** · 30-08-2015 12:59 AM

المشاركة الأصلية كتبت بواسطة sala7

بالراحة يا جماعة ..... بالراحة

بالنسبة للاخ صاحب الموضوع اللي بيسأل على انه ممكن يلغى ال DAYLIGHT .. طبعا ينفع و الافضل انه يتلغي بال VCDS و طبعا ممكن هضرتك تلغيه من ال setting بسهولة لو عربيتك مجهزة بال Multifunction

بالنسبه بقا للأخ ابو مازن .. حضرتك فهمته غلط .. كان فيه سوء تفاهم لفهمك لكلامه
هو كان قصده انه مستغرب الناس اللي مش فهمة ان ده اوبشن نازل في العربية ، و زي ما حضرتك عارف ان اوربا مسبقانا بحوال قول من 100 الى 140 سنه تكنولجي .. فا اكيد الناس عندك في بلدك فاقدة الزمن 140 سنة
فا معلش يا سيدي حقك عليا انا .. الراجل كان بس مستغرب الناس مش اكتر

لو حضرتك بتسال لمجرد السؤال و ده حقك طبعا .. و انا مش ناسي ان العربية بتاعتك بردوا و مش هنسى ان الفانوس بتاعك و انت حر في تشغيله او لا .. فا اجابة سؤالك انه ينفع طبعا عن طريق اول سطرين انا كتبهم فوق .

بس نصيحه بقا مني لوجه الله تعالى .... الناس اللي مش فاهمة سيبك منها و عيش حياتك زي ما انت عايز .. الناس دي بكره هيفهموا

خالص تحياتي

تمام
متشكرة جدا لرد حضرتك وذوقك
العربيه هاى لاين فإن شاء الله الاقي الاوبشن ده فى settings

**عﻻء سالمان** · 30-08-2015 01:13 AM

كلمى المهندس محمد رشوان مدير صيانة فى التوكيل فرع مارينا 01211071070 يمكن يكون عندة حل سريع لمشكلة اﻻضواء النهارية بس الحقيقة انا عندى نفس الحوار ومبيربكنيش الى بيقول طفى النور بقولة بابتسامة شكرا وخﻻص ..العربية 1200 سى سى وﻻ انا غلطان..هيا كام حصان وأغلى من التوليدو لية؟ اختيار موفق ان شاء الله

**Ahmed1998** · 31-08-2015 02:17 AM

بصي الـLED في العربيات دي حاجة بتميزها, اولا بتديها شكل حلو, وتاني حاجة بتخليها مميزة عن غيرها, و الـoption ده في عربيات كتير اوي اكثرها الـBMW و الـMercedes و عادتاً بيبقى سابت مش بتعرفي تغيريه, و من رأي بلاش تجربي تلعبي في الحوار ده بدام هي مش نازلة كدهز و لو خايفة من لفت النظر او الحسد و كده فربنا هو الحافظ. و ربنا يكفيكي شرها.
----------------

العربية 1200 سيسي اه, و المخليها اغلى من التوليدو بسبب انها turbocharged, و فيها LED's و Panorama فتحة سقف. ده غير الـtouch-screen. انا معيا منها الفئة التناية و هي عربية ممتازة فعلاً و سحبتها حلوه اوي و stable اوي.

**Yoyo.yasso** · 04-09-2015 12:44 AM

ماشى
شكرا

**kofta** · 04-09-2015 02:10 AM

معلش يا جماعة بس استفسار بعيداً عن الموضوع للناس اللى معاها العربية ...

هل فيه مشاكل واجهتوها فى الفتيس ؟؟

الموضوع: عايزة اقفل led الليون

LinkBack

أدوات الموضوع

عرض

-

-

-

-

-

-

المواضيع المتشابهه

حاولت اقفل فتحه

عايزة ونش يوديلي عربيتى من مدينة نصر للحلمية عايزة اقل سعر

عايزة رينو كليو هاتش باك 1200 سيى سيى و عايزة اعرف سعرها كام ؟؟؟؟؟؟

اقفل الايرباج

لما اقفل 3 شبابيك

الكلمات الدلالية لهذا الموضوع

المفضلات

المفضلات

ضوابط المشاركة