رشحولي دراجة هوائية كويسة ومستلزماتها

**أبو آسر** · 11-07-2015 05:41 AM

السلام عليكم
للناس اللي ليها في ركوب العَجَل (الدراجات الهوائية)
عايز أشتري حاجة كويسة وميكونش سعرها أوفر يعني ممكن في رينج 1000 - 1500 علشان عايز أمشي بيها يوميا مسافة حوالي 10 كيلو كرياضة
أسمع إن في دراجات رياضية وجبلية وغيره وفيه اللي كاوتشه بيبقى رفيع وفي تخين وحاجات متعددة السرعات وفيها أوبشنز كتير كده معرفش وظيفتها إيه
لو حد يتطوع ويفهمني باختصار الفرق بين الأنواع دي وإيه الأفضل مع العلم إن الطريق اللي همشي فيه متسفلت مش وعر بس فيه مطالع ومنازل جامدة شوية فعايز حاجة تبقى مريحة ومتتعبنيش
وكمان إيه المستلزمات اللي ممكن أجيبها معاها وتكون ضرورية يعني خوذة مثلا - زي مخصص - عدة للطوارئ وما شابه
أخيرا أجيبها منين أفضل مكان
وشكرا مقدما

**أبو آسر** · 11-07-2015 06:27 AM

انا عندي مشاية كهربا وتقريبا مش بقرب ناحيتها
ركوب الدراجات في الهواء الطلق بعد الفجر هيبقى ليه متعة ولذة افضل بمراحل من وجود دراجة رياضية في البيت زي قبل كده اشتريت مالتي جيم ولعبت عليه مرتين تلاتة وبعته غير لما تروح جيم بيبقى جو تاني يشجعك انك تروح

**Mecha** · 11-07-2015 03:13 PM

**mr_vampire** · 11-07-2015 03:22 PM

حاول تبقي خفيفة الوزن قدر المستطاع ( المونيوم ) عشان متتعبكش بسرعة وتبقي عايز تروح البيت بسرعة.

**أبو آسر** · 11-07-2015 06:03 PM

ألف شكر على الردود يا جماعة
بس ياريت حد يجاوبني على باقي الأسئلة
أجيب عجلة Road ولا Mountain ؟ كاوتش رفيع ولا تخين ؟
أجيب ماركة معينة ولا أي حاجة في حدود الميزانية المرصودة ؟
مين أرخص وأضمن واحد أشتري منه غير أبو الجوخ لأني بحس إن أسعاره مبالغ فيها شوية ولا الكلام ده مش صحيح ؟