عاجل عاجل تيريوس 2000 فيشة طرمبة البنزين ساحت جوا تانك البنزين

عندي العربيه تيريوس 2000 فصلت مني والكهربائي قالي الرداخ(الماتور ايللي جوا طرمبة البنزين) ضعيف اشتريت واحد وروحت اغيروا قالولي طرمبة البنزين جوا التانك ولازم التانك يتفك!!!!!!!!!!!
فكينا التانك لاقينا الطرمبه بالرداخ بالاسلاك بالفيش بتاعتهم جوا التانك وفيشة الرداخ عملت زي شرار ولا ايه لاقينا الفيشه متفحمه والسلوك مش موصله كل ده جوا التانك نظفناها ووصلنا السلوك تاني ولفينا عليها شيكارتون وحط طبقة معجون حديد قالي علشان يعزل السلوك وركبا واشتغلت
الكلام ده صح ولا غلط ولا خطر انا خايف اركب العربيه
الشيكارتون ده فيه مشكله ولا معجون الحديد والوصله ايللي ساحت دي مش هيا بتسيح نتيجة انو حصل شرار التانك مش ممكن يولع
ياريت تفيدوني بأقصى سرعه ولو حد يسألي الميكانيكي بتاعه لو مش عارف

62 مشاهده ولا حد كلف خاطروا وكتب حتى رقم كهربائي وقالي اتصل انت بيه احنا مالنا!!!
بعد اذن الاداره ياريت تحذف الموضوع بدل ماهوا شاغل مكان على الفاضي

السلام عليكم ورحمة الله


اولا الحمد لله ان المشكلة طلعت بسيطة
بالنسبة لتخوفاتك احب اقولك انها مش قي محلها
الكهرباء اللي بتوصل طرمبة البنزين 12 فولت فقط وليها دايرة امان وحجات كتير تمنع اي مشاكل
ثانيا تنك البنزين متوصله طرف ارضي علشان يفرغ اي شحنات سواء من الطرمبة او حتى من حركة البنزين جوة التنك اللي بتنتج كهرباء ساكنة
ثالثا التنك معزول عن الهواء ولما بيفضى جزئيا بيحل بخار البنزين محل الفراغ في غياب الهواء وبالتالي خطر الاشتعال معدوم وتتاكد من ده لما تروح تمون تلاقي الغطاء بيعمل فسسسسسسس اول ما تفتح نتيجة دخول الهواء للداخل
رابعا ذوبان الفيشة نتيجة لتلف التوصيلات وبالتالي نتج عنها حرارة عالية سيحتها
ورغم كده العربية محصلهاش حاجة والحمد لله نتيجة كل ما سبق وذكرته
واخيرا استمتع بعربيتك وربنا يحميك ويبارك لك فيها

وهمسة في اذنك : كل سنة وانت طيب ومفيش داعي تتعصب هلي الاعضاء
ولكل واحد ظروفه


تحياتي

الف شكر لحضرتك
مش قصدي اني ازعل من الناس والله