508
عرض للطباعة
508
بتحيز شديد
ال 3 عربيات نفس الموتور و الاداء, البيجو اقلهم في الاستهلاك ثم الفولفو ثم الاوبل
البيجو و الاوبل في نظري احسن من الفولفو علشان الكماليات اللي فيهم.
يوجد مشاكل كثيرة في الموتور للفولفو و حضرتك روح التوكيل بنفسك و شوف كم العربيات اللي ركنة هناك علشان طبعا نظافة البنزين بتاع مصر.
الانسيجنيا 2015 لا يوجد مشكلة واحدة حتي الان مسجلة. جميع المشاكل كانت في 2014 و تم حل معظمها مع العملاء.
توكيل بيجو و اوبل كويس نسبيا و اصلا مفيش توكيل نظيف في مصر.
انا سوقت ال 3 عربيات.. الاحساس بالثبات و الامان فيهم كلهم ممتاز و تتفوق الانسيجنيا عنهم كلهم في نعومة العفشة حتي مع الجنط ال 18.
في رئي المتواضع حضرتك احسم الموضوع بين الانسيجنيا و البيجو و جرب الاثنين في السواقة.
و زي ما قلت قبل كده. راحت الانسيجنيا في الحفر و المطبات اكثر من رائعة مقارنة بالباقي
و ربنا يديك خيرها ان شاء الله و يبعد عنك شرها.
م508 فيها كل اللى تتمناه محدش اشتكى منها بس عيبها توكيلها
" مش فارق معايا سعر اعاده البيع لاني ان شاء الله مش هبيع طالما العربيه داخله دماغي من كل النواحي"
يبقى الموضوع محسوم لصالح الفولفو.
انا متحيز للفولفو عن تجربة 4 سنين بدون مشاكل ولله الحمد وضد اى عربية من منصور عن تجارب كثيرة (تخيل بقى ان عزالعرب يطلع ارحم من منصور!!) ومعرفش كتير عن بيجو.
الرابط ده ممكن يساعدك فى الاختيار - للأسف مش لاقى عندهم اختبارات لا للأوبل ولا للبيجو عشان تكون المقارنة عادلة. لكن على الأقل بيوضح مكانة الفولفو بالنسبة لماركات محترمة
Safety ratings
..
بالتوفيق ان شاء الله
السلام عليكم يا أستاذ أحمد...
لو محددات اختيارك كما هو مكتوب أعلاه، فبالتالي لا بد من استبعاد الفولفو S60 لأن حجمها أصغر من البيجو والأوبل، وكلتاهما تقارن بالفولفو S80 من حيث الحجم، بل ومن حيث التجهيزات في الفئة الأعلى للجميع. (ملحوظة: تجهيزات الفئة الأعلى في كل من S60 و S80 تقريبًا متساوية، وكذلك السعر متساو باعتبار أننا نتكلم عن S60 R-Design، والفرق فقط في الحجم)
الفولفو نظريًا قد تكون أفضل كسيارة من حيث القيمة والثبات والأمان، ولكن بالنظر إلى السعر الابتدائي فإنها أغلى بحوالي 100 ألف جنيه (هذا طبعًا في الفئة الأعلى)، فإذا كانت المقارنة بأول فئة، فالكماليات محدودة ولا تقارن لا بالبيجو ولا بالأوبل. وبالنظر أيضًا إلى تكلفة التشغيل، فإنها عالية جدًا سواء أكانت من ناحية أسعار قطع الغيار أم تكاليف الصيانة. يضاف إلى ما سبق أن سعر إعادة البيع للفولفو هو الأسوأ بين الجميع (أذكر أني قرأت إعلانًا عن S80 غير مستعملة، فقط عليها لوحة الأرقام، وكانت معروضة بحوالي 50 ألف أقل من سعر المعرض)
وكما نصحك الأعضاء، فالمقارنة الدقيقة هي بين البيجو 508 والأوبل إنسيجنيا، وكلتاهما لا غبار عليه (وأعني من 2013 بالنسبة للبيجو ومن 2015 بالنسبة للإنسيجنيا) فلم أسمع أن ثمة مشاكل حقيقية فيهما.
وللتعرف بتفصيل أكثر على الفارق بين السيارتين يمكنك مراجعة موضوعي الذي في التوقيع، فقد بذلت فيه جهدًا في تجميع ما أمكن من المواصفات بين هاتين السيارتين (ومعهما السيتروين DS5)، بالإضافة إلى أنني جمعت خلاصة تجارب وآراء الأعضاء والملاك من مواضيع شتى ليستفيد منها الجميع.
وأنصحك بقراءة الموضوع لآخره لأن مداخلات بعض الأعضاء أفادت ببعض التصحيحات الدقيقة على المحتوى. هذا، مع مراعاة أن موضوع حساسية الإنسيجنيا للوقود قبل منتصف 2014 و 2015 تركت انطباع عند البعض أن المشكلة مزمنة، وبالتالي أثرت على نتيجة التصويت حتى الآن.
وبالتوفيق في الاختيار إن شاء الله، ولا تنس الاستخارة.
متشمر جدا جدا جدا لاراء الجميع واعتقد المقارنه كدا صفت بين الاوبل و البيجو
بس بردوا يا جماعه الاوبل ولا البيجو ؟ انا ركبت الاثنين في المعرض والاثنين حلوين
وان كانت ال508 عجبني فيها ال gps في الهاي لاين . غير كدا شايف العربيتين حلوين
وبرده محتار بينهم .. وشكرا
يا جماعه نفسي حد يكون جرب العربيتين و يكلمني عن الثبات و السرعه و استهلاك الوقود
العزل و صوت الكاسيت و ياريت وزن العربيتين فاضيين و احساس القياده في الاثنين .
وكل سنه و حضارتكم طيبين و بألف خير و بركه ...
انا راي الفولفو..لو علي كلامك مش فارقه معاك زي :d :d,,انا شخصيا معايا فولفو 2012 عربيه خياليه متميزه في كل حاجه و مفيش اي كلام عليها من ناحية فتيس او موتور و بنزين 92 عادي..و برضو من ناحية البيع التلاته واحد يبقي اركب فولفو اقوي و اشيك و امتن..العيب الي انا شايفه كمالك ان توكيل واحد بس مش كفايه عشان الضغط و برضو غالين شويه في المصنعيه لكن كا قطع غيار زيها زي مرسيدس و بي ام.. بس انا هعلق عليك في حاجه كمان بس s60 مش واسعه لا هيا ضيقه عشان هي متعتبرش سيدان هي اسمها هايبرد يعني بين السيدان و الهاتش باك..لو هتجيب اعلي فئه فيها هات s80روعه في كل حاجه..و ربنا يقدملك الي فيه الخير ان شاء الله