| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 3 من 3

  1. #1

    الصورة الرمزية EL Henawie

    رقم العضوية : 167936

    تاريخ التسجيل : 08Nov2014

    المشاركات : 16

    النوع : ذكر

    الاقامة : القاهرة

    السيارة: لا يوجد

    السيارة[2]: هيونداي إكسيل

    الحالة : EL Henawie غير متواجد حالياً

    افتراضي عالم دهان السيارات - Facebook Twitter whatsapp انشر الموضوع فى :

    hasad">

    معالجة دهان السياراة (دوكو السيارات)

    السادة أعضاء المنتدي الكرام ,,,

    في البداية أحب أعبر عن خالص سعادتي بتواجدي في منتدي مثل هذا المنتدي الاكثر من رائع .

    وأحب أن أتوجه بالشكر لجميع السادة الأعضاء لما يقدموه من معلومات وتبادل الخبرات فيما بينهم وجعله الله في ميزان حسناتكم جميعاً .

    في الحقيقة أنا عانيت من الصنيعية وجشعهم وأستهتارهم بالعربية لذلك قبل ما أروح لصنيعي يعمل حاجة في العربية بحاول اعملها انا الأول .

    وحبيت أني أستفيد من خبرة السادة أعضاء المنتدي ومن هنا جاتلي فكرة ان كل واحد عندو خبرة في شغل الدوكو يشرحلنا مراحل دهان العربية بالمعالجة .

    أنا عارف ان في فيديوهات كتير علي اليوتيوب بس كلها دعائية ومش وافية في المعلومات ومفيش أمكانية الأستفسار عن شئ غير واضح .

    لذلك نرجو من اللي لديه خبرة في عالم دهان السيارات يشرحلنا وياريت لو بالصور او فيديو يقوم بإعداده لمعالجة جنب سيارة مثلا بداية من إزالة الدهان القديم حتي رش السيارة والانتهاء منها علي أن يشمل هذا الشرح الأتي :-

    1) المواد المستخدمة في كل المراحل بالتفصيل .
    2) أماكن بيعها وأسعارها .
    3) النسب المستخدمة في أعداد المواد وأسماء العده المستخدمة في التنفيذ وأماكن بيعها واسعارها .

    طبعا الموضوع هيبقي مرهق ومتعب بس دة عشم في ربنا ثم في السادة أعضاء المنتدي

    وكان في أقتراح أخر ان ليه ميكونش في زي معهد تعليمي تابع لنايل موتورز فيه كل التخصصات سمكرة ودوكو وميكانيكا وعفشة وكل ما يخص عالم السيارات

    أسف جداً علي الأطالة وان شاء الله ربنا يبارك هذا العمل ,,, وكل عام وانتم جميعاً بخير وفي افضل حال


  2. #2

    الصورة الرمزية Zing0

    رقم العضوية : 118508

    تاريخ التسجيل : 01Jan2012

    المشاركات : 543

    النوع : ذكر

    الاقامة : القاهرة

    السيارة: الحمد لله

    السيارة[2]: Toktok hatchback

    دراجة بخارية: لا

    الحالة : Zing0 غير متواجد حالياً

    افتراضي -

    كان فيه واحد زميلنا هنا طبيب صيدلى Ahmed pharma عمل دوكو بنفسه بعد دوخة فى مواقع أجنبية علشان الشرح, دور على موضوعه هنا و إقراه هتستفيد منه جداً

    أولاً لازم العربية تتعمل سمكرة كويس و مفيش أى بارومة و ده هيريحك كتير فى الشغل
    فيه طريقتين للدوكو:
    1- تصنفر البوية القديمة بصنفرة 80 (للتخشين و إزالة الشحوم و الزيوت و خلافه) .... أو
    2- تجيب العربية عالصاج و تأسس معجون من الأول

    عادة هتلاقى كل الصنايعية بيشتغلوا بالطريقة الأولى لأنها أسهل و أرخص
    بسم الله و تفك كل إكسسوارات العربية لو مش هتغطيها كويس أثناء الرش (و ده اللى بيبين فنش الصنايعى على فكرة لما حرف الدوكو يوصل للكشاف أو كاوتشات البرابريز .... شغل سوق)
    لو لاقيت أماكن فيها تشققات أو خرابيش و تجريح أو طقطقة معجون أو أو أو ... لازم المنطقة دى تجيبها عالصاج, و الأسهل بصاروخ و قرص صنفرة 40, علشان من أسباب طقطقة البوية وجود صدأ تحتها, فلازم توصل للصاج و تتأكد إنه نضيف.

    بعد كده تغسل عربيتك غسلة محترمة و تنشفها, و تجيب علبة معجون (علبه 2.750 جرام بالمصلب بتاعها بـ 43 جنية - ده سعرها النهارده فى السوق, و فى علب أصغر من كده بس دى الأوفر, و سكينة معجون و بلاستيكة فرد) هتأخد حته معجون على سكينة المعجون و تحط عليها المصلب (النسبة بالتقريب نص سكينة المعجون : 3 سم مصلب من الأنبوبة) و تخلطهم مع بعض حلو ببلاستيك الفرد و تشد بيهم السوك و الالأماكن الواطية و النقر و الحتت اللى نضفتها لحد الصاج, تملى كل ده ببلاستيكة الفرد, و لازم إيدك تكون سريعة علشان بعد من 3-5 دقائق هتلاقى المعجون اللى عالسكينة باظ (إوعى تخلط المصلب مع العلبة كلها!!! تخلط على القد بس)
    بعد متخلص و تسيبها تنشف طول الليل, تبدأ صنفرة تانى, و الأحسن تستخدم sand block حته خشب تلف عليها الصنفرة علشان تضبط العالى مع الواطى . المرحلة دى أهم مرحلة و كل متخدم فيها كويس هيبقى الفنش ممتاز.
    بعد كده تغسل عربيتك تمام و تنشفها حلو جداً فى الشمس, (لإن المعجون شرة للمياه و مينفعش نرش أى حاجه طول ما فيه مياه فى المعجون علشان متطقطقش بعد كده... فيه ناس بتمسحها بالثنر علشان تبعد عن المياه)
    و بعدين ترش فيلر filler دى مادة رش لونها غالباً رمادى و فيه منها نوعين سريع (بدون مصلب, بـ 30 ج) و نوع بطئ بمصلب و ده الأفضل (بـ 40 ج) ترش كامل العربية و تسيبها تنشف براحتها.
    لو إحتاجت تلقط معجون تانى فى أى حته مفيش أى مشكله بعد الفبلر, بس بعد متخلص رش فيلر تانى على الحته اللى أشتغلت فيها..... يعنى بعد متخلص شغل المعجون كله لااااااااازم تكون العربية كلها فيلر.
    وظيفة الفلر بيسد مسام المعجون و يظهر أى مناطق محتاجة تتضبط و بيخلى الدوكو يلمع.
    بعد كده تصنفر الفيلر و بعدين تتفق مع كابينة رش يرشلك العربية و يقعدها فى الفرن (غالباً 3 ساعات بـ 70 ج + الشاى بتاعه و ده أقل سعر دلوقتى), طبعاً هتكون مغطى كل حاجه مش هتترش بالجرايد و بكرة لزق ورق, النواكل و الكشافات و الكاوتش و .....
    الدوكو أقل نوع دلوقتى بـ 100 جنية الكيلو, و لحد 150 و ده أفضل حاجه ممكن يشتغل بيها صنايعى فى السوق (علشان السعر, اوميجا و كابسى و ميدو) و فيه أسعار تعدى الـ 1000 ج (سكينز و غيرها ) بس دى نتصور جنبها سيلفى بوز البطه بس :)

    دى شوية حاجات لاقيتها عالنت , يا رب تفيدك

    اول شي صنفر البدي كامل ب 320 كامل وتكون الصنفرة مضبوطه بعدين المكان الي يحتاج معجون صنفره ب 60 صنفره مضبوط بعدين حط المعجون ولا تنسى تحط مع المعجون منشف بكميه قليله جدا لا تزود لكي لايتشقق المعجون مع المستقبل بعدين خل المعجون ينشف تمام وصنفره ب 60تمام بعدين 150 بعدين حط فوق المعجون اساس عادي الي يجي لونه رصاصي بعدين صنفر الاساس ب150 وبعدها320 بعدين امسح البدي وبعدها رش الاساس لتر اساس + نص لتر منشف + ثلث او اقل تنر اخلطها ورش السيارة كامله وبعدها خلها تنشف امكن تحتاج يوم حسب الجو وإنتبه وقت الرش لازم تكون يدك خفيفه وسريعه ويكون المرش اصلي الي يتعبا من فوق بعدها صنفره السياره كامله ب 600 او 800 الى ان يتنعم الاساس تمام بعدها دخل السياره في مكان يكون جيد للرش وبعدها البويه لتر بويه + لتر تنر واخلطها ورش السياره كامل ابدا بالتنده والكبوت والشنطه وبعدها باقي البدي 3 مرات امكن تحتاج لترين ونص بويه ومثلهم تنر خلها تنشف بعدها امسح البدي مضبوط ورش فوق البويه الليكر (اللمعه) لتر ليكر + نص لتر منشف + ربع لتر تنر واخلطهم ورش بعدها خلها تنشف تمام واستخدم السياره اسبوع بدون غسيل بعدها اغسل السياره وصنفرها صنفره خفيف 2000 طبعا مع الماء خفييييف بعدها لمعها تلميع خشن بعدها تلميع ناعم بكذا تكون خلصت وافضل يكون معك واحد عنده خبره لكي لا تخسر قيمه الاغراض الي شريتها والشغلة يبغالها صبر وطولة بال وبالتوفيق اخوي واي خدمة انا حاضر
    علشان عربيتك ترجع زى الاول بعد الخبطات و او عايز تغير لونها
    هذة هى مراحل اعادة طلاء السيارات
    المرحلة الاولى تصنفر العربية باستخدام صنفرة رقم 120
    المرحلة الثانية مسح السيارة بالتنر لازالة الشوائب و التراب و البقع
    المرحلة الثالثة تمعجن العربية بمعجون الحديد و تسيبة ساعة عشان ينشف
    المرحلة الرابعة تصنفر العربية مع استخدام المياة صنفرة 120 ثم صنفرة 320
    المرحلة الخامسة ترش فيلر على العربية
    المرحلة السادسة تصنفر العربية بصنفرة 360 او 800
    المرحلة السابعة ناخذ درجات اللون من سيستم الالوان الخاص بموديل السيارة حيث ان كل سيارة مطبوع عليها درجة لونها
    المرحلة الثامنة نرش دهان السيارة داخل الفرن و نتركه ليجف و بعدين نرش ورنيش زجاجى فوقه
    المرحلة التاسعة نلمع العربية بلمعة خشنة بالصاروخ و بعدين نلمعها بالبولش بقطنة
    يكفى وجه واحد من الفيلر قبل الرش على ان يغطى كامل المعجون الظاهر على السياره
    ولابد من انتظار الجفاف التام للفيلر قبل صنفرته ب 1200
    اما بالنسبه لوقت رش الفيلر فهذا يتوقف على نوعيه الفيلر الذى ترشه وغالبا يكون مكتوب على العبوه وقت الجفاف وكيفيه تخفيفه
    وعن الفيلر هناك نوعان نوع سريع الجفاف والاخر بطئ
    السريع يخفف بثنر فقط وغالبا يجف سريعاً بعد حوالى ساعتين فى درجه الحراره العاديه
    اما البطئ فهو يأخذ وقت اطول ويفضل ان يترك اكثر من 12 ساعه قبل رش الدهان والبطئ يخفف بمصلب وثنر سويأ وانصحك به لانه يتحمل درجه حراره اكبر فى كابينه الرش وايضاً اكثر تماسكا وتحمل من السريع
    واما بالنسبه لكميه الثنر مع الدهان فتختلف حسب نوع ولون الدهان
    فهناك نوعان من الدهان وهما الدوكو العادى وهذا يخفف بثنر فقط سواء اذا كان اللون ساده او ميتالك ولتر الدوكو يخفف بلتر ثنر
    والنوع الاخر هو دهان الفرن ومنه الالوان الساده والالوان الميتالك
    اللون الساده اللتر منه يخفف بنصف لتر ثنر ونصف لتر مصلب
    اما الميتالك فاللتر منه يخفف بلتر ثنر ولا يحتاج مصلب واللون الميتالك هو دهان مطفى يحتاج لرش ورنيش بعده والورنيش يخفف بنصف لتر ثنر ونصف لتر مصلب وهناك انواع تخفف بالمصلب فقط
    أعانك الله
    و أى خدمه


  3. #3

    الصورة الرمزية smoke7585

    رقم العضوية : 193899

    تاريخ التسجيل : 06Nov2016

    المشاركات : 12

    النوع : ذكر

    الاقامة : Cairo

    السيارة: لانسر قرش

    السيارة[2]: فيرنا

    الحالة : smoke7585 غير متواجد حالياً

    افتراضي -

    hasad">

    انت نجم



 

المواضيع المتشابهه

  1. كابينة دهان السيارات - فرن دوكو - فرن دهان السيارات
    بواسطة شركة دياموند في المنتدى بيـــع و شــــراء
    مشاركات: 0
    آخر مشاركة: 24-12-2014, 02:06 PM
  2. دهان السيارات
    بواسطة fantazya2 في المنتدى جسم السيارة داخليا وخارجيا
    مشاركات: 1
    آخر مشاركة: 10-05-2014, 03:17 PM
  3. دهان السيارات
    بواسطة fantazya2 في المنتدى ورشـــة نــايل مــــوتـــورز
    مشاركات: 1
    آخر مشاركة: 06-05-2014, 09:58 PM
  4. جديد في عالم السيارات
    بواسطة moos88 في المنتدى المنتــــــدى العـــــــــــام للسيــارات
    مشاركات: 2
    آخر مشاركة: 15-03-2014, 07:36 PM
  5. أول مره ليه في عالم السيارات
    بواسطة Black Shield في المنتدى نيـــــــــسان
    مشاركات: 3
    آخر مشاركة: 02-03-2013, 03:44 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2