ايه السبب ان مفيش خدمه منافسه لفورى فى مصر دلوقتى ؟ زى اى خدمه جديده بتطلع ويكون ليها منافسين من شركات كبيره مثلا
هل فى سبب معين من وجهة نظرك فى السوق ؟
عرض للطباعة
ايه السبب ان مفيش خدمه منافسه لفورى فى مصر دلوقتى ؟ زى اى خدمه جديده بتطلع ويكون ليها منافسين من شركات كبيره مثلا
هل فى سبب معين من وجهة نظرك فى السوق ؟
تفتكر ليه مفيش منافس لشركة تسهيل؟.....نفس السؤال
واعتقد الاجابة واحدة .....
فى خدماتى
فكرت مثلك لما رأيت السؤال و شوية بحث عن الشركة
::فورى ::
::فورى ::
فاللى فهمته انهم شركة جابت فكره كويسه و عرفت تنفذها باحترافيه شديده
و غالبا محدش دخل معاهم لعدم وجود نفس الخبرات او القدرات الماديه او التنفيذيه
طبعا الكل دماغه راحت ناحيه انهم مسنودين من الحكومه و تبع رجال اعمال كبار و سرقة البلد
و انا مثلكم
بس جه فى دماغى شركة تانيه انا متعايش معاها
الشركة المسئوله عن كروت التموين و صرف النقاط و الخبز المدعوم
دوول فى الحقيقه 3 شركات على مستوى مصر
بس منهم شركة واخدخ حوالى 60-65 % من اجمالى البلد
و دى اللى بدأت المشروع و صاحبها دكتور اتصالات عايش فى امريكا و عمل الشركة هو و عائلته
و ابدع بمعنى الكلمه فى البيزنس بتاعها
و لما وزير محترم من ايام مبارك رفض انهم ياخدوا البلد كلها حتى لا تصبح محتكره السوق
ادخل معها شركتين (منهم واحده حكوميه ) و حتى وقتنا هذا الشركتين زى الزفت و المحافظات اللى ماسكينها كلها مشاكل
و الى الان مش قادريين يوصلوا لمستوى الشركة الاولى
السبب انه ابتدى بدري و ابتدى كبير و اكل السوق ...... اي واحد هيخش قصاده دلوقتي عارف انه مش هيلاقي نفس الماركت شير بسهولة ....... و الموضوع عايز صرف كتير و بنية تحتية كبيرة جدا .....
فيه خدمة bee
لكن خدمة فوري عملت تشبع للسوق بشكل جيد
لعدم وجود نفس الخبرات او القدرات الماديه او التنفيذيه
على فكره موضوع الخبرات مش معضل زى مانتو متخيلين لان هو مش عامل سر ولا براءه اختراع ومحتفظ بيه
الفكره كلها فريق مطورين محترف وقدر ينفذ Gateway قويه مع الجهات الحكوميه للدفع وللعلم نظام فوره كسيستم مليان اخطاء جثيمه جدا فى المكن بتاعه بس طبعا مفيش غيرها ادام الناس
ولكن لسه اجابه السوال لم تتم حتى الان على فكره انا معرفش الاجابه والله بس مش شايف كلام اقنعنى لان كل الكلام الى اتكتب مردود عليه وسهل اى رجل اعمال بفريق خبره متميز + تمويل قوى هيعمل نفس الفكره
لكن السوال ليه محدش ابتدى لحد دلوقتى فى نفس الماركت بالقوه ديه ؟ بالاخص ان مصر من اكتر الدول المقلده للبيزنس دايما فى السوق ومفيش حد بيكمل سنه بفكرته الا وطلع ليها مليون حد ينافس ويعملها صداع فى السوق زى اى مجال
للعلم فورى لسه داخل معاهم قريب جهة ضخمه بالتمويل والمشاركه ؟ حد يعرفها
بصراحة انا شايفهم اكتر من ممتازين وانتشارهم رائع وسهلوا على الناس حاجات كتير قوي مقابل مصاريف قليلة جدا
ياريت مصر يكون فيها شركات كتير زيهم كان زمانا بقينا حاجه تانيه
لو حبيت مثلا تجدد الإنترنت عن طريق فوري حاتدفع 3 جنيه زيادة رسم للخدمة
لو جددت عن طريق شركة خدماتي حاتجدد بنفس سعر الإشتراك الرسمي
عدد المحلات المشتركة في خدمة فوري على الأقل 10 أضعاف الي مشتركين في خدماتي
أعتقد كده السبب واضح
عمولة الموزع في فوري اكبر بكتير من خدماتي وكله على حساب الزبون
لو مثلاً حبيت تجدد الإنترنت عن طريق فوري حاتدفع 3 جنيه زيادة رسم الخدمة
لو جددت عن طريق خدماتي حاتجدد بنفس السعر الرسمي بدون اي زيادة
عدد المحلات الموزعة لنظام فوري على الأقل 10 أضعاف الموزعة لنظام خدماتي
أعتقد كده وضح السبب - عمولة الموزع في نظام فوري اعلى بكتير عن خدماتي (وكله على حساب الزبون)
نهائى الموضوع
علشان انا بعمل فى مجال الموبيلات
فورى اصلها بتقدم كل الخدمات التى تتخيلها كهرباء ونت وغاز ومية
انما الشركات التانية كلها تعبانة فى الخدمات والشبكة
الموضوع استثمارات وموظفين صح
على فكرة خدماتي بتقدم جميع خدمات فوري (بإستثناء تراخيص السيارات الي مبالغ في رسومها الإضافية جداً)
ومافيهاش ال 3 جنيه الي بياخدهم الموزع
وكل فواتيري بدفعها عن طريقها
هما زيهم زى أى حد بيبدأ خدمة جديدة او مشروع جديد مع الوقت خبرتهم بتبقى كبيرة فى المجال ده و بياخدوا وش التورته زى ما بيقولوا فاللى هيبتدى من جديد عمره ما هيبقى زيهم و انا شايف ان ده سر تفوقهم بصراحه و الدليل على كده بصوا على اى حد جاب فكرة جديدة و طبقها هتلاقيه دايما" هو اللى فى الصدارة بس طبعا" لازم يطور من نفسه علشان يواكب التغييرات اللى بتحصل و افتكرت دلوقتى مثلا" فكرة جريدة الوسيط اللى طلعت من اكتر من 10 سنين فيه ناس كتييييييييييير حاولوا يقلدوهم لكن كلهم ما كملوش و انهاروا لنفس الأسباب
فورى نقله عملاقه فى مستوى الخدمات فى مصر لكن بالقياس على المستوى العالمى فهى خدمه متواضعه جدا
السعوديه لديها نظام سداد يعتبر من اقوى الانظمه على مستوى العالم فى الخدمات الدفع الفورى
طبعا مرتبط بالنت مباشرة ه بدون اجهزة او محلات مع حسابك فى البنك
ويبدا من شحن الموبيل ب 10 ريال حتى حجز تذاكر الطيران مرورا بكل الخدمات الحكوميه
لكن ما يميز فورى فى مصر انه خدمه من شركه خاصه وليس جهه حكوميه يعنى الناس اصحاب فورى كان عندهم قراء كويسه للسوق وعارفين انه محتاج ومازال محتاج خدمات مثل كدة واكتر بكتير
اما سبب عدم دخول شركات فى مصر فى هذ المجال بقوة مع فورى
ان مصر مفهاش رجال اعمال مصر فيها رجال سبوبه
محدش عنده استعداد يدفع فلوس فى مشروع 3 او اربع سنين و ينتظر هل هيكسب ولا لاء
يروح يشترى قطعه ارض ويسقعها ويكسب فى المضمضون 1000% بلا وجع دماغ
لاسف دى ثقافه البزنس فى مصر بالاضافه الى الاوضاع السياسيه المهببه
بالمناسبه برنامج "الواتس اب" اتباع تقريبا بسعر احتياطى البنك المركزى المصرى كله 16 مليار دولار
الموضوع ابتدى ياتى ثماره اهو
لانها اولا بدات كبيره هى جزء من شركه لينك الى هى جزء من موبينيل صرفو كتير و على طول بيعملو Deals جديده سواء مع الحكومه او مع شركات خاصه زى تى اى داتا على طول بتقدم خدمات جديده زى المرور و الباقين زى خدماتى الفاشله و BEE قاعدين يتفرجو فبقى من مصلحه التجار انهم يجيبو فورى افضل من الباقين و مع الوقت بقت اكبر و اكثر انتشارا
فوري بدأت ك spin-off من راية
معرفش كلام صح ولا غلط
لكن ممكن يكون في احتكار غير معلن بين أصحاب الخدمة وبين الجهات الحكومية المخول لها التصريح بالخدمة وإعطاء التسهيلات لها وذلك لمدة زمنية معينة مقابل نسبة معينة
كل ده في مقابل إن مفيش منافس تاني يدخل في المجال ده خلال فترة الاتفاق ولو حد حاول ينافس تتحطله العراقيل اللي تفشله أو يتقاله صراحة الخدمة دي (متباعة)
كلام منطقي وارد إنه يحصل في بلد غارقة في الفساد والاحتكار حتى النخاع لكن بصراحة معنديش أي دليل عليه
انا لقيت ليهم تقرير مبسط كده من دوت مصر
[youtube]https://www.youtube.com/watch?v=4HXSX9Ao1gY[/youtube]