-
حضانه غير تقليديه
السلام عليكم وكل سنه وانتو طيبين،معلش كنت محتاج رايكم وخبرتكم في موضوع مهم محتاج اعرف حضانه كويسه لابني في المعادي بس تكون سمعتها كويسه لاني تعبت كلهم شبه بعض الموضوع تجاري بحت محدش واخد الموضوع صح وان دي تربيه ونفسيه اطفال ومسؤليه كبيره كله همه فلوس وبس وهتجيبه امتي وهتاخده امتي ووجبات ومنظر بس من بره وكله كلام وبس،نفسي في حضانه يكون ليها كيان كده وصحابها فاهمين وليها سمعه كويسه فلو حد يعرف ياريت يقولي ومتشكر مقدماااا.
-
128 مشاهده ومحدش عارف اي حاجه!!!!!
-
-
التعليم كله بقى بيزنس للاسف ......
عموما انصحك بحضانه منتسوري ........ المدام عندي بتاخد دبلومه معاهم و هيا خلصت بس لسه منتظره الشهاده
المنتسوري بجد - هاتلاقي مع مدام مارجريت وكيله جمعيه منتسوري الامريكيه - و هيا امريكيه فعلا و مقيمه في دجله المعادي
التكلفه عاليا شويه - بس هاتدعيلي
و في شريكتها المصريه - مدام ماري - شخصيه محترمه بجد - عندها حضانه برضه بس اعتقد في المقطم
و في مدارس عندها منتسوري برضه اعتقد زي المناره اللي في الهضبه الوسطى تقريبا
عموماا انا مسافر و هارجع بكره - ادعي لي بس الاقي حجز - و لما ارجع ممكن اجيبلك من المدام التليفونات
Content Relevant URLs by
vBSEO 3.6.0 PL2