يا حلاوة يا ولاد
يبقى انت اكيد في مصر
عرض للطباعة
يا حلاوة يا ولاد
يبقى انت اكيد في مصر
طيب و احنا نكره , عقبال مانشوف المرسيدس العيون و الشيروكي تاكسي زي بره بس علشان النظافة تكمل لازم الشوارع كمان تنظف من المطبات و الحاجات التانية اللي بالي بالكوا
و يجعله عامر
الفترة الاخيرة شفت كتير موديلات حديثة اجرة
النترا 2007 كورولا 2007 لانسر 2007
والله كويس..بس يا ريت يتم توحيد التاكسي على مستوى البلد بنوع او اتنين او تلاته بالكتير..والاهم..يتم تغيير اللونين الابيض واسود بتاع تاكسي القاهرة..الحقيقة كئيب اوي وبيضيع شكل احلى عربية
+10000000
معاك حق و أنا شايف اللون السادة أفضل بكتير
يعني يا يبقى أسود كله ......... أو أبيض كله
و أنا أفضل الألبيض كله ......بيبقى شكله نظيف و ظريف
بس هي جت على التاكسي ........ ما هي الدنيا كلها فوضى
بس النيسان صني يا باشمهندس سبعاوي مش لايق عليها التاكسي أو بمعنى أصح اللون الأبيض في أسود بتاع تاكسي القاهرة
ربنا ييسر الحال و الدنيا تتعدل و الناس أذواقها تتعدل شوية و الحكومة كمان
بصراحه انا شايف ان الموضوع مش وحش عادي كويس
انا شوفت فى اسكندريه تاكسيات ماتريكس وسبرانزا وفيرنا كتير ولانوس
يعنى سعر الماتريكس متقارب من سعر الصانى
بس ده شئ كويس، خلى الشعب يعيش وبنقي زى امريكا واوروبا
حلوة دي بكرة بقا تلاقي بتاع تاكسي يقلك انت يا نيسان امشي شوية وكانه مصحبك من زمان:gun_bandana:
انا شوفت اوبترا و لانسر و صني و افيو - تاكسي عادي مش عاصمة .
هنا فى اسكندريه ماتريكس ولانوس وفيرنا تاكسى .
.
انا برضوا شفت التويوتا كورولا فى مدينه نصر قرب سيتى استارز كانت تاكسى وكان نفسى اصورها بس ملحقتش
عموما دى خطوه حلوه انك تركب حاجه نضيفه ووحشه انك هتموت من الاجره فى اخر المشوار
يارب بقى يعملوا عداد للتكسيات الجديده دى
مش معقوله واحد محترم راكب صنى ينزل يتخانق مع الزبون علشان جنيه واتنين جنيه
انا شوفت كورولا 2006 و لانسر بومة و سيراتو و أوبترا كل دول في المهندسين و وسط البلد
ده غير النوبيرا و الأفيو
يا باشا أنا شفت لانسر بومة موديل 2008 تاكسى واحدة فى القاهرة و وواحدة فى الزقازيق - الشرقية
كله عادي مع التقسيط
سبقتني يا خالد
انا برضه حصلي موقف مشابه لسيادتك بس مش قادر احكيه
عشان القط الصورة دي
اتفضل
http://www9.0zz0.com/2008/11/17/09/310796519.jpg
و التويوتا عامل الأكر نيكل
راييييييق قوى بصراحة
لما رحت شرم الشيخ فى شهر اغسطس الماضى وشفت التاكسيات اللى هناك اتوهمت حقيقة وححسيت ان شرم الشيخ دى ليست مصرية
اولا ياشباب لكم ان تتخيلوا ان اقل سيارة هناك تاكسى هى الفيرنا والله لم اجد اقل منها واغلب السيارات هناك ميتسوبشى لانسر وتويوتا كورلا لن تقل عن 2006 باى حال من الاحوال
ولابد ان تكون كل هذه السيارات مكيفة
لكن لو اتكلمنا على سعر المشوار هنجد انه خيال علمى
طبعا هناك كله مركب عددات ديجتال ومش عارف هل العدادت دى بيتلعب فيها ولا اه
المهم مشوار مثل مكرم عبيد الى ميدان المحكمة مثلا ولكم ان تتخلوا ان الطرق هناك مفتوحة وممهدة تمهيد رهيب مكن فى هذه الحالة العداد يعمل 45 جنيه
تخيلوا مشوار هنا ميجبش سبعة جنيه بالتاكسى يعمل هناك 45 جنيه وهناك سواقين التاكسى لا يفرق معم مصرى ولا اجنبى
المهم كان لازم تتفق الاول مع السواق انك ملكش دعوة بالعداد تتفق معه قبل ما تركب وكان بالاتفاق اقل مبلغ ممكن تدفعه فى مشوار مثل هذا 30 جنيه بدون كلام
علشان كده العربيات دى شغالة كويس جدا جدا يعنى من الاخر بيجيب تمن العربية علطول وكمان الطرق هناك لا هتبهدل عفشة ولا هتحرق بنزين فى زحمة ولا اى حاجة من الكلام الفارغ اللى عندنا فى القاهرة .
ومن حلاوة الشغلانة دى تجد عربيات ملاكى توقف عند موقف السوبر جيت اقلها فيرنا ايضا يجى يقولك عاوز تروح فين ويوصلك بسعر اقل من التاكسى ويعمل معاك واجب ويشغلك التكيف كمان
المشكلة هنا بصراحة فى هذا الوقت اللى بيجيب عربية جديدة كده يبقى بيظلم نفسه
اولا لان المشوار اللى هيدفع فيه الزبون 5 جنيهات مش هيقول انا راكب نيسان ولا انا راكب عربية قردة كله زى بعضه
الامر الاخر ان بتاع الجديد هيصين بفلوس اكتر ,يعنى الدخل هو هو لكن ده صيانته اكتر
امر اخر ان بتاع الصنى مش هيقدر يدخل الزاوية الحمرا ولا شبرا ولا الدويقة ولا اى منطقة يعرف انها مكسرة لانه خايف على عربيته
لكن بتاع العربية المدمرة هيدخل
كان ممكن نقول ان الجديد ده يسافر ويبقى حلو فى المشاوير البعيدة لكن للاسف فى قانون المرور الجديد اى عربية اجرة متقدرش تطلع محافظة اخرى الا بتصريح ودى شغلانة طويلة
حقيقة هو منظر التاكسى كده يفرح بالنسبة للناس لكن اعتقد ان الامر بالنسبة للسائق مش هيكون تمام
كويس ان الاوبل مش فى الموضوع ده
انا فعلاً واحد صاحبى كان بيضرب كف على كف لما شاف اللانسر ماشية تاكسى
بس واضح من الصورة ان النيسان فى منطقة نضيفة !!!
أحب أضيف ان العربيات الجديدة التاكسى أصحابها هايخافوا عليها
يعنى مش هانلاقى بلطجه العربيات التاكسى الكهنه و مبدأ اللى خايف على عربيته الزيرو يوسع !!
صح ؟؟
جامد جدا صنى و كورولا تاكسى
بكرة هوندا سيفيك تبقى تاكسى :svengo:
بس ياريت يحافظو على العربيات دى و ميبهدلوهاش
هو قانون احلال التاكسى مش حاطط عمر لتغيير العربيات الجديدة
يعنى تفضل تاكسى 10 سنين مثلا وبعد كدة تتباع و يشترو زيرو تانى؟
انا شايف انه عادى جدا احنا عندنا فى الاسماعيليه عربيه لانسر 2008 كامله وافيو واوبترا 2009
يا رب نشوف بقيه التاكسيات وهى بتتكهن
بس مش عاوزين نشوف اللادا والشاهين
يعنى الفيرنا معقوله شويه
ومنبقاش طماعين ونطلب لانسر ونيسان وتويوتا
كده هنحس ان عربياتنا ملهاش قيمه
انما اللادا والشاهين نوووووووووو
والله براوه يا سبع
انا شفت تاكسي نيسان صني قدام سيتي ستارز
وشفت الافيو والانوس والفيرنا طبعا
شوية كده ونلاقي التاكاسي كلها كده
عادى جدا احنا عندنا فى كفرالشيخ
الفرنا والدايو واللانسر والنيواكسنت والتويوتا والاسبرنزا تاكسى عادى جدا
انا شفت كورولا 2006 فى المهندسين
وشفت لانسر 2007 فى وسط البلد ..
انا شفت لانسر بومة النهاردة تاكسي شكلها زباالة في بدلة التشريفة (الابيض و الاسود)
اانا شفت كل دول
سيراتو وبومة وفيرنا ولانوس واكسنت ونيو اكسنت ونوبيرا وابترا واتوس
بس يا ترى نظام الدفع هيبقا ايه ؟؟؟؟
الانترا و الاوبترا و النيو اكسنت و الافيو
موجودين تاكسي فعلا ف الاسماعيليه
بس صني عب عشان استهلاك البنزين بتاعها سيء
ونسيت السيراتو و المتسوبيشي الجديد كمان موجوده
البلد بتتقدم بخطى كبيرة فعلا دة من ضمن البرنامج الانتخابى بتاع الريس مهو دة العبور للمستقبل وانا اللى مكنتش فاهم العبارة دية فى الانتخابات فعلا اللى يعيش ياما يشوف .