الموضوع: تجربة سيئة في شراء منتج من سوق دوت كوم

انا اتعاملت مع سوق كتييير جدا ولغيت اوردرات ورجعت حاجات ومقابلتنيش أي مشكلة

حتى التوصيل بقى اسرع من الاول بكتير

علي فكره نفس السيناريو القذر كان في عرض علي تليفون لينوفو وعملت اوردر والدفع عند الاستلام 3اسابيع والتليفون مجاش دخلت علي الموقع لقيت الاوردر اتلغي اتصلت بيهم قالولي ان مندوب ارامكس مالقانيش في العنوان المسجل عندهم مع. ان المفروض المندوب بيتصل بيك وقت التسليم يتاكد من العنوان

نفس اللي حصل معاك حصل معايا
يوم 6-7 طلبت منهم لقمه حساس اكسجين وفاكيوم ومش كان عليها عرض وسعرها 50 جنيه وطلبت جنبها سلع تانيه بس الاساس اللي خلاني ابني طلبي هو اللقمه دي
لقيت الطلبيه اتقسمت على اكتر من شحنه وقالوا لاني اشتريت من اكتر من تاجر قولت ماشي
واخترت الدفع عند الاستلام
لحد يوم 11-7 كل الشحنات جت الا لقمه الحساس دي واطباق اطفال ( البائع سوق في الصنفين)
وبالصدفه يوم 12-7 بشيك كل يوم على حسابي عندهم لقيت زي ما حصل عندك لقمه رباط الحساس اتلغت و كملوا الطلب ب اطباق الاطفال بس من غير ما حد يكلمني ويستأذني نكمل الطلب ولا ايه
ولقيتهم باعتين لي ايميلين يوم 12-7 واحد بان اللقمه اتلغت وواحد بان الطلب استكمل من نفسه

ومن المتابعه على حسابي لاحظت ان قيمه اللقمه لسه متحمله على الاوردر والمفروض مستني مندوب ارامكس علشان اتأكد من ده
لو كان هيفرق شكوتي كانت نفعت لما بعت شكوى ليهم يوم 8 -7 اقول ليهم الطلب لحد دلوقت لسه مش اتشحن ليه مع ان الطلبات الباقيه حالتها بانت انها اتشحنت

المشاركة الأصلية كتبت بواسطة أبو آسر

السلام عليكم
يوم 5-7 الماضي اشتريت "ماكينة حلاقة الرأس من فيليبس qc 5580/13" من موقع سوق دوت كوم وكان عليها عرض بدل 777 ج أصبح 448 جنيه وكان عرض مغري بصراحة وكان موجود 3 قطع اشتريت واحدة ومفروض اتبقى 2
عملت طلب الشراء أول مرة بالكريديت كارد وبعد ما أتممت عملية الشراء فتحتلي صفحة "page cannot displayed" فدخلت على مشترياتي في الموقع ملقيتش الأوردر ، استنيت رسالة على الموبايل إن مبلغ كذا اتخصم من بطاقتك من موقع سوق مفيش رسايل ، قلت يبقى العملية لم تتم بنجاح
كررت العملية تاني فتمت بنجاح والأوردر اتضاف في الموقع وجاتلي رسالة على الموبايل وبعدها مفيش دقايق جاتلي رسالة تانية بنفس المبلغ اتخصم مرة تانية !
كلمت البنك وطلبت إلغاء الأوردر الأول وبعت لسوق برده وقدمت شكوى قالولي مبلغ واحد اللي اتخصم عندنا ارجع للبنك فكلمت البنك تاني قالي أنا قدمتلك طلب وهياخد من يومين ل10 أيام قلت مش مشكلة أبقى أتابع معاهم
الأوردر بقى من يوم 5 ليوم 11 اللي هو امبارح الحالة بتاعته (لم يتم الشحن) مش عايزة تتغير وبعت أكتر من شكوى محدش عبرني مع إن مكتوب إن السلعة سيتم تجهيزها للشحن خلال 3 أيام
المفاجأة بقى
النهاردة دخلت على الموقع فوجئت إن الأوردر اتلغى تماما !! والمبلغ الأول عملوله refund للكريديت بتاعي والمبلغ التاني لسة موجود في حسابي في الموقع عندهم
طبعا اتعصبت ازاي يكنسلوا أوردر بدون إذني خاصة إنهم رفعوا السعر خلوه 666 جنيه !
اتصلت بيهم ردت عليا الموظفة شرحتلها المشكلة قالتلي أيوة يا فندم أصل ال item ده out of stock !!!!!!
قلتلها ازاي الكلام ده وأنا لما اشتريت كان موجود 3 قطع وازاي أصلا تبلغوني إنه out of stock بعد 7 أيام من الشراء !! طبعا معرفتش ترد ومعلش وحاولنا نوصل لحضرتك ونبلغك وممكن تكون وانت بتشتريه في نفس اللحظة عملاء تانيين اشتروه على أساس إن اللحظة اللي أنا اشتريت فيها كان معايا 3 غيري بيشتروا نفس المنتج اللي أصلا قعد كذا يوم على ما عدد القطع بدأ يقل من 2 لواحدة والتلاتة اللي كانوا بيشتروا وصلهم المنتج وأنا ابن البطة السودا اللي على حظي العاثر كنت آخر واحد في الأربعة اللي اشتروا ال3 قطع !!
الخلاصة إن التجربة سيئة جدا وشغل نصب يعملك عرض وهمي على سلعة مش موجودة عنده وتشتري وتقعد منتظر وفي الآخر يكنسل الطلب رغما عن أنفك وشغل عك زي ما متعودين يعني