فيرنا بعد خبطة جامدة ف العفشة
السلام عليكم ياشباب
امبارح بالليل ع طريق السويس القاهرة كان فيه كوم زلط ف الكحل
كنت ماشي ع ١٠٠ ومخدتش بالي خالص منه المهم ان العربية عامت مني جامد
والحمدلله ربنا ستر وشيلت رجلي من ع الفرامل لاني حسيت انها هتتقلب
المهم اني الحمدلله العربيه سرحت جنب الطريق يمنه كده اللي وقفها رصيف فجأة من بعد سرعة٠ ٦ الي صفر٠ بخبطة جامده خرسانه كده ارتفاعه لحد اول الاكصدام
المه اللي ااتضرر العجلة الي تحت السواق الطارة بتاعتها اتطبقت جامد
المهم الشباب ربنا يكرمهم (الي كانو راكبين عربيات واتشيعوا بسبب كوم الزلط ده زيي بالظبط ساعدوني وطلعنا العربيه وغيرنا الكاوتش ومشيت عادي تاني )
الحرارة مظبوطة و الرادياتير مجبش مياه ولا زيت زقع م الموتور ولا حاجة
وديتها للراجل بتاع الكاوتش قالي مش نافعه
مع العلم ان العربيه مكملتش شهر ين وهي ف الضمان
بيقولي اني ممكن يجيبلي واحد ب ١٥٠ ،جنيه
هل ده يخرجني م الضمان؟
وايه تاني اتطمن عليه ف العربيه يعد الخبطة الجامده دي؟
مع العلم ان مفيش اي اصوات غريبه ولا بتعوم عالسرعات العاليه بعد الخبطة يعني محتاجتش ضبط زوايا
نصايح زوي الخبرة ربنا يكرمكم
:)
وحسبي الله ونعم الوكيل ف الي اتسبب ف الخراب ده :(