قررت أغير الهيد ..في حد عايز ينصح أي نصيحه لوجه الله ..؟؟؟

**Abo_Mazen** · 13-07-2015 10:34 AM

يوم ما جبت العربيه من سنتين إكتشفت إن هي فيها مشكلة جوان وش سلندر ..وأياميها مسحت الوش وغيرت الجوان ..لاحظت وقتها إن العربية تمشي كويس أسبوع مثلا وبعدين أبتدي ألاقي تعريق زيت بسييييييييييط قوي في الريدايتر ..بس التعريق ده مع الوقت ومع الإستخدام يعني مثلا بعد عشر شهور يبدأ يبقى كلاكيع طحينه ..قمت مغير الجوان تاني ..وحصل نفس الموضوع ..بنفس الترتيب ..تعريق زيت بسيييييييييط مع الوقت يبقى طحينه

فأنا قررت بإذن الله إني أغير وش السلندر بواحد إستيراد ..الميكانيكي قالي هات الوش فاضي وهناخد الحاجه بتاعتك اللي في الوش القديم وننقلها في الوش الجديد

السؤال بقى ..

في حد عايز ينصح أي نصيحه لوجه الله ..؟؟؟

يعني حاجات آخد بالي منها وهو الشغل بيتعمل ؟؟...

**tasaka** · 13-07-2015 12:15 PM

بالتوفيق مقدما

و للاسف معلوماتى بسيطه جدا عن الموضوع ده

ارجو ان احد الاعضاء يفيدك بالمطلوب

**Fawzy.Abdelnour** · 13-07-2015 02:48 PM

سؤال الاول لو سمحت.
جبت الجوان اصلي ولا من السوق؟

**Abo_Mazen** · 13-07-2015 02:52 PM

المشاركة الأصلية كتبت بواسطة mankindforce

سؤال الاول لو سمحت.
جبت الجوان اصلي ولا من السوق؟

الجوان جبته من السوق ..هو اللي باعه بيقول إنه أصلي ..بس أنا أعرف واحد معاه نفس عربيتي ..وشاري الجوان من نفس الراجل ..وعامل الشغل اللي إتعمل عندي عند نفس الميكانيكي ..وما بيحصلش معاه كده ..

أنا برجح إن الوش لما إتمسح في الأول خالص ..وده كان عن طريق ميكانيكي تاني ..الله يسامحه بقى على اللي عمله ..ممكن يكون إتمسح منه كتير شويه ..عشان كده الوش عندي بياكل جوانات

**Fawzy.Abdelnour** · 13-07-2015 02:57 PM

الوش لما يتمسح بتركبله 2 جوان عشان تعوض اللي الاكل منه.
لما تغير الوش هات جوان اصلي من التوكيل عشان تضمنه.
اعتقد ان الجوان الاصلي بيكون الومنيوم .
كان كده في كورولا معايا، بس ماشفتش بتاع اللانسر.

**Abo_Mazen** · 13-07-2015 03:09 PM

المشاركة الأصلية كتبت بواسطة mankindforce

الوش لما يتمسح بتركبله 2 جوان عشان تعوض اللي الاكل منه.
لما تغير الوش هات جوان اصلي من التوكيل عشان تضمنه.
اعتقد ان الجوان الاصلي بيكون الومنيوم .
كان كده في كورولا معايا، بس ماشفتش بتاع اللانسر.

موضوع الجوانين ده الكل أجمع على إنه بيسبب زيادة في إستهلاك البنزين بالإضافة لضياع العزم ..

دخلت على منتديات أجنبيه وعربيه وسألت ناس وصنايعيه ..كلهم أجمعوا إن موضوع جوانين ده ما هو إلا ..هروب من الحقيقة ..إن الوش إتمسح منه أكتر من المطلوب ولازم يتغير

أنا الجوان الأصلي عندي ألمونيوم فعلا ..وعليه طبقة زي البلاك كده خفيفة قوي..تحس بمرونتها لما تغطس ضوفرك فيها ..شفته في التوكيل وشفته في كذا حته ..واللي جايبه المره دي جاي مع طقم جوانات مكنه كامل ..مكتوب عليه ليتال ..ودي شركة قطع غيار هنديه مشهوره في تصنيع قطع غيار العربيه دي ..أصل العربية سوزوكي التو هندي ..

شكرا لإهتمام حضرتك ..بس كنت عايز أعرف في حاجات معينة أركز فيها والروديه بتتعمل مثلا أو أي حاجه تاني

**Fawzy.Abdelnour** · 13-07-2015 03:12 PM

الوش لما يتمسح بتركبله 2 جوان عشان تعوض اللي الاكل منه.
لما تغير الوش هات جوان اصلي من التوكيل عشان تضمنه.
اعتقد ان الجوان الاصلي بيكون الومنيوم .
كان كده في كورولا معايا، بس ماشفتش بتاع اللانسر.

**Fawzy.Abdelnour** · 13-07-2015 03:16 PM

مش فاهم معلش ايه الروديه

**Abo_Mazen** · 13-07-2015 03:20 PM

المشاركة الأصلية كتبت بواسطة mankindforce

مش فاهم معلش ايه الروديه

ياباشا حضرتك مشاركتك متكرره وأنا رديت عليها فوق ..

الروديه دي بتبقى عملية تطبيع الصباب مع الهيد ...

**Fawzy.Abdelnour** · 13-07-2015 03:25 PM

اسف علي التكرار.
دي اللي يفيدك فيها الخراط اللي هيركب، و شوف خراط كويس عشان مايخربش الدنيا زيي اللي خرب الوش.
و لو الوش كويس سيبك زي ما هو، مش لازم تركب حاجتك.

الموضوع: قررت أغير الهيد ..في حد عايز ينصح أي نصيحه لوجه الله ..؟؟؟

LinkBack

أدوات الموضوع

عرض

قررت أغير الهيد ..في حد عايز ينصح أي نصيحه لوجه الله ..؟؟؟ - انشر الموضوع فى :

-

-

-

المواضيع المتشابهه

عايز نصيحه لوجه الله

نصيحه لوجه الله

نصيحه لوجه الله

نصيحه لوجه الله

نصيحه للى عاوز يشغل عربيته بالريوت(نصيحه لوجه الله)

الكلمات الدلالية لهذا الموضوع

المفضلات

المفضلات

ضوابط المشاركة