-
ترشيح زيت على الموتور
السلام عليكم
كل عام وانتم بخير يا اعضاء اجمل منتدى
في حاجة محيراني من ساعة ما جبت العربية ولقيت ترشيح زيت على الموتور مع العلم اني كل يوم بقيس الزيت وبلاقي الزيت مش بينقص
روحت غيرت جوان التكيهات وبرده استمر ترشيح الزيت
ولاحظت بعدها ان غطاء التكيهات الفيبر نفسة مشرخ من عند المسامير فغيرت الغطاء والمكانيكي غير الجوان تاني وحط على الجوان. حاجه زي السيليكون لونها رمادي وبعد فترة رجع الترشيح تاني ولما روحت للميكانيكي قالي ده تعريق عادي عشان الغطاء جديد وعايز يتقرط على المسامير
بس انا مش مقتنع لانه حتى بعد ما قرط على المسامير لسه في ترشيح زيت وبرده مقاس الزيت مظبوط الحمد لله مش بيقل
هيا دي اول عربية ليا ف انا مش عارف هل ده طبيعي؟ وكل الناس بيبقى عندها زيت راشح على المكنة كده؟
ولا ايه ممكن يكون السبب؟
-
ايه يا جماعة 66 مشاهدة ومفيش يعرف السبب ممكن يكون من ايه؟
-
وأنت طيب وبألف صحه وخير وسلامه.
لو تعريق خفيف بخر زيت يعني ده بيبقي طبيعي لاكن لو زايد يبقى مش طبيعي بيغير الجوان ويربط المسامير علي طريقة اكس يعني السمسار الاول ثم المسمار المقابل ليه في الاخر من الناحيه الاخري x وبعدين يقرط واحد واحد تاني بنفس الطريقه وبعدين دور العربيه الموتور يسخن شويه يرجع يقرط عليهم تاني وبس خلاص .
-
بص هو مفيش غير الجوان والغطاء بتاع التكيهات
كان عندى رشح غيرت الجوان وبعدين رجع الرشح تانى
روحت للميكانيكى قالى الجوان غيرته تانى وكان ناشف
بعد كدة كله بقى تمام
مش كل الجوانات ومش كل التركييب
تحياتى
-
شكرا لكم جميعا
طمنتوني الحمد لله لاني كنت قريت انه ممكن يكون وش سلندر وحاجات غريبة كده
ربنا يستر
-
بص ياعم أيمن
الموضوع ده كان حاصل معايا لحد مجننى وغيرت جوان غطا التاكيهات أربع مرات عند أكثر من صنايعى ولافائدة ولكن جاء الحل على يد أحد أصدقائى الله يكرمه والحل هو ( اشترينا جوان غطا تاكيهات أصلى GM إحفظ معايا أصلى GM بعدين فكينا غطا التاكيهات ونظفناه كويس بقطعة صنفرة ناعمة على خفيف بحيث نزيل أى بقايا لعك الصنايعية من السيليكون والجملاكة ونظفنا مكان تبييت الجوان بالغطاء بالجاز أو البنزين كويس بعد كده وضعنا الجوان في مكانه وبدأنا نربط المسامير علي طريقة اكس يعني السمسار الاول ثم المسمار المقابل ليه في الاخر من الناحيه الاخري x وبعدين يقرط واحد واحد تاني بنفس الطريقه وبعدين دور العربيه الموتور يسخن شويه يرجع يقرط عليهم تاني وبس خلاص . ومن ساعتها لم ارى نقطة زيت على الموتور ولم نستخدم لا سيليكون ولاهم من بتاع الصنايعية الأفذاذ
-
الف شكر يا سامح بيه
هبقى اجرب الطريقة دي وان شاء الله تنجح
Content Relevant URLs by
vBSEO 3.6.0 PL2