مشكله ارجو حد يساعدني تخص كيا سيفيا ١٩٩٩

السلام عليكم انا معايا كيا سيفيا ١٩٩٩ مانيوال و في عندي مشكله غريبه المشكله هي اني كنت مسافر و مره واحده لاقيت العربيه قطعت و فضلت ادوس بنزين ولا كاني بدوس اصلا ورحت دايس فرامل و وقفتها و دورت تاني راحت مشيت بعدها بنص ساعه عملت تاني سالت الميكانيكي في التليفوت قالي ممكن تلاقي طرمبه في تراب ولا حاجه قلت قشطه مافيش مشاكل مشيت بعدها بيومين لاقيت عملت كده برضه وبرضه ادورها تدور و تمشي زي الفل و بعد كده بيومين تاني لاقيت لمبه التشيك نورت و حسيت كده ان صوتها بقي عالي بس مبطلتش رحت راكن علي جنب و بطلت العربيه و دورتها تاني اشتغلت زي الفل بعدها بيوم لاقيتها بطلت برضه بس من غير اللمبه ماتنور بطلت زي اول مره و ابطل العربيه وادورها تاني تشتغل زي الفل ولا حتي بتطول في التدوير مافيهاش حاجه و بعدها بيوم تاني الاقي اللمبه نورت و ممكن العربيه تبطل لاني لاحظت اني rbm بينزل لتحت النص فبتبطل فقلت اشتري فلتر بنزين و فلتر هواء لاني من زمان مغيرتهمش بالفعل اشتريتهم و رحت للميكانيكس غيرلي الزيت و فلتر الهواء و فلتر البنزين و وطبعا سالته علي اللي حصل عشان ماكنتش رحتله خالص بعد المكالمه و قالي احتمال يكون حساس الكرنك و انا عايز اعرف رايكم مع العلم ان العربيه لما بتبطل بتنخع كده نخعه بعرف منها علي طول انها بطلت و برضه لما بتنور بتنخع برضه بس اخف شويه من النخعه الاولي و ساعتها ببص علي التشيك و بالاقبها منوره حد من الشباب يعرف حل للمشكله دي و شكرا و اسف علي الاطاله