| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 31

  1. #1

    الصورة الرمزية Karim_Monir

    رقم العضوية : 32

    تاريخ التسجيل : 17Apr2007

    المشاركات : 26,316

    النوع : ذكر

    الاقامة : جسر السويس-القاهرة

    السيارة: BMW E90

    السيارة[2]: Jeep KK 2009

    دراجة بخارية: لا يوجد

    الحالة : Karim_Monir غير متواجد حالياً

    افتراضي تقرير كامل عن تست درايف شانجان cs35 - Facebook Twitter whatsapp انشر الموضوع فى :

    hasad">

    السلام عليكم ورحمة الله

    تلقيت دعوة رسمية لاختبار السيارة الصينية شانجان CS35 بالتوكيل AMT احدى شركات سعودي جروب SIG
    ورغم ان التوكيل بعتلي دعوه رسمية الا اني قررت اني قررت اكتب التقرير بطريقه مبسطه لان ناس كتير جدا سالتني عن العربية
    وادائها على الطريق

    مكان الاختبار ابو رواش وطريق القاهرة الاسكنرية
    السيارة المختبرة عداد 9 الاف كم
    مسافة الاختبار 50 كم طريق سريع وبطئ وغير ممهد
    وقت الاختبار شهر يوليو 2015
    اجري الاختبار كريم منير



    في البداية خدت جولة تعريفية بخصائص السيارة اللي كنت قريت عنها كتير
    بعد الشرح الوافي من استاذ وائل كامل السينيور دايركتور للبراند و م. خالد امام مدير خدمة ما بعد البيع اللي رافقني خلال فترة الاختبار
    ركبت السيارة وخرجنا من طريق ابو رواش لطريق القاهرة اسكندرية الصحراوي للتعرف علي امكانيات السيارة
    اولا في نبذة بسيطة عن شكل وابعاد العربية :
    شكل السيارة مزيج بين ال SUV والسيدان
    لاني محستهاش سيارة متعددة الاستخدمات خالصة ولا سيارة مدينة خالصة وهاقول السبب لاحقا
    ارتفاع العربية عن الارض ممتاز و وضعية القيادة اكثر من رائعة شايف الطريق قدامي كويس مع تصميم جيد للزجاج الامامي وزاوية رؤية مناسبة جدا تكشف الطريق بالكامل امام السائق
    وبحكم ارتفع كرسي القيادة نسبيا وتصميم التابلوه البسيط والعصري في نفس الوقت بيسهل للسائق الوصول لكافة المعلومات اثناء القيادة بشكل سلس وسريع
    مع بداية الانطلاق بالسيارة اول ملحوظة ليا ان فتيس السياره نقلاته ناعمة وده مش متعود عليه صراحة في السيارات الصينية
    لكن طبعا افتكرت ان الفتيس من ايسين ياباني بالكامل وده مدي نعومة فعلا للنقلات
    زودت التسارع شوية وتعمدت اطفي التكييف عشان احس بصوت الموتور والنقلات مع ارتفاع بسيط في صوت الموتور وشويه والسحب ورجع بقي طبيعي تاني
    لكن هارجع واقول ده شئ عادي ومتوقع وحولت الفتيس لنظام القيادة الاستيب ترونيك للمزيد من التحكم وقرصت فعلا علي السيارة اكتر والاستجابة حلوة وسريعة
    شغلت التكييف عشان ازود الحمل علي السيارة فعلا التسارع حلو ولكن لغاية 140 فقط ومن 140 ل 160 استغرقت وقت شوية وبعد ال 160 التسارع فعلا ضعيف
    نفس الملحوظة كانت علي سيارة مشهورة من نفس الفئة عملتلها تست درايف قريب والتسارع مشابه بعد 160 كم

    نرجع لل CS35 علي السرعات بدات اخد غرز بين السيارات واشوف مدي قابلية السيارة للمناورة
    وهنا نرجع للنقطه اللي سيبتها فوق ان العربية بين السيارت السيدان ومتعددة الاغراض لان السيارة كانت فعلا اثبت من سيارات زيها في نفس الفئة
    والانطباع العام بعدم وجود كتلة السيارة بالاعلي او بطريقة عامية متحسش في الملفات ان العربية بتميل وكانها هاتتقلب علي جنبها بسبب ارتفاع السقف لان في ال CS35 السقف منخفض شوية وده مزود ثبات العربية في الملفات وهنا ظهرت الخبرة الايطالية في تصميم جسم السيارة بالكامل
    لكن فيها ثبات في المناورة رغم انها غير مخصصة لذلك وده اللي اتعمدت اني اتاكد منه لما رجعنا ابو رواش ودخلت بيها في منطقة غير ممهدة مع ملفات ودورانات سريعة للعربية والعربية مكلبشة في الارض فعلا وباين ده من الصور ان مفيش عجلات مالت او ارتفعت عن الارض
    الباور الكهربا مخلي سواقة العربية خفيفة وممتاز ومتحسش بمجهود
    العربيه محل الاختبار كانت واقفه في الشمس لفترة محترمة ولما خرجنا للاختبار الساعه 2 ظهرا تقريبا وشغلنا التكييف بدء الاحساس بالتبريد بعد دقيقة تقريبا وده نفس الوقت اللي ببستغرقه تكييف عربيتي ال BMW 2007 تقريبا والاتنين كانو في نفس المكان ونفس الوقت لكن بعد دقايق بدء التبريد يزيد ومحستش بحمل علي السيارة
    العجلات ال 17 بوصة مع عرض مداس 215 مم وفرت للعربية اتزان كويس جدا علي الطريق مع انظمة تعليق ماكفرسون
    ارتفاع السيارة من الارض لباطن السيارة (الخلوص) 18 سم وده ممتاز لشوارعنا اللي مليانة مطبات
    العربية فيها ABS +EBD من شركة بوش
    الموتور بتاعها من شانجان نفسها وهي من اكبر شركات تصنيع المواتير في الصين بيخرج 125 حصان علي عدد لفات موتور 6000/د وبيطلع عزم 160 نيوتن على من 4 الى 5 الاف لفة
    الموتور ايضا 1.6 ليتر DVVT بتقنية البلو كور ومزود ب 2 كامه علي 16 صباب
    شاشة البيانات 3.5 بوصه في التابلوه فيها كل اللي انت محتاج تعرفه عن العربية ده غير شاشة المالتي ميديا 5.5 اللي فيها كل اللي انت عايزه غير مفتاح بريموت عند بعد و حمايه من السرقه بال Immobilizer
    من راديو ومشغل ام بي ثري و جي بي اس ونظام صوتي Hi Fi ب 6 سماعات
    فرش العربية الجلد بالخياطة الحمراء بيحققلها اعلى قدر من العملية والشياكة في نفس الوقت
    والشنطة الخلفية بمساحة 348 لتر لكن لو قفلت المقاعد الخلفية توصل ل 1058 لتر
    طول العربية 4160 والعرض 1810 والارتفاع 1670 مع قاعدة عجلات 2560 وسعة خزان الوقود 52 لتر مع معدل استهلاك وقود 7.2 لتر لكل 100 كم مع وزن السياره فارغ 1270 كجم
    قاعدة عجلات بالحجم ده قدرت توفر مساحة محترمة للمقاعد والارجل داخل العربية بحيث ان الركاب في المقاعد الخلفية ميكونش عليهم اي احساس بالضيق
    العربيه فيها كمية كماليات كتير غير فتحة السقف اللي مش متوفرة في سيارات كتير في نفس الفئة
    شايف العربية صفقة ممتازة جاية مع سعر ممتاز غير مبالغ فيه بالنسبة لكمية التجهيزات بتاعتها وضمان محترم جدا من وكيل ليه اسمه وسمعته في السوق المصري من سنين طويلة
    اخيرا التوكيل منزل مجموعة من التجهيزات المختلفة للعربية عملية جدا وبسعر منافس وبتخلي شكل العربية اجمل كتير هاتلاقوا صورها في اخر التقرير
    العربية سعرها 135 الف جنيه مع ضمان خمس سنوات او 100 الف كم وتوفر كبير لمعظم قطع الغيار
    العيوب اللي شايفها من وجهه نظري
    *صوت الموتور عالي شويه بس ممكن يكون بسبب ان سير التقسيمة علي جنزير معدني وليس سير مطاطي واعتقد ده مناسب اكتر للدول الحارة زي مصر
    *الشنطة مش كبيرة بالنسبة لاسرة كبيرة لكن الوكيل وفر روف راك بسعر ممتاز
    *البروفايل ال 50 بالنسبه لمقاس العجلات قليل شوية هو مزود الثبات في العربية لكن هايكون علي حساب الراحة في المطبات لكن زود العربية بطابع رياضي وشكل اجمل
    *شاشة البيانات في تابلوه السيارة بلون ازرق ومع ضوء الشمس مبتكونش واضحه كويس

    كده وصلنا لنهاية التقرير وفي انتظار ايميل من مدير التوكيل باسعار قطع الغيار الدورية واسعار الصيانات الدورية ليتم ارفاقه بالتقرير ليكون شامل
    واسيبكم مع شويه صور للسيارة قبل الاختبار واثنائه




























































    اخيرا حاولت خلال التقرير اكون بسيط وغير اكاديمي عشان يوصل لكل المستويات بسهولة فانا اولا واخير مش صحفي سيارات محترف لكن عاشق للسيارت
    خالص تحياتي
    كريم منير


    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  2. #2

    الصورة الرمزية hugan

    رقم العضوية : 25254

    تاريخ التسجيل : 15Nov2008

    المشاركات : 11,512

    النوع : ذكر

    الاقامة : القا هره

    السيارة: شاهين 1400 /97

    السيارة[2]: 516.2008 تيجو2013

    دراجة بخارية: دايون 150

    الحالة : hugan غير متواجد حالياً

    افتراضي -

    تقرير ممتاز
    مفيش حد اعرفه اشتري العربيه
    اﻻ وشكر فيها جدا وفي جوده الخامات
    العربيه بتبيع معقول بدون دعايه
    ودا يعتبر ميزه

    ياتقول كلام في محله يا تقول حلو ياحلو
    http:///photos/a.879931698703941.107...370587/?type=1


  3. #3

    الصورة الرمزية YahiaAshraf

    رقم العضوية : 94693

    تاريخ التسجيل : 14Apr2011

    المشاركات : 1,834

    النوع : ذكر

    الاقامة : Alexandria

    السيارة: لا يوجد

    السيارة[2]: Brilliance V5

    دراجة بخارية: لا يوجد

    الحالة : YahiaAshraf غير متواجد حالياً

    افتراضي -

    تقرير ممتاز يا كريم ........... احسن عربيتين صينى حاليا فى السوق هى وعربيتى البريليانس v5


  4. #4

    الصورة الرمزية Bassem Youssef

    رقم العضوية : 147527

    تاريخ التسجيل : 20Aug2013

    المشاركات : 2,008

    النوع : ذكر

    الاقامة : Hurghada

    السيارة: None

    السيارة[2]: Scoda Fantasia 2010 (Sold

    دراجة بخارية: None

    الحالة : Bassem Youssef غير متواجد حالياً

    افتراضي -

    ازاي 1600 سي سي علي عربيه بالحجم ده ؟؟؟

    اعتقد ان التسارع هيبقي سئ و شئ طبيعي انها بعد ال 160 مش بتسحب كويس


  5. #5

    الصورة الرمزية ayman66

    رقم العضوية : 49923

    تاريخ التسجيل : 15Oct2009

    المشاركات : 96

    النوع : ذكر

    الاقامة : بورسعيد- مصر

    السيارة: حاليا جاك( b15 (Scorpio

    السيارة[2]: الفا روميو - ثم نوبيرا-ثم جاك B15

    دراجة بخارية: لايوجد

    الحالة : ayman66 غير متواجد حالياً

    افتراضي -

    وهو فى حد بيشرح فى مجتمع محب للسيارات من مختلف الثقافات بشكل اكاديمى ياراجل ,عموماً مجهود رائع وابقى تابع حضرتك حسن كتبى على اليوتيوب وأكيد انت عارفه الراجل ثقافة عالية وطبعاً مجنون سيارات وقادر بشرح بشكل اكاديمى لكنه بيقدم السهل الممتنع يعنى بعلم من غير مايقول انا بعلم ,,عموماً الف شكر يافندم على التقديم الرائع



    جاك العقرب


  6. #6

    الصورة الرمزية banzai

    رقم العضوية : 150353

    تاريخ التسجيل : 21Oct2013

    المشاركات : 548

    النوع : ذكر

    الاقامة : egypt

    السيارة: bugattk

    السيارة[2]: bugatti

    الحالة : banzai غير متواجد حالياً

    افتراضي -

    اكيورا بالشقلوب


    تقرير جميل , فعلا ابتديت اشوفها اللى شدنى شكل الماركه علشان الاكيورا بس مكنتش اعرف النوع
    وزن العربيه كام ؟

    فَاتَّبَعُوا أَمْرَ فِرْعَوْنَ ۖ وَمَا أَمْرُ فِرْعَوْنَ بِرَشِيدٍ يَقْدُمُ قَوْمَهُ يَوْمَ الْقِيَامَةِ فَأَوْرَدَهُمُ النَّارَ ۖ وَبِئْسَ الْوِرْدُ الْمَوْرُودُ


  7. #7

    الصورة الرمزية MaZaGAngeE

    رقم العضوية : 19004

    تاريخ التسجيل : 14Sep2008

    المشاركات : 5,735

    النوع : ذكر

    الاقامة : El-menya

    السيارة: Lancer 1993 & VW 1964

    السيارة[2]: نيسان صني فيس لفت

    دراجة بخارية: هانكو 150

    الحالة : MaZaGAngeE غير متواجد حالياً

    افتراضي -

    تقرير جميل و بسيط…
    بس ب 135 هفكر كتير في سوزوكي ارتيجا

    [mshosh2]http://www.4shared.com/photo/lCkSz74F/morsee.html[/mshosh2]


  8. #8

    الصورة الرمزية unl0veable

    رقم العضوية : 89096

    تاريخ التسجيل : 21Feb2011

    المشاركات : 588

    النوع : ذكر

    الاقامة : الاسكندرية

    السيارة: استرا كوزمو 2012 + IX35 2015

    السيارة[2]: سيات 133 + ماتريكس 2008

    دراجة بخارية: SYM150, 200, 300 & 400 - CB600F- 919- F4i - Shadow 400 & 750 - Magna - R1

    الحالة : unl0veable غير متواجد حالياً

    افتراضي -

    اقتباس المشاركة الأصلية كتبت بواسطة MaZaGAngeE مشاهدة المشاركة
    تقرير جميل و بسيط…
    بس ب 135 هفكر كتير في سوزوكي ارتيجا

    مايصدر [OVERLINE]عني [/OVERLINE]هو مجرد راي [OVERLINE]الشخصي البحت [/OVERLINE]وقد [OVERLINE]اختلف [/OVERLINE]او [OVERLINE]اتفق [/OVERLINE]مع الاخرين فى الفكرة ولكني علي استعداد [OVERLINE]لتعلم شئ جديد[/OVERLINE].


  9. #9

    الصورة الرمزية kar!m

    رقم العضوية : 7018

    تاريخ التسجيل : 06Mar2008

    المشاركات : 6,388

    النوع : ذكر

    الاقامة : Cairo

    السيارة: Mercedes C200

    السيارة[2]: Golf MKII

    دراجة بخارية: Honda CBR 400 FireBlade

    الحالة : kar!m غير متواجد حالياً

    افتراضي -

    تقرير ممتاز .. شكرا على نقل التجرية

    القران الكريم بجودة صوت عاليه جدا
    http://www.nilemotors.net/Nile/230790-a.html


  10. #10

    الصورة الرمزية hugan

    رقم العضوية : 25254

    تاريخ التسجيل : 15Nov2008

    المشاركات : 11,512

    النوع : ذكر

    الاقامة : القا هره

    السيارة: شاهين 1400 /97

    السيارة[2]: 516.2008 تيجو2013

    دراجة بخارية: دايون 150

    الحالة : hugan غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة mazagangee مشاهدة المشاركة
    تقرير جميل و بسيط…
    بس ب 135 هفكر كتير في سوزوكي ارتيجا
    اﻻرتيجا حتي اﻻن فاشله نهائي في المبيعات
    السياز اللي عام
    اظن شانجان افضل واجود واقوي

    ياتقول كلام في محله يا تقول حلو ياحلو
    http:///photos/a.879931698703941.107...370587/?type=1



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. شانجان cs35 ....... حد يلحقني و له جزيل الشكر
    بواسطة Sherif_Hashem في المنتدى شانجان
    مشاركات: 18
    آخر مشاركة: 29-05-2016, 06:23 AM
  2. مشاركات: 68
    آخر مشاركة: 26-02-2016, 02:13 PM
  3. شانجان cs35 2015 الجديدة
    بواسطة Mody Carpenter في المنتدى شانجان
    مشاركات: 14
    آخر مشاركة: 14-12-2014, 01:34 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2