كلها أيام واستلم وزتي الغاليه بأذن الله

**baher** · 29-07-2007 02:43 AM

الأخوه الأفاضل في هذا المنتدى تحيه طيبه لكم جميعا طبعا أنا بقالي فتره بعيد عن المنتدى والسبب اللي بشوفه بيحصل على هذا المنتدى اللي كان حلم جميل واتولد على ايدينا وبدأ يكبر ويكبر ويقوى وفجاءه اتملىء بالصراعات والمشاكل موش عارف ليه ؟ اللي موش عاجبه الاسبيرانزا مايشتريهاش ياجماعه وميركبهاش واللي عجباه يشتريها كل واحد يقؤل رأيه من غير مايجرح او يسخر من الاخرين صعبه دي ولا أيه؟
المهم أنا من الناس اللي عجباهم الاسبيرانزا وده رأي وصدقوني انا موصلتش للقرار ده الا بعد لف ودوران وتفحيص وتمحيص واللي مقتنع بيه بجد ان الاسبيرانزا دي عربيه تركبها وتبيعها تكسب فيها كمان أنا بس بطلب من كل الأخوه الأفاضل يقؤلوا لي ابص فيها على ايه ؟ وأدقق على ايه ؟واخلي بالي من ايه؟ ولما اجيبها انشاء الله هبقى اكتب لكم رأيي النهائي وحكمي الاخير وربنا يعمل اللي فيه الخير وتحياتي للجميع اللي بجد وحشوني ونداء اخير ياجماعه ارجوكم نحسن موقعنا ده ونطوره فموقع واحد قوي ونشيط غير من الف موقع كل موقع مفهوش غير مؤسيسيه

**Dr Ahmed** · 29-07-2007 02:51 AM

المشاركة الأصلية كتبت بواسطة baher

المهم أنا من الناس اللي عجباهم الاسبيرانزا وده رأي وصدقوني انا موصلتش للقرار ده الا بعد لف ودوران وتفحيص وتمحيص واللي مقتنع بيه بجد ان الاسبيرانزا دي عربيه تركبها وتبيعها تكسب فيها كمان

أنا بس بطلب من كل الأخوه الأفاضل يقؤلوا لي ابص فيها على ايه ؟ وأدقق على ايه ؟واخلي بالي من ايه؟

أنا مش فاهم بس ازاى حضرتك لفيت وسألت ورغم ذلك لسه حضرتك ماعرفتش تبص على ايه فى العربية .. مع احترامى لإختيارك.

**baher** · 29-07-2007 03:03 AM

baher كتب:

المهم أنا من الناس اللي عجباهم الاسبيرانزا وده رأي وصدقوني انا موصلتش للقرار ده الا بعد لف ودوران وتفحيص وتمحيص واللي مقتنع بيه بجد ان الاسبيرانزا دي عربيه تركبها وتبيعها تكسب فيها كمان

أنا بس بطلب من كل الأخوه الأفاضل يقؤلوا لي ابص فيها على ايه ؟ وأدقق على ايه ؟واخلي بالي من ايه؟

أنا مش فاهم بس ازاى حضرتك لفيت وسألت ورغم ذلك لسه حضرتك ماعرفتش تبص على ايه فى العربية .. مع احترامى لإختيارك

انت حضرتك مفهتش قصدي انا كنت قريت قبل كده من فتره ان اي مصنع في العالم لا يستطيع انتاج اي منتجين متطابقين تماما تماما وعلى فكره انا مهندس واجزم لك ان مستحيل تطابق منتجين بنسبه ميه في الميه وطبعا النسبه بترتفع وتقل على حسب جوده المصنع يعني الاختلافات مثلا بين سيارتين مرسديدس لن تستطيع ايجادها من الرؤيه العاديه مثلا وطبعا التقفيل المصري ممكن تلاحظ الاختلافات فيه واقسم بالله اني شفت نيسان صني زيرو في المصريه الكبوت بتاعها مفارق من مكان أوسع من مكان يعني ده عيوب التقفيل المصري وانا أول مره بصراحه اشتري زيرو وعايز اعرف هل في حاجات معينه الواحد يدقق فيها عند استلام السياره الزيرو ام لا؟ يعني المستعمل طبعا بيكون التدقيق على ان الشاسيه سليم وحاله الماتور........الخ فهل في الزيرو في حاجات معينه ام لا؟ ولو في تبقى ايه ؟ واسف للأطاله

**خالدابوالنجا** · 29-07-2007 03:55 AM

اولا الف مبروك يا باهر باشا مقدما .
وربنا يجعلها مفتاح سعدك ان شاء الله .
مناغشات ومشاغبات واختلاف الاراء بالنسبه لكل شىء هو شىء وارد بل ومطلوب
لانه فى رايى يعطى للمنتدى حيويه وشىء من السخونه . ولكن ما نطالب به هو اسلوب
هذا الاختلاف الذى لا يجب ان يخرج عن احترام الزملاء والاخوه .
تحياتى لحضرتك.
السلطان

**OsKaR** · 29-07-2007 05:22 AM

CONGRATULATIONS & BE CAREFUL WITH IT

**baher** · 30-07-2007 03:00 AM

الف شكر ليكم جميعا وياريت تجاوبيني في فرق بين البيج والعسلي واخلي بالي من ايه عند الاستلام وشكرا

**محمد صبري ابراهيم** · 30-07-2007 11:52 AM

اولا أف مبروك يا أستاذ باهر

ثانيا: البيج في الاسبيرانزا هما بيطلقوا عليه ذهبي

و اللون العسلي مش موجود أصلا ، انا كنت سألت عليه مخصوص قبل ما استلم و قالولي إنه هو و اللون الأزرق الزهري مش بينتجوهم و إنهم بينتجوا ال 12 لون التانيين

**محمد المشد** · 30-07-2007 12:03 PM

الف مبروك مقدماً وفعلاً انا بأيد الاخ ابو النجا فيما ذهب الية من اننا نحترم بعضنا البعض والاختلاف يجب إلا يخرج عن اننا زملاء واخوة
وان شاء الله يبارك لك الله فيها