عايز افهم حاجه
بسبب اغلاق طريق العلمين
اللي مسافرمن القاهرة لمطروح هيكمل لاسكندريه و يرجع كل ده تاني لمطروح؟؟؟؟
ارجو الافادة سريعا و شكرا
عرض للطباعة
عايز افهم حاجه
بسبب اغلاق طريق العلمين
اللي مسافرمن القاهرة لمطروح هيكمل لاسكندريه و يرجع كل ده تاني لمطروح؟؟؟؟
ارجو الافادة سريعا و شكرا
عموما ده المسار القديم اللي كان مسافري مطروح بيتبعوه قبل طريق العلمين ده ما يتعمل ..إنك توصل للكيلو واحد وعشرين في إسكندرية وبعدين تقوم طالع واخد طريق الساحل الشمالي ..لكن عموما مش لازم توصل الكيلو واحد وعشرين ..ممكن حضرتك قبل ما تحصل الكيلو واحد وعشرين بمسافة تدخل من عند الكافوري ..من على الطريق الصحراوي برضه ..عند محطة الكافوري هتلاقي مكدونالدز وبنزينة موبيل On the run ...وتدخل كأنك رايح البرج ..وعند أول صينية تلاقيها هتاخد شمال ..يبقى كده حضرتك طالع على مراقيا ...لما توصل مراقيا يبقى إنت كده على طريق إسكندرية مطروح ..خلي بالك أنا كده يعتبر هربتك من زحمة ميدان الكيلو واحد وعشرين وقرفه
في سر غير معروف في غلق طريق العلمين في عز الموسم
انا من القاهره بردو ومسافر مطروح .شوفت على جوجل ماب ان فيه طريق تانى اسمه محور التعمير دخلته بعد دخلة طريق برج العرب وهو موازى لطريق برج العرب . هل الطريق ده امان ؟
يا باشا وإنت إيه يوصلك لمحور التعمير ده أصلا ..حضرتك عشان توصل لمحور التعمير ده هتضطر تاخد أول يوترن من عند مفارق العجمي وبعدين تمشي لغاية ما تلاقي كوبري قاطع الطريق تقوم راكب الكوبري ..وهتمشي ناحية برج العرب ..وبعدين في آخره هتقوم واخد شمال ..طيب ما تدخل من عند الكافوري أسهلك ..أنا بدخلة الكافوري دي وفرت عليك 2 يوترن ..هما الطريقين بتوع الكافوري وبتوع المحور موازين لبعض ..وفي الآخر هتخلصهم وتطلع منهم على مراقيا عشان تكمل مطروح
ممكن لو حضرتك تتكرم وتوريني خريطة فيها الدخلة بتاعت الكافوري دي علشان انا مسافر من القاهرة لمطروح الاسبوع الجاي ومش عارف سكة لمطروح غير طريق العلمين ده ((اللي هو مغلق حاليا ))
يعني لو علي جوجل خرائط كده ترسمها لينا يبقي كتر الف خيرك والله ... لاني دايخ بسبب الموضوع ده
اول علي الاقل تقولنا الدخلة بالتفصيل الممل ... يعني عند الكليو كام وايه المعالم اللي علي الطريق نسترشد بيها علشان انا هاخد كلام برنت اسكرين وامشي عليه ان شاء الله
فياريت تقولي بالتفصيل طريق الكافوري دي بالله عليك
هكون شاكر ليك جدا والله
بص يا كبير. ...حضرتك أول ما تعدي البوابه بتاعة اسكندريه..اللي هي الكارته يعني..هتفضل ماشي...هتلاقي نفسك دخلت على العامريه..هتقوم طالع على الكوبري كل ده وانت في طريقك عادي جدا يعني لا دخلت يمين ولا دخلت شمال. ..أول ما تنزل من على الكوبري. .إبدأ إسأل على الكافوري ..إسأل أي حد..الحته دي عمرانه على فكره..و هتلاقيها فيها ناس عادي .هتلاقي راجعه من شغلها وتلاقي فلاحين وهتلاقي تكاتك بتركب ناس..الكافوري بقى هيبقى الناحيه التانيه من الطريق ...يبقى كده هتضطر تاخد أول يوتيرن وترجع تاني وعموما الكافوري ده هتلاقي على ناصيته محطة بنزين موبيل on the run وهتلاقي ماكدونالدز..هتقوم داخل من جنبهم وماشي علطول هتلاقي اكاديمية الكينج على شمالك والمنطقه الحره على يمينك ..لغاية ما تلاقي صينية..تقوم دداخل يمين وتفضل ماشي هتلاقي مراقيه في اخر الطريق ده. ..انت كده بقيت على طريق مطروح
ولو حسيت انك تهت اتصل بيا وانا معاك على التليفون هقولك تعمل ايه
٠١٢٧٠٩٩٧٥٨٤
ربنا يخليك وشكرا علي سرعة الرد --- بس مش هو ده طريق برج العرب ولا ده طريق تاني ؟؟
https://www.google.com.eg/maps/place...1bb33dff?hl=ar
تمام يبقي احنا كده ماشين مع بعض صح ----
يبقي هاخد طريق برج العرب وبعد كده المفروض علي الخريطة كده لو انا بتكلم صح هدخل الدخلة يمين اللي بعد قرية شاكوكش اللي هتاخدني علي طريق الساحل مطروح علي طول مش كده ؟
يشرفني انك تضفني علي الفيس علشان اعرف اتاكد من حضرتك اكتر ياباشا
https://www.facebook.com/ahmed.abdeltawab.96343
الموضوع ده اجابه لسؤال لى وجه صدفه اجابه عليه اشكركم بس حاجه صغيره هى دخلة برج العرب من الكافورى مش فى شرطه عسكريه على قمه الدخله بردو ولا انا غلطان
أخر تحديث للطريق للي عايز يروح الساحل عن طريق برج العرب او الكافوري :
بعد لما تنزل من كوبري العامرية الي بعد بوابات الإسكندرية بكام كيلو تمسك يمين الطريق (امسك اليمين مباشرة) هتلاقي كوبري جديد ينزلك مباشرة على طريق الكافوري وتاخد الطريق ده لحد اول صينية وتخش يمين وتفضل مكمل طوالي لحد متلاقي طريق الساحل الشمالي في وشك "امام قرية سيدي كرير" هتعمل يو تيرن وتكمل طريق الساحل في إتجاه مطروح.. وتوصلوا بالسلامة وتستمتعوا بالسفر في طاعة الله
الكوبري بالفعل أشتغل والكوبري الي بعديه بتاع العجمي برضه أشتغل وده بإذن الله هيقلل الحوادث الي بتحصل عند 2 اليو تيرن وييسر حركة السير... المشكلة ان كالعادة اللوحات الإرشادية مش واضحة خالص والكوبري مطلعه في أقصى اليمين بدون اي لوحة إرشادية غير عند مطلعه!! ربنا يسلمكم جميعا