الموضوع: نقل ملكية سيارة لم ترخص .. هل الترخيص اولا ضروري ؟

المشاركة الأصلية كتبت بواسطة abo_mazen

هو المهم الفاتورة هتطلع بإسم مين ..ممكن يبيع والفاتوره تطلع من الصاله بإسم المشتري الجديد

الشهر العقاري لازم تكون مرخص طبعا ...وبعدين خلي بالك ..الشهر العقاري هيحف مصاريف نقل ملكية مقدره على السنة ..يعني هتلاقي مصاريف نقل ملكية بتاع 2000 جنيه كده وش ..ده غير إن العربيه طبعا لازم تكون مرخصه أصلا

شكرا لتفاعلك
طب لو التوكيل بيستعبط وبيقول انه لازم العربية تطلع باسم اللي كان حاجز
عشان صاحبها يقوله مش عايزها والتوكيل يبيعها للمعارض باوفر برايس

المشاركة الأصلية كتبت بواسطة abo_mazen

كده يبقى الوكيل بيلعب ..وهيبقى مفيش حل غير إنه يرخص عشان يعرف يبيع ..لكن عموما في حل تاني

ممكن تتكتب مبايعه على ورقه عرفي بين الطرفين ..ويتعمل توكيل من المالك اللي الفاتوره طالعه بإسه واللي الوكيل مرضيش يطلع فاتوره بإسم شخص تاني ..يتعمل توكيل في الشهر العقاري بيسمح للشخص ده بإنهاء إجراءات الترخيص في المرور

هل الحل الثاني مضمون بإذن الله تعالى ؟
وياريت توضح الإجراءات بشكل تفصيلي لو عندك وقت
يعني ايه لازمة المبايعة ؟ طالما أنها على ورقة غير مسجلة
والتوكيل اللي حيتعمل حتكون ايه صيغته
وهل المرور حيستعبط هو كمان ويرفض تترخص الا باسم المالك الأول ؟
شكرا لك

المشاركة الأصلية كتبت بواسطة abo_mazen

في جميع الأحوال المرور هيرخص بالإسم اللي في الفاتوره ..عشان بس نبقى واضحين وواقعيين

متهيألي بعد السطر اللي أنا كاتبه فوق ده حضرتك إستنتجت إيه لازمتها المبايعه ..؟؟

التوكيل هيكون توكيل عام بخصوص السيارة ...يقولهم عاوز اعمل توكيل رسمي عام بخصوص السيارة دي ..وأعتقد..أنا بقول أعتقد مش متأكد .. من خلال التوكيل ده ممكن المشتري التاني يعمل توكيل بيع لنفسه

شكرا لاهتمام حضرتك
حنحاول مرة أخرى مع التوكيل