ارجو المساعده لو سمحتم احبائنا
معايا كورولا 2012 كامله الهاي لاين
وهي جايبالي 165،000
عاوز اجيب الكورولا 2016
كلمت الوكيل قالي 200،000
كده كتير ....والفرق بين العربيتين يستاهل
ولا اعمل ايه....في ناس بتقولي هات اووكتافيا بقي طالما السعر بقي كده
وهل كده سعر بيع الكورولا حلو ولا استني شويه
شكرا للجميع
انتا عندك كورولا هتجيب كورولا تانى غير و شوف رينو فلونس ولا مازدا 3
انا بصراحه مفكرتش فيهم خالص....غير ان الناس بتخوفني منهم علشان سعر بيعهم بعد كدهاقتباس:
المشاركة الأصلية كتبت بواسطة aymanef
انت قلبتلي دماغي
هبص عليهم
ربنا يوفقك للخيران شاء الله
ساعدوني في الاختيار لاهل الخبره
سعر البيع حلو وانا رأيي زي صاحبك خليك في الاوكتافيا احسن
خليك فى الاوكتافيا
اتفرج علي المازدا ٣ بس الهاي لاين واوكتافيا الفئة التانيه
وقارن بنفسك
بصراحة سعر التويوتا مبالغ فيه جداااااااااا وكمان تقفيل تركي. أمال لو ياباني كانت وصلت نصف مليون!!!!!!!
رأيي الأوكتافيا طبعا.. أداء أعلى بلا منازع ولا وجه شبه.. وشياكة وفخامة أعلى بكتير.
نصيحة متفرطش فى العربية اللى معاك
الكورولا غالية
اوكتافيا فى مشاكل فى الموتور و مع الوكيل
مازدا 3 مش منتشرة
بصراحة العربيتين احلى من بعض وربنا يوفقك لما فية الخير
نصيحة من اخ ليك معلوماتة على ادة
الاوكتافيا مش حلوة وعربية فيها مشاكل كتير وانا مشترك فى جروب الاوكتافيا والتوكيل معاملتة زبالة مع مالكى العربية
الناس لما اشترت الاوكتافيا الجديدة اشترتها على حس الفانتازيا الى كانت شبة نادرة ومعدومة العيوب والجديدة فيها عيوب وكتير
سعر الاوكتافيا الجديدة انهاردة فى التوكيل تانى فئة فى حدود 240000 ودا عن لسان ناس فى جروب الاوكتافيا كانو فى التوكيل
سيبك من الى يقولك دى تركى ووحشة والكلام دا الشركات دى عندها جودة فى شغلها لا يمكن تتنازل عنها وبالذات فى تويوتا
الفلوانس الى احد الاعضاء نصحك بيها تركى وكانت فى 2014 فى عيب ظهر فى كذا عربية منها ان العربية بتسرب زيت وتم تغير الموتور بالكامل
بالنسبة للمازدا انا ملاحظ انها منتشرة فى الشارع وعربية يابانى بس يعيبها ان الموتور والفتيس تكنولوجيا قديمة بس نادرة الاعطال يعنى موتور 105 حصان مع فتيس 4 نقلات مع كمية كماليات لات نعد ولا تحصى مع راحة فى الركوبة
اعيب عليها انها مع غبور
نصيحة بدام انت راكب تويوتا وفاهم التويوتا خليك فى التويوتا واسال ملاكها عنها لو فيها مشاكل ولا لا وشوف انت وحدد لان انت الى هتركب العربية مش حد تانى ولاننا مش كل سنة بنغير عربية فا حدد متطلباتك وحدد احيتاجاتك وروح للى انت مرتاح لية بس بما انك راكب يابانى انت عارف يعنى اية عربية اعتمادية
ومبروك مقدما باذن الله على العربية الجديدة وربنا يكفيك شرها
اقتباس:
المشاركة الأصلية كتبت بواسطة temoon
بص انا عندي نفس الحيره... كنت ناوي عالاوكتافيا بس طبعا السعر جنان ٢٤٣٠٠ للفئه التانيه والكورولا كده سعرها كتير شويه بس هنعمل ايه .......
الفلوينس في ناس كتير رشحتهالي وهي فعلا سعرها حلو علي اوبشناتها بس انا خايف منها.. لو ممكن حد ينصحنا
اسمحولي أنا أختلف معكم
التويوتا قطعة من الذهب
سيادتك جربت بنفسك ، شوف كنت شاريها بكام ، وركبتها قد إيه ، وجابت لك سعر كام
ولو حبيت تبيع هتتخطف منك
أعطال مفيش
استهلاك بنزين لا يقارن بأي سيارة أخرى
نصيحة لا تغامر
خليك فى التويوتا . الاوكتافيا الجديده بقت .... فستك .... بتتباع على حس الفانتازيا
بس أي كلام .. عاديه يعني و سعرها مغالي فيه اوى .. عامله زي القشقاي الجديده
مش موجوده في التوكيل خالص و مفيش حجز حتى .. والمعارض بتستهبل في الأسعار
... سمير ريان بقا بيبيعها الهاي لاين اللي سعرها الرسمي 235 الف وصلت 275 الف
عربيه 1200cc تتباع بالسعر ده !!!!!!
شويه نصايح تودي في داهيه
اللي بينصح باﻻوكتافيا
هي فين في الشارع مبيعاتها عامله كام
لما هي عربيه جامده قوي كده فاشلت ليه
فلوانس اصبحت بقدره قادر افضل من كوروﻻ
ﻻحول وﻻ قوه اﻻ بالله
خليك فى الكورولا اللى معاك عربيه محترمه ولو هتغير هات الكوروﻻ الجديدة
بس صدقنى هتدفع 40000 الف وهتفرح اول شهر وبعدين هتحس ان مافيش فارق يستاهل المبلغ ده
المبيعات خلال النصف الاول من ٢٠١٥:-اقتباس:
المشاركة الأصلية كتبت بواسطة hugan
الكورولا: ٤٠٠٠
الاوكتافيا: ٣٦٧٠
الاسترا: ١١٢٥
الفلوانس: ١٠٥٠
المازدا ٣: ٩٠٠
طيب ولية محدش اتكلم عن الهوندا سيفيك هى العربية ديه وحشة ولا حاجة لا قدر الله
الهوندا عربية تحفة و عمتهم كلهم بلا منازعاقتباس:
المشاركة الأصلية كتبت بواسطة ehabomar1987
بس انا ماجبتهاش و جبت الكورولا لسببين
- إعادة البيع الكورولا افضل بكتير
- شنطة السيفك صغيرة اوي و انا عايز سيارة عائلية تشيل الشنط في السفر
بس كأداء الهوندا رقم واحد بلا منازع
لو عايز تغير الكورولا ممكن تشوف البيجو الـ 508 الجديدة....160 حصان وتربو و في ناس كثير بتشغلها بـ 92...
هي بس مشكلة البيجو اعادة البيع.....بس ما دام هاتكسر حاجز الـ 200 الف يبقي هات عربية تستاهل السعر ..
الاوكتافيا موتورها 110 حصان هو نفس موتور الفانتازيا....و الاوكتافيا عامة فيها مشاكل خرافية في الفيتيس و ممكن تشوف بنفسك من جروبات الملاك هنا او علي الفيس..
كورولا سعر مبالغ جدا بتيجي من تركيا عليها خصم كبير في الجمارك و التوكيل بالعه ... خامتها الدالية متواضعة جدا بالنسبة لسيارات كتير في نفس السعراقتباس:
المشاركة الأصلية كتبت بواسطة dr_afify238
المفروض انها سيارة اقتصادية و كمان تركي و احنا اتهارينا من الجنوب افريقي يطلع لنا التركي .
اوكتافيا الى حد ما فيها شكوى برضه ... بس ملاكها يفيدوك اكتر ... و اعادة بيع مش حلوة برضه
فلوانس ... اوعى تفكر فيها اصلا ... فيها عيب في الصناعة و المكنة بتاكل الزيت و خش قسم رينو و شوف معاناه ملاكها و ازاى ناس اشترت و اكتشفت و باعت بخسارة كبيرة جدا .
مازدا 3 لازم تروح تتفرج عليها و تقعد فيها و شوف امكانياتها و كمالياتها
* ما تسمعش من حد انها حتكون ثقيلة فى اعادة البيع .... طالما عندك القدرة انك تشترى ما تفكرش فى البيع اركب و استمتع سنة و 2 و 10 و ساعة البيع يحلها ربنا مع العلم انها الوحيدة فى مصر استيراد اليابان
* اللى يقولك فتيس قديم 4 غيارات قله بالتجربة اداءه ممتاز
* اللى يقولك مكنة قديمة و ضعيفة قله بكل ثقة مكنة معمولة تمشي ببنزين 92 بدون اى مشاكل عكس الكورولا اللى بتحتاج 95 علشان تطلع كامل قوة المحرك
مكنة قديمة معروفة و مفهومة و قطع غياراها منتشرة فى كل مكان
* عفشة مالتى لينك يعنى امشي بيها على اى سرعة حتبقى قمة فى الثبات و الامان و هو ما يفتقر اليه كل ما سبق
* 6 اير باج و اعلى وساءل الامان
*استهلاك اقتصادي للوقود
اقتباس:
المشاركة الأصلية كتبت بواسطة TeMoON
بص خد كلامي من الاخر ومدورش تاني عايز كورولا الجديده تكون خليجي والاوكتافيا الجديده اعتقد بتنزل بالموتور والفتيس القديم وطبعا عربيه رائعه أما المازدا رهيبه ولا غبار عليها بس اعاده البيع صعب وبتخسر عايز ركوب واحساس بالفخامه اوكتافيا عايز اعتماديه عاليه جدا وبدايه سريعه وقطع غيار في كل حته في مصر كورولا عايز شياكه وياباني ميه في الميه مازدا بس ارشحلك كورولا الجديده 2016 خليجي فتيس 4 نقله القديم أوتو والماكنه 124 حصان هات الفل منها وريح باللك
و هو يعنى سعر الاوكتافيا التشيكى اللى مش مبالغ فيه ؟؟؟؟
اكتر حاجه عاجبانى فى الكورولا الجديده بالمقارنه بالكورولا اللى مع حضرتك هو اتساع الكنبه الخلفيه.
بالاضافه لأنظمه الامان esp اللى موجود فى كل الفئات والفتيس cvt
وربنا يوفقك للاختيار الأافضل.
طيب يا جماعة انا ادامى عربية تويوتا 2012 خليجى فئة sundered الاولى خالص ماشية 120 الف كيلو رشة باب يمين واكصدام يمين بس نظافة لأنى عاينت من ناحية الموتور الصاج نفسه تمام مفيش فيه عوج ولا حاجة تساوى كام كدة
هتعدى حاجز ال 200 الف يبقى بيجو 508 أو اوبل انسيجنيا أو فورد فيوجن . التويوتا آخر سعر ليها امبارح في المصريه للسيارات الفئه الثانيه ب 209 الف ... ولا تعليق ... أنا السنه اللي فاتت كنت ناوي عليها و كنت هخلص فيها من سمير ريان بعد الفصال على 191.5 الف دلوتي ب 209 الف !!!!!
فورد فيوجن او مازدا 3 حرام بالسعر ده تجيب كورولا لو شوفت الفورد او امازدا انتا ممكن تفجر الكورولا بعدها :breakpc2: ده كان احساسى لما قعدت جوا المازدا 3 تحفففففففففففففففففففففة ملكش دعوه بحد يقولك اعادة بيع يعنى انتا هتجيب زيرو وبتفكر فى اعادة البيع العربية استمتع بيها 5او 6 سنين وبعد كده بيع
كلام في الصميم ومن الاخراقتباس:
المشاركة الأصلية كتبت بواسطة temoon
ولصاحب الموضوع بقى تبقى راكب يابانى وتويوتا اللى هيا حتة دهب يعنى دور عربيتك وامشى واعتمادية الى اقصى الحدود تروح برجليك لمشاكل الالمانى والفرنساوى اللى مبتخلصش ولما تحب تبعها تخسر كتيييييييير
اعمل تيست درايف للمازدا 3 وشوف احساسك هيكون ايه ، لو حسيت انك عليت وركب حاجة احسن ، جبها بدون تفكير ، لو حيست انك لسه فى مكانك شوف حاجة اعلى .
اقتباس:
المشاركة الأصلية كتبت بواسطة midostarmody
متفق معاك
و لكن تتفوق مازدا 3 بانها بتنزل بمكنة مصممة لبنزين 92 بدون اى مشاكل نهاءيا على العكس مع فورد برضه بتحتاج بنزين 95
المازدا 3 ممتازه ولكن يعيبها ضيق المساحه الخلفيه ضيقه جدا والشنطه ضيقه
وشكلها الخارجى غير متناسق بالنسبه للامام والخلف
ولكنها راسيه جدا على الطريق
تصلح لاشخاص رفيعين
ياريت تقولنا عملت اية
لو عايز كورولا ... هات خليجي او استعامل كسر زيرو بسعر كويس...و خلي التوكيل يزود براحتة...
اقتباس:
المشاركة الأصلية كتبت بواسطة hero
بس على ما الناس بتتكلم
بيقولو التويتا المصرى افضل من الخليجى
علشان العفشة بتاعت المصرى افضل و احدث
ازاى الكورولا المصرى افضل وهى تقفيل تركى
اكيد الخليجى احسن تقفيل تايوان
الفروق بين الخليجي و المصري في الاوبشن و الفتيس...
التعليق الخلفي الفرق ايلي فية ان المصري المساعد برا السوستة و في الخليجي المساعد جوا السوستة...
عموما انا في رأيي مش فارقة كثير...احنا يعني مش جايبين العربيات نتسابق بيها....في الآخر الهدف انها عربية مريحة و قليلة الاعطال...
عمار يامصر
موديل 2012 وجايبه 165