مساعدة لاختيار لانسر شارك 2015 وكيل ولا خليجي و ايهما افضل

السلام عليكم ورحمه الله وبركاته

كل سنه وانتم طيبين بمناسبة عيد الفطر المبارك :)

مبدئيا انا لسه جديد في السيارات ومش خبره اوى انا معايا فيرنا مانويل 2008 فاضيه وبفكر اشتري شارك 2015 ان شاء الله وبعد مدورت علي النت وكده عرفت ان العربيه بينزل منها 4 فئات بس في مصر وكنت قررت اشتري الفئه التانيه ولما كلمت المعارض وبدأت اسئل اكتشفت ان في فئات تانيه كتير بس خليجي وفيها اوبشنز اكتر بكتير من نظيرتها الوكيل علي سبيل المثال

الفئه التانيه الوكيل اللي كنت ناوي اشتريها مفهاش سبويلر ولا فوج لايتس وازاز عادى مش فاميه والكاسيت مفهوش AUX ودي شوفت تمنها علي كونتاكت بيتراوح في حدود 142000

اما لما كلمت المعرض قالي في خليج وفئات كتير لما حددت ليه حدود 140000 قالي في ب 148000

وفيها زياده عن الوكيل

فوجات و ازاز فاميه وسبويلر و AUX في الكاسيت وغطاء للمحرك وكبوت مبطن وحاجات كده مش فاكرها اوي ولا اعرف ايه غطاء المحرك ده

وقالي هتشتريلها ضمان ياما من AAA Egypt او Middle East حسب عدد السنين اللي عايزها وقالي دول شركتين محترمين جدا في الضمان وكده

سؤالي هنا ايهما احسن وايه فرق الخليجي عن الوكيل في تصميم العربيه والتكييف وكده يعني وتنصحوني بايه لاني جديد في الموضوع ده وخايف البس لاني هجبها قسط

شكرا وأسف علي الاطاله

محمد الششتاوي

http://www.nilemotors.net/Nile/399017-2014.html

حتلاقي هنا كل اللي انت عايزه

اقتباس:

---

المشاركة الأصلية كتبت بواسطة د.هشام

http://www.nilemotors.net/Nile/399017-2014.html

حتلاقي هنا كل اللي انت عايزه

---

دكتور هشام شكرا ليك بس الموضوع ده 130 صفحه :stink[1]: ياريت لو حضرتك تقدر تساعدني لو عندك المعلومه او لو تقلي تحديد الاجابه علي سؤالي في اي صفحه من 130 اكون شاكر ليك جدا

يا راجل ايه المشكلة 130 صفحة، انا قريتهم في يومين بس
بالنسبة لسؤالك عربيات التوكيل هي هي الخليجي (مكتوب على قائم الباب في الإتنين متوافقة مع مواصفات دول الخليج/السعودية ) العربية واحد بالنسبة الأساسيات. أما بالنسبة للoptions التوكيل 4 فئات والخليجي عيش حياتك بقى 18 فئة بس

تعديل
...
...

متشكر لذوقك جدا والله انا قعدت اقرا فيهم جبتهم من الاخر لغايه ١٢٤ ������ وكنت ناوي اكمل تاني بكرة ان شاء الله ، معلش لو هتقل عليك انا مايل شويه للخليجي عشان الاوبشنز اللي فيه وانا بصراحه هموت واجبها بالاسبويلر ������ الفئه التانيه وكيل مفهاش لكن الخليجي فيها سؤالي هنا في حاجه انا مش فاهمها لو جبت العربيه خليجي ولاقدر الله فيها عيب صناعه هروح لمين ؟ دايموند موتورز ولا المعرض ولا اصلا لا ده ولا ده وايه حوار ان الخليجي من غير ضمان بشتري انا ضمان aaa egypt يعني لو عيب صناعه اروح كده ل aaa egypt معلش اعذرني علي اسئلتي بس اصل اول مره اشتري زيرو ومش فاهم الدنيا وكمان هجبها قسط فمقلق حبيتن وشكرا ليك مره تانيه ������

العفو يا باشا إسأل براحتك
انا اشتريت عربيتي خليجي بضمان aaa
بالنسبة لل aaa الصيانة بتعمل في مراكز صيانة متخصصة في المتسوبيتشي متعاقدة معاهم. يعني مثلا انا عملت صيانة ال1000 في المصرية اللي في جسر السويس

اقتباس:

---

المشاركة الأصلية كتبت بواسطة د.هشام

العفو يا باشا إسأل براحتك
انا اشتريت عربيتي خليجي بضمان aaa
بالنسبة لل aaa الصيانة بتعمل في مراكز صيانة متخصصة في المتسوبيتشي متعاقدة معاهم. يعني مثلا انا عملت صيانة ال1000 في المصرية اللي في جسر السويس

---

ربنا يباركلك فيها ويكفيك شرها ويحفظهالك من العين بس في سؤال بقي اللي مقلقني اللي قلتلك عليه لو العربيه لاقدر الله طلع مثلا فيها اي عيب صناعه او كده لو العربيه جايبها وكيل هروح ارميها في وشه واقله اتصرف اما في حاله الخليجي برده هوديها للوكيل ولا لـ aaa ولا نصيبي جه كده ولبست ؟
وصراحه الاجابه علي السؤال ده هي اللي هتخليني احدد اجبها وكيل ولا خليجي ومعلش تعبتك معايا وشكرا

اقتباس:

---

المشاركة الأصلية كتبت بواسطة mr_sheshtawy

ربنا يباركلك فيها ويكفيك شرها ويحفظهالك من العين بس في سؤال بقي اللي مقلقني اللي قلتلك عليه لو العربيه لاقدر الله طلع مثلا فيها اي عيب صناعه او كده لو العربيه جايبها وكيل هروح ارميها في وشه واقله اتصرف اما في حاله الخليجي برده هوديها للوكيل ولا لـ aaa ولا نصيبي جه كده ولبست ؟
وصراحه الاجابه علي السؤال ده هي اللي هتخليني احدد اجبها وكيل ولا خليجي ومعلش تعبتك معايا وشكرا

---

ومعلش كمان انتا جبتها من معرض ايه ؟

ضمان aaa بيتحمل عيوب الصناعة
لو فيه حاجة محتاجة تتغير، مركز الصيانة بيبعت تقرير لaaa علشان ياخد الموافقة على التغيير، كان فيه حد في المنتدى غير علبة دريكسيون تبع aaa بس عربية تانية غير لانسر وكان بشكر فيهم.
انا رأيي جمد قلبك وهات الخليجي، أنأ حتي شاري ضمان سنة واحدة مش تلاتة، وربنا اللي بيستر.

اقتباس:

---

المشاركة الأصلية كتبت بواسطة mr_sheshtawy

ومعلش كمان انتا جبتها من معرض ايه ؟

---

سمير ريان، وأنصحك تجيب منه، ناس محترمين جدا وعندهم شارك كتير، يعني حتلاقي الفئة واللون اللي انت عايزه

الرواس عنده فئه سبورت تكييفها تاتش
لسه منزلها اعلان انهارده في اهرام الجمعه

انا زيك بالظبط يا استاذ محمد عايز اجيبها ومحتار بين الخليجي والوكيل الخليجي فيها اوبشنز اكتر واللي هيا ب ١٤٨ الف دي مناسبه اوي وفي نفس الوقت خايف اجيبها ليكون فيه عيب صناعه لا قدر الله ومحتار اجيب الفئه التانيه وخلاص ب ال ١٤٨ وكيل ولا اجيب حاجه فيها اوبشنز اعلي بنفس السعر ده وخليجي

يا جماعة الخير
ممكن اعرف كفر الموتور و غطاء الكبوت عازل الصوت و الحرارة
ممكن اجيبه منين و بكام و له فوائد و لا لا

اقتباس:

---

المشاركة الأصلية كتبت بواسطة ماجد سليمان

يا جماعة الخير
ممكن اعرف كفر الموتور و غطاء الكبوت عازل الصوت و الحرارة
ممكن اجيبه منين و بكام و له فوائد و لا لا

---

طبعا بيفيد لو ركبت الاتنين صوت المونور حيتعزل بشكل كبير

فى موجود في بعض المحلات الكفر فى حدود 400 والعازل برده في حدود 400
ومسند اليد لو اصلى بيكون فى حدود 1500

https://www.facebook.com/Duty.Driver.tuning?fref=ts

http://s18.postimg.org/42ik6phd5/118...36271639_n.jpg
adult picture hosting

http://s1.postimg.org/685pkng7z/1184...58177278_n.jpg


http://s27.postimg.org/wbta9yb0j/151...61133475_n.jpg
windows screen capture

لو بيفرقوا فعلا الواحد طبعا يجيبهم وان كان صوت الموتور اتعودت عليه ومش مدايقني
عايزين حد يكون فعلا ركب العربيتين اللي بغطاء الموتور و بطانة الكابوت واللي منغير ويقولنا فيه فرق ولا ﻷ