معناها ايه يا جماعه المض الحمرا المنوره ديه انا خايف لاحسن تكون مشكله بس مش باينه دلوقتى فى العربيه عشان العدادات الديجيتال ديه عملالى مشكله مش فاهم اى حاجه فيها
ومؤشر البنزين كل شويه يزيد وينقص لواحدو
ياريت تكون ايجابات دقيقه عشان انا بخمن بردو بس انا عايز الاكيد وشكرا مقدما
(الصور مرفقه)
وكل عام وانت بخير
روح عند كهربائي عندة جهاز كشف اعطال إن شاء الله هيشيل الاعطال دي
لمبات التحذير دي خاصة بانوار لوحة ارقام العربية ومقاس مستوي الزيت واستهلاك تيل الفرامل الامامي او زر تشغيل فرامل اليد ....شوف اية المشكلة بالننسبة للمبات لوحة الارقام ممكن تكون اللمبات محروقة ....مقاس الزيت راجع مستوي الزيت لو تمام شوف فيشة حساس ارتفاع الزيت وارضي السلك وارضي الموتور .....لمبة الفرامل ممكن زر فرامل اليد اللي موجود تحت يد ذراع الفرامل معلق او مرحل من مكانة او الاسلاك مفصولة لو تكام راجع علي مستوي زيت الباكم ووصلات حساس مستوي الباكم في غطاء خزان الزيت ودة ممكن بضغط الكاوتشة اللي فوق الغطا لتحت وحد يشوف اللمبة طفت او لا ....لو ما طلعش العيب من هنا يبقي حساسات تيل الفرامل الامامي وشوف وصلين ولا لا ولو راكبين في التيل يبقي التيل اتاكل وعايز يتغيير ..عموما اعطال بسيطة ومالهاش تاثير لو شيكت علي الحاجات اللي بقلتهالك ولاقيتها تمام