الموضوع: سبب زحف السيارة مع الفرامل

المشاركة الأصلية كتبت بواسطة kaza

دي مشكلة في الالنترا MDعموما وهتتاقلم معاها بل زادت المشكلة معايا جدا لما غيرت الكاوتش الكمهو بماكسيس اسواء مليون مرة في الفرامل بس اعتقد المشكلة تتحل بنوع كاوتش اطري زي الميشلان mxv او بريدج ستون تورنزا او يوكوهاما او تويو ...الكاوتش دة افضل بكتير من الالكمهو اللي راكب وبالتالي مش هيحصل موضوع الزحلقة دة تاني .....الحادث بتاعي كان ظريف جدا اول مااشتريت العربية وكنت مسافر طنطا بالليل وانا نازل من كوبري قليوب لقيت شوية زلط ودبش من عربية زلط امامي حاولت افرمل واخد يمين العربية زحفت ولفت حولين نفسها والله من غير ما اعمل حاجة ....تلف الدريكسيون يمين او شمال ما لهاش دعوة زي ما تكون ماشية لوحدها وانت مالكش دعوي باللي بتعملة لغاية ما استجابت في الاخر وخدتت معايا شمل بعد مارفعت رجلي من الفرامل مشيت تاني وافتكرت اللي بيسوق ....بس دمي هرب ساعنها وخفت جدا ...علي الرغم من اني ما كنتش باجري 60-70 وقعدت افكر علي 100 ولا اكتر هتعمل اية

+1111111111111111

فعلا دي مشكلة الالنترا ومعظم موديلات هيونداي لاحظت فيها الموضوع دا (فيرنا - نيو اكسنت - النترا)
لكن مش كل مرة ... يعني تيجي ادام موظف التوكيل او الميكانيكي توريله الفرامل تلاقيها 100 % .. وتمشي من عنده تعمل كدا وتتزحلق وتلف كمان.
حاول تتأقلم عليها وعلي فكرة حتى الي فيها abs نفس المشكلة.

يا جماعه الزحف ده بسبب شدة قوة الفرامل + نوع الكاوتش + نوع الارض اللي ماشي عليها
بسبب الدوسة القويه علي الفرامل ال4 عجلات بيقفشوا (بيعملو لوك) و بتكون العربيه لسه ماشيه بسبب القصور الذاتي
الِABS بيفك اللوك ده من علي الكاوتش و بيخلي الفرده تدور تاني و بعدين تقفش كذا مره علشان يمنع الزحف و علشان كده اللي عندهم abs لما بيشتغل عندهم بيحيو بدبدبه و كركبه في الدواسه

انا معايا اكسنت rb نفس المشكله قابلتني من 4 سنين اول ما اشتريت العربيه في نفس المكان وانا نازل من كوبري قليوب الطريق وقف فجاه وضربت فراما جامد العربيه لفت مني نصف لفه شليت بسرعه رجلي من علي الفرامل والحمد لله ربنا سترها العيب اعتقد نوع الكاوتش + عدم وجود فرامل abs دا بسبب الزحف الحل تحاول تتاقلم مع العربيه امتي تجري بلعربيه والوقت المناسب لدوسه الفرامل مع الوقت والخبره هتتاقلم بس عموما كل الهيونداي كدا لو العربيه مفهاش abs بس ان من راي تشوف العربيه في التوكيل افضل ممكن فعلا اللي رجلش الفرامل قرص عليه في الصيانه وقصر المسافه يعني العربيه قبل صيانه 1000 كانت افضل من بعدها يبقي تروح التوكيل وشكرا

الفرامل الاماميه ملهاش رجلاش

فعلا انا بعد صيانة 1000 حسيت ان فرامل اليد قصرت المسافة اوى بمعنى ان العربية قبل الصيانة كنت بحتاج اطلع فرامل اليد 3 تكات عشان تثبت . بعد الصيانة بقيت بمجرد 1 تكة العربية بتثبت جامد جدا. فاكيد هما رجلشوا الفرامل الخلفية جامد وممكن يكون دة سبب.
شكرا جدا يا جماعة وان شاء الله فى صيانة 5000 حخليهم يرجعوا رجلشة فرامل اليد الفبريكا زى ما كانت

المشاركة الأصلية كتبت بواسطة mohamed_berlit

فعلا انا بعد صيانة 1000 حسيت ان فرامل اليد قصرت المسافة اوى بمعنى ان العربية قبل الصيانة كنت بحتاج اطلع فرامل اليد 3 تكات عشان تثبت . بعد الصيانة بقيت بمجرد 1 تكة العربية بتثبت جامد جدا. فاكيد هما رجلشوا الفرامل الخلفية جامد وممكن يكون دة سبب.
شكرا جدا يا جماعة وان شاء الله فى صيانة 5000 حخليهم يرجعوا رجلشة فرامل اليد الفبريكا زى ما كانت

علي 5000كم وفرامل كدا ,الرجلاش هيكون راح ههههه .وواضح ان الشكوي عامه في الالنترا وزيها في الصني مع تاكل الطنابير وكذا الفيرنا ,فكدا مجموعة الفرامل اصغر من المطلوب ومحتاجه جشم وطنابير اكبر.