سوال لاهل الخبرة صيانة 40 الف بيتغير فيها ايه وبتكلف كام هى العربية ماشية 50 الف بس صيانة ال 40 متعملتش
عرض للطباعة
سوال لاهل الخبرة صيانة 40 الف بيتغير فيها ايه وبتكلف كام هى العربية ماشية 50 الف بس صيانة ال 40 متعملتش
السيور بالبلى بتاعها ممكن تسيبهم لغاية 70 ألف من غير قلق, لأن التوكيل ممكن يخوفك و يقوللك غير السيور على 50
فلتر البنزين بتغيره كل 25-30 ألف كم
مياه الريدياتير بتنزلها كل 40-50 ألف كم (لازم تجيب مياه من التوكيل) أوعى تحط مية عادية تحت اى ظرف
بتغير زيت الفرامل فى القربة كل 40-50 ألف كم (بتسحب الزيت القديم و تحط زيت جديد فى القربة)
فلتر الهوا ممكن كل 20-30 ألف
اتيل الفرامل جيبه من التوكيل دايما(بيحافظلك على الطنابير و عمرك ما هاتغير طنابير أو تخرطها طول ما بتركب التيل ألأصلى)
البوجيهات كل 25-30 ألف تغيرهم
إجابة شافية وتكتمل بالاتىاقتباس:
المشاركة الأصلية كتبت بواسطة mohabelnegm
مشاركة من عضو عزيز مش فاكر اسمه بصراحة بس جاب من الاخر
بص صيانة 10000 مفيهاش حاجه تتغير غر الزيت
صيانة 20000 كان المفروض تغير فلتر الهواء والبوجيهات
صيانه 30000 مفيهاش حاجه غير الزيت
صيانه 40000 كان المفروض تغير فلتر هواء بوجيهات فلتر بنزين زيت فرامل مياه تبريد
صيانه 50000 مفيهاش حاجه تتغير غير الزيت
صيانه 60000 كان المفروض تغير فلتر هواء بوجيهات زيت فتيس طقم سيور
يعنى فاتك تغير الحاجات كام مرة فى الفترة دى
-فلتر هواء 3 مرات فلازم تفكه وترمية فى الزبالة وتركب جديد وكل مرة وانت بتغسل العربيه ف المغسلة فكة انت ونظفة بالهواء من التراب
-البوجيهات 3 مرات فلازم تفكهم وترميهم ف الزبالة وتجيب جديد
- فلتر بنزين مره واحدة فمش لازم تغيرة دلوقتى بس نصيحة متخليش التانك بتاع البنزين يقل عن الربع علشان متحملش علية فى وساخه التانك وهو اصلا مش نضيف
-زيت فرامل مرة واحدة بص التوكيل بيغيرها ب 20 جنيه بس
-مياه تبريد ممكن تنفضلها او تغيرها بره او تزودها بس وتغيرها الصيف الجاى بس طالما العربية مش بتسخن فا انت امان
-زيت فتيس التوكيل بيقول يتغير عند 60 الف يعنى اكيد ممكن يقعد 20 الف تانى مثلا
-طقم سيور التوكيل بيقول عند 60 الف فااكيد ممكن يقعد 10 او 20 الف كم تانى بس تحت الملاحظة
- تيل الفرامل بص علية علشان لازم تغيرة كفاية علية اوى كدة
- تربيط العفشة لازم وشى اساسى
- الكاوتش مش عارف لية حاسك منفضلة - فلو منفضله يبقى لازم تغيرة ضرورى
وعن تجربة شخصية لما تغير فلتر الهواء والبوجيهات وزيت المحرك هيفرق معاك ف العربية جدا
الاسعار قطع الغيار الاصلى من التوكيل
- بوجيهات 180 ج
- قلتر الهواء مش فاكر اوى بس اوائل المية 100 120 كدة
- زيت الفرامل 20 ج
- مياه التبريد 120 ج
ونصيحة منى ليك متهملش ف العربية علشان متكسفكش قريب هيا ماشاء الله لسة جديدة بس الحقها قبل ما تكسفك
شكرا جدا على ردكم جزاكم الله خيرا الرد فيه كل حاجة
احسن نوع للكاوتشات لو جبت الكومهو زي اللي قيها ده كويس ولا اجيب حاجة اعلى العربية انا لسه واخد من واحد وبظبط فيها هى كده كده محتاجة 4 كاوتشات والصيانة ديه وبطارية جديدة وكنت سالت انا سوال منفصل عربية في الحالة ديه تساوي كام
أنا عن نفسى مش بجيب غير الكومهو, ماركة معروفة و سعرها كويس و اداؤه كويس جدا و عنصر ألأمان متوفر فيه لأنه مش ماركة مجهولة و اللى مصنع العربية نفسه منزل العربية بالكومهو. مرة واحدة اشتريت تورانزا بريدجستون و ندمت لأن فرق السعر من الكومهو كبير جدا و الفرق فى ألأداء مش بالدرجة اللى تخلي الواحد يدفع رقم زى ده.