-
أبعاد اللانوس والأكسدام
السلام عليكم
معايا لانوس 99 بقالها شهر ونص
لسه متعودتش على أبعاد العربيه ، كنت بسوق قبلها ريجاتا وكل حاجه فيها كانت وضحه ( الشنطه - الكبوت ) والأكسدام كان بيستحمل الحك في الركنات
الموضوع أختلف كليا مع اللانوس، وتقريبا كل العربيات الحديثه
الطرف اليمين (الرفرف ) من العربيه فيه بومباي
الشنطة مختفيه تماما
مش عارف هبدأ أتعود إمتى على العربيه
كمان حاسس إن الإكسدام ضعيف شويه ، وأي لمسه للاكسدام بتقشر الدهان
حد عنده حل للمشكله دي؟
-
ممكن تركب باكتة على الإكصدام و دي عند ناس متخصصة في كماليات السيارات و هي بتتباع بالمتر و بتتلزق على الإكصدام و و لزيادة تثبتها ممكن تتربط بمسامير صغيرة سوداء بعد اللزق.
-
كله بوقته
انا برده كان معايا فيورا وبعد كده جيبت لانوس 99 زيك كده
حرص فى الاول كده كام اسبوع بعد كده هاتبقى تمام وتغرز بيها كمان
ومبروك عليك يا مان
الدايو رافعه راسنا
-
بقالها معايا 8شهور ولغاية دلوقتي لما باجي اركن ببقي مش عارف ابعادها رغم أني بسوق من20سنة وركبت عربيات عديدة
-
انا برضه لسة ما اتعودتش عليها وبقلها معايا سنتين عادي جدا وانا باسوق من 20 سنة ومعايا 128 غير اللانوس
-
الموضوع ده حسسني بأحباط وكأني لسه بتعلم سواقه من جديد
طيب أعمل تراك زي بتاع المرور وأجرب العربيه ولا الموضوع هييجي بالوقت؟
-
على فكره موضوع الركن من خلال المرايات الجانبية بيخدع عشان الأبعاد مش مظبوطه " مش حقيقية"
-
واحده واحده
وبعد كده انت هتعرف مقاس العربيه من غير تشوف نهايه العربيه
انا معايا نوبيرا اكبر من اللانوس وابعادها مشكله كبيره
بس مع الوقت دلوقتى ممكن اركن وانا مغمض
بس مفيش مانع من شويه خرابيش بسيطه فى الاول
-
الركنة ده بربطها بحالتى المزاجية يعنى لو سايق برحتى ومش متعصب بركن على طول اما لو مشغول بحاجة او عصبى ممكن اخد وقت فى الركنة
-
علشان كده ركبيت حساسات خلفيه علشان الخبط والرزع ونفعوا جدا
Content Relevant URLs by
vBSEO 3.6.0 PL2