ارجوكم ساعدونى فى تسعيير سياره هيونداى i10
معروضه عليا العربيه دى موديل 2010 و بسعر كويس بالنسبه ليا لان امكانياتى محدوده وانا بحب العربيه دى جدا لانها كانت معايا قبل م اتجوز و بعتها طبعا علشان الجوااااز :wink14:
اولا السياره كانت اتخبطت من ورا و القايمين الخلفيين و الشنطه باظوا و تم استعدال القوايم و تغيير الشنطه لكن في الفرق شمال الشنطه اكبر من الفرق اللى على اليمين بحوالى نص سنتيمتر
ثانيا العربيه رشه بالخارج فقط
ثالثا الموتور محتاج نص عمره بيطلع دخنه بيضاء علاطول و العربيه متلته
رابعا مغيره عفشه كامله من اربع شهور ممتازه
خامسا التكييف بتاعها تحفه
سادسا الصالون بتاعها زيرو و فابريكه
سابعا زجاج كهربا و باور و سنترلوك
ثامنا جنوط 14 سبور
الفانوسين الخلفيين مشروخين بس يمشوا و الكاوتش اللى فوق السقف اللى على اليمين مش موجود هو مالوش لازمه بس مخلى شكلها وحش
الدهان الخارجى معقول و محتاجه ظبط الاكصدامات تحس انهم مش راكبين كويس
اخيرا انا بطلب من حضراتكوا اللى يسعر ياريت يكون فاهم لان العربيه انا نويت اشتريها بس عايز اعرف تسوي كام لما احب ابيعها