انا استلمت Persona النهارده ( باقى موضوع Persona )
قولولى مبروك مبروك
الحمد لله استلمت البرسونا (لون بنفسجى) من حوالى 4 ساعات
العربية يا جماعة وهم
انا كنت راكب قبل كده بولو .. يعنى عربية مش وحشة برضو
بس البرسونا دى عربية روعة
1 - شكل التابلوه جامد جدا .. و الأهم .. مريح
2 - العربية ستابل جداَ على الأرض
3 - العفشة روعة .. مش ناشفة و مش ناعمة قوى .. حاجه كده وسط بين الألمانى و الكورى
4 - العربية كبيرة جداً .. مش واسعة قوى من جوا .. بس كويسة
5 - اهم نقطة بقى ... الموتور خفيف جداً جداً .. و سحبة ما شاء الله روعة .. بيجبرك انك لو ماشى طبيعى .. مش هتحتاق تحرق على النقل ( انا مستلم مانيوال على فكرة )
بس فيها بعض العيوب ...
1 - مفيش سنتر .. و ده انا اتأكدت منه
2 - الكاسيت مش Mp3
3 - مفيش Abs
4 - الحاجة الغريبة انو قالولى فى التوكيل ان كل الشحنة دى ما جاش معاها كتاب مانيوال و ضمان .. ده صح يا جماعة ؟
ده الى انا لاحظته لحد دلوقتى ...
طبعا انا لسه ما رخصتش .. عشان كده مش قادر امشى مشوار طويل و اوصف سرعتها .. بس اول ما ده يحصل هبعت على نفس الموضوع
عندى سؤال مهم .. هى العربية دى تتلين ازاى .. يعنى كام ألف .. و اقصى سرعة ايه .. و لا هى طالعة من المصنع متلينة ؟؟؟
ان شاء الله هصور العربية من جوا و ابعتلكو