الإخوة الأعزاء كل سنة وانتم طيبين
من اين ممكن اشتري منظف جلد طبيعي للكراسي؟ اللون بيج فاتح و للاسف بسبب ركن العربية طويلاً اصبح شبه اسود و مش عايز استخدم منظف سييء يبوظ الجلد الطبيعي. انا بالتجمع فَلَو في مكان قريب حيكون افضل، شكراً لكم
عرض للطباعة
الإخوة الأعزاء كل سنة وانتم طيبين
من اين ممكن اشتري منظف جلد طبيعي للكراسي؟ اللون بيج فاتح و للاسف بسبب ركن العربية طويلاً اصبح شبه اسود و مش عايز استخدم منظف سييء يبوظ الجلد الطبيعي. انا بالتجمع فَلَو في مكان قريب حيكون افضل، شكراً لكم
انا الكراسى عندى جلد طبيعى اسود وعندى منظف بس مش فاكر اسمه فى الجراج حشوف اسمه واكتبهولك وفى خلطه انا بعملها شايفها جباره ومش بفلوس بستخدمها للتطريه وبفنش بالمنظف
التركيبه
100 جرام زيت برافين+ورنيش عديم اللون اللى هوه بسفنجه كريم مش سائل +5 نقط زيت صابون بريل+ب5 جنيه زيت خام بتاع تركيب العطور وتختار الرائحه اللى تعجبك+ماء
حط جميع المكونات فى زجاجه ماء معدنى 1.5 لتر
الورنيش الكريم بيبقى صعب شويه تفريغه بالراحه حتى تفرغه فى الزجاجه
بعد وضع جميع المكونات كمل الزجاجه لنصفها ماء واغلقها ورج جيد جدا جدا
مبروك عندك خلطتى السريه او اللى كانت سريه
حتلاقى لونها ابيض تجيب زجاجه اسبراى وتفضى فيها الخليط
انا بستخدمها وعامله نتيجه ممتازه وكمان معطر والمنظف الغالى بصراحه هى تعتبر زيه لاكن تتفوق بالرائحه
تقصد فرش جلد ( كله صناعى .. انما كلمه طبيعى دى .. لا اعلم )
فى اى بنزينه موبيل كبيره .. حتلاقى منظف الفرش الجلد .. اكثر من نوع .. انا اشتريت زجاجه كريم صغيره و كانت ب 80 جم و فيه انواع تانيه ارخص
للفرش جلد ( كله صناعى ..انما كلمه طبيعى دى .. لا اعلم ).. ممكن الصابون الفيبا غسيل كويس .. ثم الشطف الجيد .. انا جربتها و كويسه ( الفرش جلد .. اللون بيج فاتح .. السياره اسبرانزا ) .. و مفيش مشاكل و لا تشقيق فى الجلد
و ممكن ايضا البنزين و لكن بحرص .. مفعوله اقوى و اسرع
الجلد الطبيعى الطبيعى حيكون فى عربيات مترفه جدا ..
اما كل العربيات بتاعتنا هى جلد .. لكن لا اعتقد الطبيعى
البنزين بيشيل الجزء الاسود على الجلد ( اللى يخليك تعتقد ان طبقه الجلد تاكلت و ظهر ما تحتها ) لكن بعد التنظيف بالبنزين سيظهر لون الجلد البيج مره اخرى
تمام انا بالنسبالى الجلد الطبيعى اكيد عندى لان العربيه جايه من بره كده ولان السروجى اكدلى كده
بالنسبه للتنظيف لو حتنظف اوساخ ممكن فعلا تستخدم التنر لانه اقوى وانظف من البنزين وبعد ازاله الاوساخ اشطف بميه وبعد ما تنشف استخدم الخلطه والمنظف اللى عندى اسمه armor all leather care كان ب50 على ما اتذكر (ممكن بعد ما تظبط الوضع اوى تفنش بيه )
عموما الخلطه دى انا مجربها وعامله شغل ممتاز معايا (محتاج اسبوع عشان توصل الجلد لاصله)
بتعمل طبقه بالبخاخ وتسيها تتشرب لتانى يوم وتمسح بفوطه نضيفه
تانى يوم بتعمل طبقه بالبخاخ وتكون شارى فرشه من اللى بيلمعو بيها الجزم وتدعك جامد لتصل لكل النتوئات وتسيبها يوم وتمسح بفوطه نضيفه وتكرر حتى تحصل على النتيجه المطلوبه ان الجلد يكون طرى جدا وملمسه دهنى متشرب بالماده ولامع ونظيف لاكن سطحه منظف جيدا حتى لا يلم تراب