مشكلة في كيا بيكانتو ونمحتاج نصايحكم

**qkash.com** · 18-07-2015 01:48 AM

السلام عليكم.
ملاحظة هامة العربية بيكانتو ٢٠٠٨وأنا من اسكندرية
المشكلة باختصار في البداية قطعت وبطلت وراحت واقفة أدور تدور تقطع وتمشي مهما أدوس بنزين ماشيت ٢٠ متر وراحت مبطلة ومدارتش تاني أدور تبطل
ناس قالت بوجيهات غيرتها وبرده نفس المشكلة وناس قالت طلمبة بنزين وناس قالت وش الكرنك وناس قال موبينا ومليون رأي وانا مش عارف اعمل ايه؟
ومش عارف اوديها لمين.
اقرب واحد روحتله فضل يدور ويضغط علي التشغيل في الماكينة ومن كتر التجارب والضغط خرطوم من كوعة المياة انفجر وعملت دخان وباظ البوز اللي بيدخل فيه الخرطوم وقالي لازم تغير الكوعة كلها وسالت عليها لقيت سعرها في حدود ال ٢٠٠ جنية
يعني روحتله بمشكلة راح عملي مشكلة تانية وبقوا مشكلتين
وبرده محلليش المشكلة الأولي
ياريت لو حد عنده تجربة مشابهة او عنده حد كويس اروحله يبقي كتر خيركم وجزاكم الله خيرا

**Yehya Badr** · 18-07-2015 02:14 AM

نصيحة من مالك سابق للبيكانتو عليك بالتوكيل بدل ما تتبهدل منك عند صنايعية حمير !!! حتتكلف أكثر لكنك حتحافظ علي العربية !!!

**A.Saad** · 18-07-2015 09:38 AM

اخبار rpmفيه رعشة ولا لا

شوف خرطوم البنزين اللى واصل الموتور بيدى بنزين ولا لا

**qkash.com** · 18-07-2015 12:15 PM

المشاركة الأصلية كتبت بواسطة A.Saad

اخبار rpmفيه رعشة ولا لا

شوف خرطوم البنزين اللى واصل الموتور بيدى بنزين ولا لا

ايوة في رعشة في ال rpm ده بيكون دليل علي آيه ؟

**Yehya Badr** · 18-07-2015 01:12 PM

المشاركة الأصلية كتبت بواسطة qkash.com

الناس قالولي التوكيل هيعملهالك قصة و هيدفعوك دم قلبك وانا مش مستحمل اي حاجة

أديك حربت الصنايعية اللي برة و شوفت النتيجة !!! أنصحك تروح توكيل كيا في العامرية !! خليهم يشخصوا العيب و بعدين خذ قرارك

**tatasamy** · 19-07-2015 01:29 AM

بص ياباشا...

العيب ممكن يكون كالتالي وراجع واحده واحده:
1. طلمبة بنزين
وده تجرب وانت بتدور وتدوس بنزين ان في بنزين بيخرج بعد الفلتر من الخرطوم الي داخل للعربية ولا لا
2. بوجيهات مرطبة
وده تجربه بهد كذا تدويره ان البوجيهات بتسخن يعني بتحاول تعمل شعلة ولا لا..فكده تدخل على الموبينه
3. الموبينه والابلاتين
هنا غيرهم وتوكل على الله!
4. الرشاشات والبوابة (لو أنجكشن)
تنظيف رشاشات والبوابة بتاعت الموتور

لو كل ده ماجابش نتيجة لقدر الله...يبقى انت وقعت في فخ البنزين يكون كله مايه وده للأسف هتفضي التنك كله وتروح على التوكيل عشان يراجع على الدوره كلها!!!

والله أعلم!