الموضوع: هو انا غلطت و لا ده نصيب

صراحه انا تعبان نفسيا و شبه مدمر و الموضوع مأثر فيا جدا

المشاركة الأصلية كتبت بواسطة unl0veable

بص ياصديقى انا هكلمك فى حمادة تاني خالص

انا لو هتجوز مش هدخا اخد راي ناس انا معرفهمش ولا اعرف متجوزين مين

انا هستخير ربي وهستشير ناس قرايبي او اصحاب درجة اولي

هتوكل علي الله واشوف رزقي واكيد فى علامات هتقولك تكمل ولا تبعد

هديك مثال - انا مراتي اكيد بحبها عشان حاجة مش موجودة في اي ست تانية

زي مانت بردوا بتحب مامتك عشان حاجة معينة وشايف انها بالحاجة دي تستحق تكون احسن ام فى الدنيا

34 سنة يعني قادر تعرف تفرمت دماغ اللي هتكون مراتك لان لو لسه مش عارف تحدد يبقي بلاش جواز من اصلوا وخليك كدا وعيش اللحظة الحلوة

كلامك صح بس انا فعلا خدت رأي اقارب و اصدقاء درجه اولي
و سبب كتابتي في المنتدي اني كنت بناقش نقط معينه في الموضوع بس
مش كل الموضوع
في اكيد حاجت محكيتهاش طبعا ده اولا
ثانيا المنتدي فيه الاف الناس يعني بدل رأي شخصين او ثلاثه هتلاقي هنا كذا واحد بتجارب مختلفه و يمكن تلاقي حد حصله زيك بالظبط و يقولك المفيد
ثالثا صعب تفرمت عقل بنت عمرها 28 سنه
رابعا من اول الموضوع حسيت اني مش مرتاح لأم البنت و رغم ذلك قولت من الوقت هعرفها و هتأكد من شكوكي صح و لا غلط
و كانت نيتي خير مش هقولك اني كنت اشتريت الخاتم هديع العروسه و خدته معايا يوم ما روحنا ليهم علشان لو اتفقنا (مكنتش متوقع اننا هنختلف) نقرا الفتحه و نلبسه ليها و كان خاتم سعره 3000 جنيه تقريبا
انا كنت عايز اكمل لأخر لحظه لحد شويه اللخبطه اللي حصلت يوم ما والدها جه زارنا و بدء الكلام يتيغير و بدء توجيه اللوم ان تصرفاتهم يا اما بسبب ان بابا اسلوبه عنيف او ان ماما مش بتدي مامتها فرصه و مش بتفهم من امها صح
حسيت ساعتها اني هكمل بس و جوايا شك و مش داخل بنيه صافيه زي زمان و مع اول مشكله مش هعرف الاقي ليهم مبرر من نوع التفسير الكويس مش التفسير الوحش
موضوع اني سبتها سبب ليا الم كبير بس بقي واضح من الموضوع ان الام مش سهله و انها بتقوم بدور كبير في كل حاجه و هي اللي عايزه و هي اللي شايفه و رغم ان الطلب في ناس ممكن تعتبره عادي و مشروع بس طريقه ارمي الشبكه و شوف هتصطاد ايه متنفعش معايا و لا مع اسرتي علشان احنا عيله في الدوغري و بنقول كل حاجه بوضوح و ملناش في اللف و الدوران

المشاركة الأصلية كتبت بواسطة mody1982

صراحه انا تعبان نفسيا و شبه مدمر و الموضوع مأثر فيا جدا

انت زعلان على نفسك .. موش زعلان على البنت ..

و زعلان على الامل اللى راح ( يعنى بعد ما حسيت انك اخيرا وصلت لاخر طريق المعاناه .. لقيت انك ستبدأ الطريق من جديد و البحث من جديد ) ..

بس لا تخدع نفسك البدء من جديد افضل من السير فى طريق خاطئ سيؤدى بك للبدء من جديد عاجلا ام آجلا ( و لكن بظروف اسوء .. مطلق .. او عندك اولاد )

نصائح عامه

نصائح عامه لا تخص كاتب الموضوع .. و لكن تخص المقدم على الزواج .. و ساضعها بترتيب خطورتها على الزواج

1- لا تتزوج من امرأه علشان صعبانه عليك .. او من باب الرحمه بها .. زواج فاشل 100% .. و آذيت نفسك و آذيت غيرك بدون وجه حق

2- لا تتزوج امرأه عنيده .. مهما كان فيها من مميزات

3- لا تتزوج من بيت المرأه فيه هى المسيطره ( ام العروسه ) .. بيت مفيش فيه راجل .. يبقى مفيش فيه اصول للصح و الغلط عند الاختلاف .. الطلاق محتوم 100% لو انت راجل محترم ( لانك موش حا تتحمل اللف و الدوران )

و فى بيت زى ده .. عاده ستجتمع الاسره و يدرسوا و يخططوا و يقرروا .. و التنفيذ يكون عن طريق البنت .. يعنى حياتك على المشاع .. و المناكفه بطريقه النفس الطويل

4- كون الرجل او المرأه متدين .. هذا لا علاقه له بشخصيته ( قنوع ام طماع .. عصبى ام هادئ ) .. فلا تجعل التدين القشرى يخدعك ( هو مقياس اساسى فقط .. و لكن ضمن مقاييس اخرى )

5- دائما خلى عينك و تركيزك على الام .. لان مراتك ستكون بنسبه 95% بنفس الاسلوب .. عاجلا ام آجلا فى معظم الاحوال ( بدون تعميم )

اما لكاتب الموضوع ..

- زوجتك حتكون دنيا و آخره .. يعنى مكتوب .. اصبر لغايه ربنا ما يفرجها
- انت شكاك شويه .. و حقيقى فى وقتنا ده .. اعتقد انه شيئ كويس انك تبقى حريص
- و اعتقد ان انت انسان محترم .. يعنى معندكشى خبره باللف مع الحريم .. دى ميزه .. و لكن فى وقتنا ده تؤذيك اكثر ما تفيدك
- و بلاش تفكر فى الحريم .. انها ضعيفه .. و ممكن تتكسر .. الحريم اقوى منى و منك ( طول ما هى حاسباك بعقلها )

خش في لحم اخوك افواز
انا عامل قلق في بيت الزواحف من يومين بسبب الجواز دا
متزعلش مني انا بهزر بس لان همنا واحد
المهم انت لك نصيب هتاخده دا الي انا استنتجته في الاخر وانت مش غلطان في اي حاجه
وشوف اختك بنت عمك ينت خالتك مرات اخوك هما لهم الطرق بتاعتهم خليهم يشفولك وان شاء الله تلاقي الي يستاهلك
انا والدي متزوج 36 سنه وخالي 37 وخالي التاني 41 وسه بيدور وابن عم واحد صاحبي مهندس زراعي وعنده كل حاجه ومتزوج من شهرين والله وسنه 39 وعادي جدا

خالك لن ينضلح الا بالصلاه في المسجد
ستكون علاقات اجتماعيه هناك
ستجد من سيكون حريص علي تزويجك

المشاركة الأصلية كتبت بواسطة s.h.a.h.e.r

خالك لن ينضلح الا بالصلاه في المسجد
ستكون علاقات اجتماعيه هناك
ستجد من سيكون حريص علي تزويجك

هو دة الكلام الصح
حضرتك فى كل مسجد كبير بيبقى فية معهد لتحفيظ القران للنساء وللرجال
لو تعرف حد هناك ممكن يرشحلك بنت من بنات المعهد وباذن الله هتلاقى افضل البنات هناك

لاتندم علي اي اي شئ فات ,خد درس منو فقط