بص يا باشا مبدأيا , والبدايه خير
انا راجل متحيز للتيدا بصراحه
, ليه لاني معايا القديمه
والجديده بالتفيس ال cvt تضرب القديمه بالجزمه
تمام لحد هنا
ثانيا انا معترض اعتراض كلي ان الواحد يقارن الياباني بالكوري
حتي لو االالنترا متقفله ف اليابان و التيدا ف الصين
ف التكنولوجي بتاعت الماتور وو الفتيس و الفرامل و غيره ياباني
تمام
نيجي بقي للنقطه المقارنه
التيدا فئه هاتشباك , شبابي شويه , شنطتها اصغر اكيد من الالنترا العائلي شويه
التيدا مجملا تضرب الالنترا بالجزمه
ماتور قوي جدا من التيدا , المعروف طول عمره من يوم ما نزل بصوته الهادي وعزمه المحترم و اداءه الممتاز
فتيس التيدا الجديد الموفر للبنزين بشكل خزعبلي , التفويله اصلا ف التيدا القديمه معايا 45 لتر بنتزين بتعمل 550 كيلو
ف الجديده الناس وصلت بيها ل 650 كيلو واكتر ب 45 لتر بنتزين
عفشه التيدا الرائعه , ال بتحسسك انك راكب مركب ف سلاسته والهدوء علي المطبات و الطرق المكسره
قعده التيدا المريييييييييييييييحه جدا , انك لو مسافر 1000 كيلو مش هتحس اصلا وانت نازل منها ان جسمك مكسر
تكييف الياباني طبعا ف التيدا و الصني وغيرها
صاج التيدا المحترم جدا
والنقطه الاخيره التوكيل ابن الناس بتاع النيسان عموما وانتشار مراكز الخدمه
تاخد ايه بقي من الالنترا
انتشار قطع الغيار اكيد افضل من التيدا وارخص كمان
دا حاجه طبعا اساسيه نتيجه لانتشار الالنترا اكتر من التيدا
اعاده البيع اكيد ف صالح الالنترا لو ناوي تغيير قريب وعلي طول
التيدا تقيله شويه وهتخسر شويه ف اعاده البيع
وكل واحد بيحسبها على حسب احتياجاته , والشكل بردو اذواق , كل واحد و نظرته للعربيه
شوف انت محتاج ايه من العربيه ؟؟
وايه ال ناقصك فيها
واركب العربيتين واستخير ربنا وقرر
ربنا يوفقك يارب
وكل سنه وحضرتك طيب
المفضلات