السلام عليكم و رحمة الله و بركاته
الزملاء الاعزاء
قادتنى احدى الظروف التعيسه للاستماع الى مشاهده و استماع حلقات اومليتيه (اقل ما توصف به )
لاشخاص مثل خليل و مايا و بايا و حاجات غريبه و ده يتريق على ده و ناس تانيه ترد و كل من كان عنده كاميرا موبايل و نت بقى يعمل برنامج
و فكرت كم من الوقت استنزف من هؤلاء و ممن يتابعهم و ترجمه ذلك الى نقود من حيث وقت ضائع و استهلاك انترنت
و حاسس انها موضه هانمشى فيها شويه زى dubsmash و البلوجات و السلفى و سوف يبقى من يفيد
المهم , خطر فى بالى بما ان المنتدى هنا يضم من الخبرات الكثير فى شتى المجالات
طيب لماذا لا نفيد بعض ففكرت اعمل موضوع عن البودكاست التى اعرفها
و من يعرف اكثر نرجو ان يضعها لكى نستفيد كلنا
و سريعا البودكاست هو عباره عن تسجيل صوتى لموضوع معين و مميزاته انك تستمع له فى اى مكان
و انت قاعد فاضى , و انت سايق و هكذا
على بركة الله نبدأ
1- سايوير بودكاست (علمى متخصص و تقيل نوعا ما بس مفيد جدا )
نبذه عن مقدمه : محمد قاسم، حاصل على شهادة الدكتوراة في مجال الهندسة الإلكترونية من جامعة ساوثهامتون في بريطانيا، حصلت على كل من شهادتي البكالوريوس والماجستير من الولايات المتحدة الأمريكية، أحب العلم والتكنولوجيا على المستوى الشخصي، نقلهما والدي لي في الصغر، وأكملت المسيرة العلمية في الشباب، والآن حان دوري في نقله لكم.
http://www.mqasem.net/sciware/
2- passion to profit بودكاست و دى كانت حلقات نوه عنها من قبل احد الزملاء الاعزاء (Secret-Man) و تابعتها و مش عاوز اقول كم كانت ممتعه فشكرا له
مقدم البودكاست هو مصرى اسمه محمد عادل و صاحب الفكره هو محمد تهامى , و هو من خبراء التحفيز
موقعه الشخصى Passion To Profit (Tohami’s Bestselling Topic) — Mohamed Tohami
موقع البودكاست PodOmatic | Podcast - Passion to Profit Podcast
3- ريادى من بلادى
بودكاست اردنى يقابل فيه شخصيات عامه ناجحه فى حياتها و البودكاست ده بالذات له معى قصه لذيذه حيث فوجئت و انا اسمع لاحدى حلقاته انها مع صيدلى مصرى يعيش بالاردن و من رواد انتاج الديزل الحيوي
و يخطط لجعل الاردن اكبر مكان لتصنيه و بيع الوقود الحيوى على سنه 2020 و بصراحه لم اتمالك نفسى من الفخر به و ارسلت له رساله على بريده لاثنى عليه
و فوجئت به يتحدث الى و تحادثنا اكثر من 5 مرات بمعدل ساعه او اكثر فى المره الواحده حتى صرنا شبه اصدقاء
على فكره هو مش كبير سنا و لا حاجه (خريج صيدله دفعه 2001 )
موقع البودكاست Riyadi Podcast Episodes حلقات برنامج ريادي من بلادي مع سائد يونس | Riyadah ريادة
4- اخيرا محاضرات تيد باللغه العربيه
هو ده مش بودكاست انما عباره عن محاضرات و فى ناس متطوعه جزاهم الله خيرا ترجموها الى العربيه و طبعا تيد غنى عن التعريف و شفناه فى مصر فى اكتر من محافظه
بس حلقات بره غير خالص من حيث المحتوى و الخبرات
https://www.ted.com/talks?language=ar
يا ريت اللى عنده اى مواقع لحلاجت مفيده نسمعها و يا حبذا لو بالعربى حتى يستفيد الجميع , ان لا يبخل بها علينا
شكرا لكم و اتمنى ان الموضوع يفيد من يراه
المفضلات