ساعدونى يا اساتذة الانوس مشكله كبيره و مش عارف اعمل فيها ايه
السلام عليكم
المشكله بدائت من يوم ما اشتريت العربيه طبعا شاريها مستعمله المهم كنت لو سبت العربيه يومين من غير ما اسخنها يعنى ادورها بتاع ربع ساعه لو جيت دورتها اليوم الثالث ما ترداش تدور ابدا و لازم اخد واصله من حد علشان العربيه تدور و طول الفتره دى كنت فاكر ان المشكله مشكلة بطاريه و طبعا لان البطاريه غاليه شويه كنت باجل الموضوع لحد ما فيوم العربيه مارديتش تقوم خالص حتى لما اخدت وصله من حد تانى و الناس كلها اجمعت ان كده البطارهخلاص باظت مع العلم ان البطاريه جافه و فيه ناس قالت تتشحن وناس قالت تترمى و طبعا انا قولت بدام كده كده هتترمى اجرب اشحنها و فعلا شحنتها و اشتغلت و بعدين اسبوعين و فصلت تانى قولت خلاص اشترى بطاريه وامرى لله روحت لبتاع البطاريات و كانت المفاجاءه لما قالى يابيه البطاريه سليمه انت عندك ماس فى العربيه بيهرب شحن البطاريه و طبعا انا صدقته لانه راجل امين هو كان ممكن يبيعلى بطاريه و خلاص بالعكس ده هو لما قالى كده خسر مش كسب المهم روحت لكهربائى كشف على الانذار و الكاسيت و قالى العيب فى الكاسيت قولتيله ليه يا عم هو الكاسيت اللى واصل على البطاريه علطول و لا الكاسيت قالى لا الكاسيت بردو واصل على البطاريه مباشر علشان التخزين تخزين قنوات الراديو المهم قولتيله افصله و فعلا فصلو و كنت فاكر ان كده الفيلم خلص لكن للاسف رو حت مشوار حوالى 250 كيلو و رجعت و سيبت العربيه 3 ايام بالعدد مجتش نحيتها خالص و كانت المفاجاءهفى اليوم الرابع و انا بدور العربيه ما بدورش رغم ان البطاريه منوره اخضر مع العلم ان الكلاكس واطى و صوت الانذار بردو واطى و طبعا مادريتش غير بردو لما اخدت وصله من حد
اعمل ايه يا جماعه فى العربيه دى و ممكن يكون العيب فى ايه و لو روحت لكهربائى ممكن تسريب الشحنه ده يكون فين بالضبط :hugging::hugging::hugging::hugging::majd(4)::majd (4)::majd(4)::majd(4):