والله وانا كمان ميال جدا ليها
عرض للطباعة
شركاااات ايه بس احنا غلابة
هوا المستوى المادي جيد
يعني اعرف ادفع المصاريف وأكون في مستوى الطلاب اللي هناك
لكن لا والدي عندو شركات ولا احنا عيلة كبيرة ولا حاجا
وبعدين هوا المهندس الناجح أو رجل الأعمال لازم يكون والدو حاجا في البلد
أنا زي مقولتلك احنا غلااااااابة والحمد لله
لو عندك مقدره مادية تتحمل تكاليف المعيشة في المانيا قدم على هندسة في جامعة في المانيا
ﻻن التعليم في المانيا مش غالي ولكن هتتحمل تكاليف المعيشة
وفيه ناس كتير كاتبه عن الموضوع دا على النت
اﻻختيار اللي بعده طبعا guc ثم ال miu دا لو عايز تتميز في شغلك ومستقبلك داخل او خارج مصر ان شاء الله
سافر اتعلم بره وسيبك من الهجص اللى هنا
انت طالما هتبتديها تمنى بالخلاص من البلد يبقى مش هتنجح هنا ولا برة
الافضل ان تكون راضيا شاكرا على ما عندك و السفر او غيره على حسب قرارك بعد النجاح بأذن الله
لو دخلت هندسة هتاخد كل وقتك و فى الصيف لازم تاخد كورسات لغة او برمجة او موديللينج او analysisعلى حسب
و لو اهملت فيها هتتخرج بمقبول و دا مش كويس لمهندس مقبل على انترفيو فى السوق المصرى
بص ادنى مستوى من الدراسة فى الكلية -اى كلية هندسة- هيخليك كفء انك تنجح فى الشركات المصرية لأن هنا مفيش ابحاث .. كلها تطبيقات سهلة على برامج هندسية
انا اتخرجت من الاوائل -هندسة عين شمس- العقد الماضى- و بجد التقدير بيفرق جدا جدا فى مستوى الشركة اللى انت بتشتغل فيها
و اى استفسار انا معاك
هندسة اسكندرية و انت مغمض و بسرعة ما تفكرش
ألف مبروك وعقبال التفوق والتميز فى دراستك الجامعية... عن نفسى بفضل هندسة الاسكندرية
والاختيار لك فى الآخر
لو ناوى على جامعه خاصه يبقى الأكادمية البحريه من اعرق الجامعات على مستوى العالم
لان اساسا فى مصر مفيش غير عدد 2 جامعه دولية وهما الجامعه الامريكية والتانيه الأكادمية البحريه الباقى اسماء للدول فقط